យុវតីខ្មែរដំបូងជាអ្នកសម្ដែងប្រយុទ្ធសិល្បៈក្បាច់គុនល្បុក្កតោ
ខ្ញុំ ចង់ធ្វើជាស្ដ្រីរឹងមាំដែលអាចការពារខ្លួន និងថែរក្សានូវក្បាច់គុនបុរាណ ព្រមទាំងវប្បធម៌ខ្មែរឲ្យនៅគង់វង្ស»។ នេះជាសម្ដីរបស់យុវតីដែលស្រឡាញ់វិស័យក្បាច់គុន ល្បុក្កតោ។
កញ្ញា អ៊ុំ ថារ័ត្ន បានសាងឈ្មោះល្បីល្បាញជាអ្នកប្រយុទ្ធ និងអ្នកសម្ដែងក្បាច់គុន ល្បុក្កតោតាំងពីការប្រកួតឆ្នាំ ២០០៨ មកម៉្លេះ។
ក្រុមរបស់កញ្ញាបានចេញសម្ដែងក្នុងព្រឹត្ដិការណ៍ យក្សនៅប្រទេស កូរ៉េ ក្នុងឆ្នាំ ២០១០ និង២០១១។ ក្រោយមកពួកគេបន្ដដំណើរទៅកាន់ប្រទេស វៀតណាម និងកូរ៉េម្ដងទៀតនៅឆ្នាំ ២០១២ កន្លងទៅនេះ។ ក្រោយពីមានឈ្មោះបោះសំឡេងមក កញ្ញាត្រូវបានអញ្ជើញឲ្យសម្ដែងក្បាច់គុនបុរាណខ្មែរនៅទីក្រុង តូក្យូ នៃប្រទេស ជប៉ុន ក្នុងឆ្នាំ ២០១៣ នេះ។
កញ្ញា អ៊ុំ ថារ័ត្ន តែងតែទទួលបានការកោតសរសើរចំពោះការសម្ដែងនិងការប្រកួតនានា។
កញ្ញា មានមោទនភាពចំពោះខ្លួនឯងណាស់ ពីព្រោះកញ្ញាអាចធ្វើជាតំណាងឲ្យកម្ពុជានូវទេពកោសល្យល្អឥតពីរនៃ សិល្បៈក្បាច់គុននេះ។
យុវតីវ័យ ២៣ ឆ្នាំរូបនេះ ជាកូនពៅនៅក្នុងចំណោមបងប្អូនតែពីរនាក់ដែលមានឪពុកឈ្មោះ អ៊ុំ តារា ជាតន្ដ្រីករជាន់ខ្ពស់លេងឧបករណ៍វីយូឡុងសម័យទសវត្សរ៍ ទី៦០ ហើយអ្នកម្ដាយរបស់នាង ឈ្មោះ សុំ វណ្ណា ជាស្ដ្រីមេផ្ទះ។
កញ្ញា ផ្ដើមស្រឡាញ់ក្បាច់គុន ល្បុក្កតោ នេះខណៈពេលដែលបានឃើញការប្រកួតរបស់មិត្ដភក្ដិ ហើយក្រោយមក កញ្ញាបានសម្រេចចិត្ដចូលហ្វឹកហាត់ជាមួយលោកគ្រូតា សាន គឹមស៊ាន នៅចុងឆ្នាំ ២០០៧។
គួរឲ្យកត់សម្គាល់ថា កញ្ញាមិនដែលបានរៀនក្បាច់គុននេះពីមុនមកទេ។ ដូច្នេះវាពិតជាពិបាកបន្ដិចនៅពេលចាប់ផ្ដើមដំបូង ពីព្រោះវាមានគន្លឹះជាច្រើនដែលត្រូវចងចាំ។ យុវតី ថារ័ត្ន ត្រូវខិតខំហ្វឹកហាត់ពីមួយថ្ងៃទៅមួយថ្ងៃដោយស៊ូទ្រាំនឹងការនឿយហត់ពុំធ្លាប់ជួបប្រទះ ព្រមទាំងការជម្នះនឹងការជំទាស់ពីគ្រួសារពួកគេងាកមកគាំទ្រកញ្ញាវិញ ចាប់តាំងពីកញ្ញាល្បីឈ្មោះដែលបានជួយលើកស្ទួយមុខមាត់ គ្រួសារ និងប្រទេសជាតិ។
