គ្រូពេទ្យមន្ទីរពេទ្យម៉ាលីយ៉ា ចាក់ថ្នាំខុសបណ្ដាលឱ្យព្រះចៅអធិការ វត្ដអង្គអណ្ដែតសុគត
តាមប្រភពព័ត៌មានពីញោមស្រី ឈ្មោះ កែវ សុខា អាយុ៥០ឆ្នាំដែល និមន្ដព្រះចៅអធិការមកព្យាបាលអាពាធ នៅមន្ទីរពេទ្យម៉ាលីយ៉ាបានប្រាប់ឱ្យដឹង ថា កាលពីថ្ងៃទី១៤ ខែធ្នូ ឆ្នាំ២០១៣ ដោយសារព្រះតេជព្រះគុណមានអាពាធដុះសាច់បំពង់.ក(VIDALE) ទើបព្រះ អង្គនិមន្ដពីវត្ដអង្គអណ្ដែតមកគង់ព្យាបាល នៅមន្ទីរពេទ្យឯកជនម៉ាលីយ៉ានេះដើម្បី ធ្វើការវះកាត់សាច់បំពង់.ក ។ លុះមក ដល់ថ្ងៃទី១៧ ខែធ្នូ ឆ្នាំ២០១៣ បន្ទាប់ពី ពិនិត្យវាស់ស្ទង់សុខភាពរួចមកគ្រូពេទ្យបានចាក់ថ្នាំប្រគេនព្រះ អង្គមួយម្ជុលក៏ បណ្ដាលឱ្យប្រកាច់បែកពពុះមាត់សុគតតែម្ដងទៅ ។
ញោមស្រីព្រះចៅអធិការវត្ដអង្គ អណ្ដែតបានសម្ដែងការសោកស្ដាយ ចំពោះព្រះតេជព្រះគុណព្រះនាម ងឹម វ៉ាន់នី ដែលបានសុគតទាំងវ័យក្មេង ដោយគ្រាន់តែមានអាពាធដុះសាច់បំពង់ .កក្រោមស្នាដៃគ្រូពេទ្យគ្មានជំនាញ របស់មន្ទីរពេទ្យម៉ាលីយ៉ាមួយនេះ ។
ញោមស្រីកែវ សុខា បានអំពាវនាវ សូមឱ្យក្រសួងមានសមត្ថកិច្ច ជាពិសេស ក្រសួងសុខាភិបាលមេត្ដាត្រួតពិនិត្យមន្ទីរ ពេទ្យម៉ាលីយ៉ានេះឡើងវិញ សូមកុំគិត តែពីរឿងលុយខ្លាំងពេកគួរតែពិនិត្យឱ្យបាន គ្រប់ជ្រុងជ្រោយរាល់ជំងឺរបស់អតិថិជន ជៀសវាងគ្រោះថ្នាក់ដល់ជីវិតដូចកូន ប្រុសរបស់គាត់នេះ ។
លើសពីនេះទៅទៀតក្រសួងសុខាភិ បាលគួរតែពិនិត្យមើលគុណភាពឱសថ ដែលកំពុងប្រើប្រាស់នៅក្នុងមន្ទីរពេទ្យ នានាក្នុងពេលសព្វថ្ងៃនេះ ព្រោះថាកន្លង មកមានប្រជាពលរដ្ឋរងគ្រោះដល់ជីវិត ឬពិការមួយចំនួនដោយសារតែឱសថ គ្មានគុណភាពកំពុងធ្វើចរាចរណ៍លើ ទីផ្សារនិងគួបផ្សំគ្រូពេទ្យធ្វេសប្រហែសដែលគេសង្ស័យថា ភាគច្រើនពួកគាត់ គ្មានជំនាញច្បាស់លាស់ ។
គ្រូពេទ្យជំនាញបាននិិយាយថា ព្រះ ចៅអធិការវត្ដអង្គអណ្ដែតដែលសុគត យ៉ាងទាន់ហន់នេះដោយសារតែគ្រូពេទ្យ មន្ទីរពេទ្យម៉ាលីយ៉ាធ្វេសប្រហែសនិង មិនបានពិនិត្យមើលគុណភាពឱសថ មុនពេលចាក់ថ្នាំព្យាបាលព្រះអង្គ ។
ទាក់ទិននឹងការសុគតរបស់ព្រះចៅ អធិការវត្ដអង្គអណ្ដែតនេះនគរវត្ដមិន អាចសុំការបំភ្លឺពីនាយកមន្ទីរពេទ្យ ម៉ាលីយ៉ាបានទេកាលពីល្ងាចថ្ងៃទី១៧ ខែធ្នូ ឆ្នាំ២០១៣ម្សិលមិញនេះ ៕
Read more: http://www.cambodiapage.info/?p=8713#ixzz2nnHlvnZr
