មកពីមើលកុនម៉ូតូដាច់ច្រវាក់ ត្រូវជនទំនើង ១០នាក់ ចាប់រំលោភបានសម្រេចគ្រប់គ្នា
ខេត្តបន្ទាយមានជ័យ ៖ ស្ត្រីវ័យក្មេងម្នាក់ ត្រូវបានក្មេងទំនើង មួយក្រុមជាង ១០នាក់ចាប់រំលោភយ៉ាងព្រៃផ្សៃ ម្នាក់ម្ដងៗរហូតបានសំរេចគ្រប់ៗគ្នា កាលពីវេលាម៉ោង ១០យប់ថ្ងៃទី២៩ ខែវិច្ឆិកា ឆ្នាំ២០១៣ នៅចំណុចកាច់ជ្រុង សាលាបឋមសិក្សាត្មាតពង ភូមិរស្មីមានជ័យ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ខណៈដែលស្ត្រីរងគ្រោះ ត្រលប់មកពីមើលកុនតែម្នាក់ឯង។
ស្ត្រីជនរងគ្រោះមានឈ្មោះ ពណ អាយុ ១៩ឆ្នាំ រស់នៅភូមិរស្មីមានជ័យ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ត្រូវបានបញ្ជូនទៅ អង្គការស្ត្រី មានវិបត្តិ ។ មុនកើតហេតុស្ត្រីរងគ្រោះ បានជិះម៉ូតូទៅលេងវត្តរស្មីមានជ័យ ដើម្បីទៅមើលកុនតែម្នាក់ឯង រហូតដល់ម៉ោង ១០និង៣០ នាទីយប់ កុនក៏ចប់ហើយស្ត្រីរងគ្រោះ បានវិលត្រឡប់មកផ្ទះវិញ។
ពេលជិះមកដល់ចំណុចកើតហេតុ ស្រាប់តែម៉ូតូរបស់ស្ត្រីរងគ្រោះ បានដាច់ច្រវ៉ាក់ ហើយពេលនោះស្រាប់តែមានក្មេងទំនើងម្នាក់ ឈ្មោះថា រិទ្ធ សុភាព ភេទប្រុស អាយុ១៩ឆ្នាំ រស់នៅភូមិឃុំជាមួយ ជនរងគ្រោះ ជិះម៉ូតូមកដល់ក៏បានចាប់អូស ស្ត្រីរងគ្រោះយកទៅ កាច់ជ្រុងសាលា បឋមសិក្សាត្មាតពង ដើម្បីធ្វើសកម្មភាព ចាប់រំលោភ តែដោយសារស្ត្រីរងគ្រោះ មានកម្លាំងខ្លាំង មួយនឹងមួយពុំអាចរំលោភ បានទេ។
ឈ្មោះ រិទ្ធ សុភាព បានហៅបក្ខពួករបស់ខ្លួន ដោយជិះម៉ូតូចំនួន ៨គ្រឿង មកជួយចាប់ស្ត្រីរងគ្រោះហើយឈ្មោះ រិទ្ធ សុភាព បានសម្រាតសម្លៀកបំពាក់ ជនរងគ្រោះចេញទាំងអស់ ទើបចាប់ផ្ដើមរំលោភយ៉ាងព្រៃផ្សៃ ម្នាក់ហើយម្នាក់ទៀតរហូតអស់គ្នាជាង ១០នាក់ ទើបបក្ខពួករបស់ឈ្មោះ រិទ្ធ សុភាព នាំគ្នារត់គេចខ្លួនបាត់អស់តែម្ដង។ សមត្ថកិច្ចបានចុះទៅ ធ្វើការស៊ើបអង្កេត រឿងក្មេងទំនើង ដែលចាប់រំលោភស្ត្រីជនរងគ្រោះ យ៉ាងព្រៃផ្សៃដើម្បីនាំមកដាក់ទោស ទៅតាមផ្លូវច្បាប់៕
_________________________
ប្រភពព័ត៌មានពី៖ វត្តភ្នំ
ប្រភពព័ត៌មានពី៖ វត្តភ្នំ