កញ្ញា អ៊ុំ ថារ័ត្ន លើកឡើងថា៖ «វាគ្មានគុណវិបត្ដិសម្រាប់ខ្ញុំទេចំពោះការរៀនក្បាច់គុន ល្បុក្កតោនេះ ពីព្រោះអ្វីដែលខ្ញុំទទួលបាន គឺល្អចំពោះខ្ញុំ និងសង្គមទាំងមូល។ ខ្ញុំមានសុខភាពល្អ និងអាចការពារខ្លួន គ្រួសារ និងវប្បធម៌របស់ខ្ញុំ»។
បច្ចុប្បន្ននេះ កញ្ញាហ្វឹកហាត់ពីរថ្ងៃក្នុងមួយសប្ដាហ៍នៅពេលរសៀលចាប់ពីម៉ោង ៥:៣០ ដល់ម៉ោង ៧:៣០ យប់ជាមួយនឹងលោកគ្រូ សិស្សច្បង និងមិត្ដភក្ដិ។
លោក សាន គឹមស៊ាន ជាអតីតគ្រូតារបស់កញ្ញា បានប្រាប់ថា កញ្ញា ថារ័ត្ន គឺជាសិស្សឆ្នើម និងឧស្សាហ៍ព្យាយាម មិនខ្លាចនឿយហត់។ ឥឡូវនេះ កញ្ញាឈប់រៀនជាមួយលោកហើយ ហើយមកចូលរួមជាមួយក្រុមផ្សេងដែលមកពីបស្ចិមប្រទេស។
លោក គឹមស៊ាន បានឲ្យដឹងថា៖ «ខ្ញុំមិនដឹងច្បាស់ពីអ្វីដែលគាត់កំពុងតែធ្វើ ឬរៀននោះទេពេលនេះ ហើយខ្ញុំក៏គ្មានអារម្មណ៍ពេញចិត្ដនោះទេ ពីព្រោះគាត់បានយកល្បុក្កតោទៅចូលរួមជាមួយនឹងជនជាតិបរទេស។ ពួកគេមិនស្គាល់ច្បាស់ពីក្បាច់គុនរបស់យើងទេ»។
ជាមួយនឹងការលើកឡើងនេះ កញ្ញាបានបកស្រាយថា កញ្ញាមិនធ្លាប់ទៅហាត់រៀនក្បាច់គុនល្បុក្កតោជាមួយជនបរទេសទេ ប៉ុន្ដែកញ្ញាបានឆ្លៀតពេលទំនេរទៅហ្វឹកហាត់ក្បាច់គុនប្រដាល់សេរី នៅស្ដាតចាស់ ហើយបានឡើងប្រកួតប្រដាល់សេរីនេះ ២ ដងដែរ។ កញ្ញាប្រាប់ថា កញ្ញាចូលចិត្ដរៀនក្បាច់គុនទាំងអស់ មិនថា វាជា ល្បុក្កតោ ប្រដាល់សេរី ឬវូមីណាម ទេ។
យ៉ាងណាមិញ កញ្ញា អ៊ុំ ថារ័ត្ន បានបញ្ជាក់ថា កញ្ញាចង់ធ្វើជាតារាសម្ដែងក្បាច់គុន ឬអ្នកចម្រៀង ប៉ុន្ដែបើវាមិនអាចក្លាយជាការពិត កញ្ញាមានសុបិនមួយទៀតដែលចង់ធ្វើការនៅក្នុងស្ថានទូត ឬអង្គការ។
យុវតីរូបនេះបានលើកទឹកចិត្ដយុវជនកម្ពុជាទាំងអស់កុំប្រើពេលវេលាឥតប្រយោជន៍ ហើយងាកមកចាប់ឱកាសនៅក្បែរដៃវិញ។ កញ្ញាប្រាប់ថា៖ «ចូលធ្វើអ្វីល្អៗសម្រាប់សង្គម ឬត្រូវចំណាយពេលមកធ្វើអ្វីដែលទ្រទ្រង់ដល់វប្បធម៌របស់យើង ដូចជា សិល្បៈ ឬក្បាច់គុនជាដើម។ ម្យ៉ាងវិញទៀត ប្រសិនបើអ្នកទាំងអស់គ្នាចង់ក្លាយជាអ្នកសម្ដែងក្បាច់គុន ឬអ្នកប្រយុទ្ធ ល្បុក្កតោ អ្នកត្រូវតែខិតខំព្យាយាម ឬក៏យ៉ាងហោចណាស់ អ្នកគួរតែចំណាយពេលខ្លះមករៀនពីទម្រង់នៃសិល្បៈក្បាច់គុនបុរាណខ្មែរនេះ»។
