រាជធានីភ្នំពេញ ៖ នារីវ័យក្មេងម្នាក់ជាអ្នកចម្រៀង ប្រចាំនៅបៀរហ្គាឌិនពិភពសុខ សាន្តបានចោទប្រកាន់ អ្នករត់រ៉ឺម៉កម៉ូតូម្នាក់ថា ប៉ុនប៉ងរំលោភនាងនៅក្នុងបន្ទប់ទឹក ដោយយកដៃខ្ទប់មាត់ និងអោបថើប កាលពីវេលាម៉ោង១២ និង៣០នាទីរំលងអធ្រាត្រ ឈានចូលថ្ងៃទី២៤ ធ្នូ ២០១៣ នៅ ក្នុងបៀរហ្គាឌិនពិភពសុខសាន្ត ផ្លូវលេខ៤៦៦ សង្កាត់ទន្លេបាសាក់ ខណ្ឌចំការមន។

ប្រភពបានឱ្យដឹងថា មុនពេលកើតហេតុបុរសជាអ្នករត់រ៉ឺម៉កម៉ូតូម្នាក់ អាយុជាង៣០ឆ្នាំ បានចូលទៅផឹកស៊ី នៅក្នុងបៀរហ្គាឌិនពិភពសុខសាន្ត បន្ទាប់មកបានហៅនារីជាអ្នកចម្រៀងម្នាក់ អាយុក្រោម២០ឆ្នាំឱ្យមក អង្គុយរួមតុជាមួយ និយាយលេងសើច។

លុះពេលអ្នកចម្រៀងដើរចូលក្នុងបន្ទប់ទឹក ស្រាប់តែអ្នករត់រ៉ឺម៉កម៉ូតូបានដើរចូលទៅតាមក្រោយមិនដឹងថា និយាយគ្នាត្រូវរ៉ូវហើយឬយ៉ាងណាទេ ដោយសារតែសន្តិសុខ និងម្ចាស់ហាងបាត់អ្នកចម្រៀងយូរពេកបានទៅគោះទ្វារបន្ទប់ទឹក តែមិនឮសម្លេងឆ្លើយ និងបើកទ្វារទេ ធ្វើឱ្យមានការភ័យខ្លាចកើតមានរឿងដែលមិនអាចស្មានដល់ទើបសន្តិ សុខសម្រេចចិត្តធាក់ទម្លុះទ្វារបន្ទប់ទឹកស្រាប់តែឃើញអ្នកទាំង២ កំពុងអោបថើបគ្នា បង្កឱ្យមានការភ្ញាក់ផ្អើលដល់សមត្ថកិច្ចចុះទៅសម្របសម្រួលតែ ម្តងទៅ។