បើកម៉ូតូលឿនបត់មិន ទាន់ចូលក្រោមឡានរងរបួស ធ្ងន់នៅតែដង្ហើមផ្តឹកៗ
ពោធិ៍សាត់: បុរសម្នាក់បើកម៉ូតូ ក្នុងល្បឿនលឿនបត់មិនទាន់ជ្រុលទៅបុករថយន្តចូលពីក្រោមបណ្ដាលឲ្យរងរបួសយ៉ាងធ្ងន់ កាលពីម៉ោងជាង៩ព្រឹក ថ្ងៃទី៧ ខែធ្នូ ឆ្នាំ២០១៣ នៅលើផ្លូវក្រួសក្រហម ស្ថិតក្នុងភូមិកោះស្វាយ ឃុំផ្ទះរុង ស្រុកភ្នំក្រវាញ។
បុរសរងគ្រោះ ឈ្មោះ ឡុង នី អាយុ៤២ឆ្នាំ មានលំនៅភូមិជង្រុក ឃុំផ្ទះរុង ស្រុកភ្នំក្រវាញបើកម៉ូតូម៉ាកហុងដាវេវ ពណ៌ស គ្មានស្លាកលេខ។
ប្រភពពីកន្លែងកើតហេតុបានឲ្យដឹងថា នៅវេលាខាងលើមានម៉ូតូមួយគ្រឿង បើកមកពីកើតទៅលិចក្នុងល្បឿនលឿន មកដល់ចំណុចផ្លូវបំបែក បត់មិនទាន់ជ្រុលចូលទៅពីខាងក្រោមឡាន ពេលដែលកំពុងធ្វើចរាចរដូចគ្នា បណ្ដាលឲ្យម៉ូតូខូចខាតទាំងស្រុងឯម្ចាស់រងរបួស យ៉ាងធ្ងន់សល់តែដង្ហើមផ្តឹកៗត្រូវបានគេបញ្ជូនទៅមន្ទីពេទ្យបង្អែកខេត្តពោធិ៍សាត់ ដោយ សង្ឃឹមថាមិនរស់។
ម្ចាស់រថយន្តឈ្មោះ គីម អាយុ៥៩ឆ្នាំ មានលំនៅភូមិត្រយ៉ងសឃុំតាលោស្រុក បាកាន បើករថយន្តដឹកទំនិញ ចំណុះ ២តោនកន្លះ ពណ៌ខៀវ លាយស ពាក់ស្លាកលេខ ភ្នំពេញ 3B-0260។
លោកវ៉ាន់ ឃន មន្ត្រីប៉ុស្ដ៍រដ្ឋបាលឃុំផ្ទះរុងបានឲ្យដឹងថា រថយន្តនិងម៉ូតូបានឃាត់រក្សាទុកប្រគល់ជូនទៅផ្នែក ចរាចរស្រុក ដើម្បីចាត់ការតាម នីតិវិធីច្បាប់៕M/c
ទិដ្ឋភាពនៅកន្លែងកើតហេតុ បន្ទាប់ពីបុរសម្នាក់ ជិះម៉ូតូក្នុងល្បឿនលឿនបត់មិនទាន់ជ្រុលទៅបុករថយន្តចូលពីក្រោមបណ្ដាលឲ្យរងរបួសយ៉ាងធ្ងន់
ប្រភពពី CEN
Read more: http://www.cambodiapage.info/?p=7225#ixzz2mrMmcILv