លោកគ្រូ គឹមស៊ាន បានលើកឡើងថា៖ «ខ្ញុំសូមណែនាំដល់យុវជនគ្រប់ជំនាន់ឲ្យរៀន និងថែរក្សាវាជាសម្បត្ដិរបស់យើង។ ការស្វែងយល់ និងការហ្វឹកហាត់អាចផ្ដល់អត្ថប្រយោជន៍ដល់ពួកគេទាំងសុខុមាលភាព បញ្ញា ស្មារតី យល់ដឹងអំពីច្បាប់វិន័យ ផ្ដល់កិត្ដិយសដល់ខ្លួនឯង និងសង្គមជាតិ ក្លាយជាគ្រូបង្វឹកក្បាច់គុន និងការពារខ្លួនតាមផ្លូវច្បាប់»៕
កញ្ញា អ៊ុំ ថារ័ត្ន បានសាងឈ្មោះល្បីល្បាញជាអ្នកប្រយុទ្ធ និងអ្នកសម្ដែងក្បាច់គុន ល្បុក្កតោតាំងពីការប្រកួតឆ្នាំ ២០០៨ មកម៉្លេះ។
ក្រុមរបស់កញ្ញាបានចេញសម្ដែងក្នុងព្រឹត្ដិការណ៍ យក្សនៅប្រទេស កូរ៉េ ក្នុងឆ្នាំ ២០១០ និង២០១១។ ក្រោយមកពួកគេបន្ដដំណើរទៅកាន់ប្រទេស វៀតណាម និងកូរ៉េម្ដងទៀតនៅឆ្នាំ ២០១២ កន្លងទៅនេះ។ ក្រោយពីមានឈ្មោះបោះសំឡេងមក កញ្ញាត្រូវបានអញ្ជើញឲ្យសម្ដែងក្បាច់គុនបុរាណខ្មែរនៅទីក្រុង តូក្យូ នៃប្រទេស ជប៉ុន ក្នុងឆ្នាំ ២០១៣ នេះ។
កញ្ញា អ៊ុំ ថារ័ត្ន តែងតែទទួលបានការកោតសរសើរចំពោះការសម្ដែងនិងការប្រកួតនានា។
កញ្ញា មានមោទនភាពចំពោះខ្លួនឯងណាស់ ពីព្រោះកញ្ញាអាចធ្វើជាតំណាងឲ្យកម្ពុជានូវទេពកោសល្យល្អឥតពីរនៃ សិល្បៈក្បាច់គុននេះ។
យុវតីវ័យ ២៣ ឆ្នាំរូបនេះ ជាកូនពៅនៅក្នុងចំណោមបងប្អូនតែពីរនាក់ដែលមានឪពុកឈ្មោះ អ៊ុំ តារា ជាតន្ដ្រីករជាន់ខ្ពស់លេងឧបករណ៍វីយូឡុងសម័យទសវត្សរ៍ ទី៦០ ហើយអ្នកម្ដាយរបស់នាង ឈ្មោះ សុំ វណ្ណា ជាស្ដ្រីមេផ្ទះ។
កញ្ញា ផ្ដើមស្រឡាញ់ក្បាច់គុន ល្បុក្កតោ នេះខណៈពេលដែលបានឃើញការប្រកួតរបស់មិត្ដភក្ដិ ហើយក្រោយមក កញ្ញាបានសម្រេចចិត្ដចូលហ្វឹកហាត់ជាមួយលោកគ្រូតា សាន គឹមស៊ាន នៅចុងឆ្នាំ ២០០៧។
គួរឲ្យកត់សម្គាល់ថា កញ្ញាមិនដែលបានរៀនក្បាច់គុននេះពីមុនមកទេ។ ដូច្នេះវាពិតជាពិបាកបន្ដិចនៅពេលចាប់ផ្ដើមដំបូង ពីព្រោះវាមានគន្លឹះជាច្រើនដែលត្រូវចងចាំ។ យុវតី ថារ័ត្ន ត្រូវខិតខំហ្វឹកហាត់ពីមួយថ្ងៃទៅមួយថ្ងៃដោយស៊ូទ្រាំនឹងការនឿយហត់ពុំធ្លាប់ជួបប្រទះ ព្រមទាំងការជម្នះនឹងការជំទាស់ពីគ្រួសារពួកគេងាកមកគាំទ្រកញ្ញាវិញ ចាប់តាំងពីកញ្ញាល្បីឈ្មោះដែលបានជួយលើកស្ទួយមុខមាត់ គ្រួសារ និងប្រទេសជាតិ។
កញ្ញា អ៊ុំ ថារ័ត្ន លើកឡើងថា៖ «វាគ្មានគុណវិបត្ដិសម្រាប់ខ្ញុំទេចំពោះការរៀនក្បាច់គុន ល្បុក្កតោនេះ ពីព្រោះអ្វីដែលខ្ញុំទទួលបាន គឺល្អចំពោះខ្ញុំ និងសង្គមទាំងមូល។ ខ្ញុំមានសុខភាពល្អ និងអាចការពារខ្លួន គ្រួសារ និងវប្បធម៌របស់ខ្ញុំ»។
លោក សាន គឹមស៊ាន ជាអតីតគ្រូតារបស់កញ្ញា បានប្រាប់ថា កញ្ញា ថារ័ត្ន គឺជាសិស្សឆ្នើម និងឧស្សាហ៍ព្យាយាម មិនខ្លាចនឿយហត់។ ឥឡូវនេះ កញ្ញាឈប់រៀនជាមួយលោកហើយ ហើយមកចូលរួមជាមួយក្រុមផ្សេងដែលមកពីបស្ចិមប្រទេស។
លោក គឹមស៊ាន បានឲ្យដឹងថា៖ «ខ្ញុំមិនដឹងច្បាស់ពីអ្វីដែលគាត់កំពុងតែធ្វើ ឬរៀននោះទេពេលនេះ ហើយខ្ញុំក៏គ្មានអារម្មណ៍ពេញចិត្ដនោះទេ ពីព្រោះគាត់បានយកល្បុក្កតោទៅចូលរួមជាមួយនឹងជនជាតិបរទេស។ ពួកគេមិនស្គាល់ច្បាស់ពីក្បាច់គុនរបស់យើងទេ»។
ជាមួយនឹងការលើកឡើងនេះ កញ្ញាបានបកស្រាយថា កញ្ញាមិនធ្លាប់ទៅហាត់រៀនក្បាច់គុនល្បុក្កតោជាមួយជនបរទេសទេ ប៉ុន្ដែកញ្ញាបានឆ្លៀតពេលទំនេរទៅហ្វឹកហាត់ក្បាច់គុនប្រដាល់សេរី នៅស្ដាតចាស់ ហើយបានឡើងប្រកួតប្រដាល់សេរីនេះ ២ ដងដែរ។ កញ្ញាប្រាប់ថា កញ្ញាចូលចិត្ដរៀនក្បាច់គុនទាំងអស់ មិនថា វាជា ល្បុក្កតោ ប្រដាល់សេរី ឬវូមីណាម ទេ។
យ៉ាងណាមិញ កញ្ញា អ៊ុំ ថារ័ត្ន បានបញ្ជាក់ថា កញ្ញាចង់ធ្វើជាតារាសម្ដែងក្បាច់គុន ឬអ្នកចម្រៀង ប៉ុន្ដែបើវាមិនអាចក្លាយជាការពិត កញ្ញាមានសុបិនមួយទៀតដែលចង់ធ្វើការនៅក្នុងស្ថានទូត ឬអង្គការ។
លោកគ្រូ គឹមស៊ាន បានលើកឡើងថា៖ «ខ្ញុំសូមណែនាំដល់យុវជនគ្រប់ជំនាន់ឲ្យរៀន និងថែរក្សាវាជាសម្បត្ដិរបស់យើង។ ការស្វែងយល់ និងការហ្វឹកហាត់អាចផ្ដល់អត្ថប្រយោជន៍ដល់ពួកគេទាំងសុខុមាលភាព បញ្ញា ស្មារតី យល់ដឹងអំពីច្បាប់វិន័យ ផ្ដល់កិត្ដិយសដល់ខ្លួនឯង និងសង្គមជាតិ ក្លាយជាគ្រូបង្វឹកក្បាច់គុន និងការពារខ្លួនតាមផ្លូវច្បាប់»៕
ប្រភពពី ភ្នំពេញប៉ុស្តិ៍
