គង់ វង្សយ៉ាទី បង្អួតសម្រស់កាន់តែសិចស៊ី
សង្កេត ពីសកម្មភាពតុបតែងខ្លួន និងការប្រើសម្លៀកបំពាក់ជានារីស៊ីវិល័យរបស់ស្រីស្រស់ គង់ វង្សយ៉ាទី មជ្ឈដ្ឋានដែលតាមដាន និងគាំទ្រតារារូបនេះ ពិសេសនៅក្នុងបណ្តាញសង្គមហ្វេសប៊ុក បានបរិយាយថា ឈានចូលចុងឆ្នាំ២០១៣ នេះ កញ្ញា គង់ វង្សយ៉ាទី តារាសម្តែង និងជាពិធីការិនី ដ៏មានប្រជាប្រិយក្នុងកម្មវិធី «រាត្រីកម្សាន្ត» របស់ស្ថានីយទូរទស្សន៍ CTN បានបង្ហាញរូបភាពសិចស៊ីជាញឹកញាប់ បន្តបន្ទាប់គ្នា បណ្តាលឲ្យអ្នកគាំទ្រនាង សរសេរនៅក្នុងហ្វេសប៊ុកថា៖«អស់ពីបញ្ចេញរូបភាពបញ្ចេញក្បាលពោះ និងគល់ភ្លៅសខ្ចីបង្ហោះក្នុងហ្វេសប៊ុក ធ្វើឲ្យប្រុសៗជ្រួលជ្រើមរួចមក តារាសម្តែង និងពិធីការិនីរូបនេះ បានបង្ហាញរូបភាពបញ្ចេញដើមទ្រូង ដ៏សិចស៊ីរបស់នាងយ៉ាងព្រហើនមួយទៀត កាលពីថ្ងៃទី១០ ខែធ្នូ ឆ្នាំ២០១៣ ដែលជាទិវាសិទ្ធិមនុស្សអន្តជាតិ។
ដោយឡែកថ្ងៃទី២០ មុននេះនាងបានគ្រងក្នុងសម្លៀកបំពាក់រ៉ូបបែបរាត្រីស្រមោសរ ទៅចូលរួមពិធីមង្គលការមិត្តភក្តិ គង់ វង្សយ៉ាទី បានបញ្ចេញដើមទ្រូងសិចស៊ីយ៉ាងព្រហើនជាងមុនទៅទៀត»។
ដំណើរចូលរួមអាពាហ៍ពិពាហ៍មិត្តរួមអាជីពរបស់នាង កាលពីថ្ងៃទី២០នោះ នាងគង់ វង្សយ៉ាទី ត្រូវបានអ្នកចូលរួមក្នុងពិធីនោះ មិនថាតែមហាជនក្រៅរង្វង់សិល្បៈនោះទេ សូម្បីតែក្នុងអាជីពសិល្បៈ ក៏នាំគ្នាលាន់មាត់ថា៖«យ៉ាទី សិចស៊ីម្ល៉េះឥឡូវ និងខ្លះទៀតក៏បានបញ្ចេញគំនិតបែបទុទិ្ទដ្ឋិនិយមថា ប្រសិនបើមានរបូតរ៉ូបដោយចៃដន្យណាមួយ គឺចប់ហើយ យ៉ាទីនៅកណ្តាលវាលតែម្តង»។
ជាមួយគ្នានោះ មជ្ឈដ្ឋានគាំទ្រនាងបានសម្តែងនូវអារម្មណ៍ផ្សេងថា៖«គង់ វង្សយ៉ាទី ហាក់បញ្ចេញដើមទ្រូងសិចស៊ី យ៉ាងព្រហើនជាងមុន ត្រៀមខ្លួនអបអរបុណ្យចូលឆ្នាំសកល ២០១៤ ដែលខិតជិតចូលមកដល់ទេដឹង?»។
តបនឹងទស្សនៈផ្សេងៗ គង់ វង្សយ៉ាទី បានបដិសេធមិនទទួលស្គាល់ថា នោះជាភាពសិចស៊ីរបស់នាងឡើយ ខណៈពន្យល់ថា៖«ត្រឹមតែប៉ុណ្ណឹងម៉េចបានគេថា ខ្ញុំសិចស៊ី បើសិចស៊ីសម្រាប់ខ្ញុំទាល់តែលើសនេះ ដូចតារាសិចស៊ីមុនៗនោះ»។
បើទោះ យ៉ាងណា គង់ វង្សយ៉ាទី ក៏បានបង្ហើបពីគំនិតខ្លាចរអា និងការប៉ះពាល់សង្គមខ្មែរ និងចរិតស្រ្តីខ្មែរផងដែរ។ នាងនិយាយថា៖ «ជាយូរលង់ហើយសិល្បៈ និងប្រពៃណីខ្មែរយើងប្រកាន់ណាស់នូវប្រពៃណីស្រគត់ស្រគំ និងមានចរិតអៀនព្រៀន តែលក្ខណៈថ្លៃថ្នូរ ហើយខ្ញុំក៏នៅប្រកាន់នូវចរិតវប្បធម៌នេះដែរ ដ្បិតថាខ្ញុំជាតារា។ ប៉ុន្តែមានការវិវឌ្ឍខ្លះដែរតែសូមកុំឲ្យហួសហេតុពេកដែរ»។
ពិធីការិនីវ័យក្មេងរូបនេះបានបញ្ជាក់ពីការស្លៀកពាក់បែបសិចស៊ី របស់ នាងថា៖ «ការស្លៀកពាក់របស់ខ្ញុំគឺធម្មតាៗទេ មិនសិចស៊ីឡើយ ហើយក៏មិនមានចេតនាណាមួយដូចគេថា ខ្ញុំត្រៀមខ្លួនអបអរសាទរបុណ្យចូលឆ្នាំសកល ២០១៤ អីនោះដែរ មិនមានទេ»។ នាងបន្ថែមថា៖«ខ្ញុំមិនដែលគិតឡើយ សូម្បីបន្តិចចង់បានភាពល្បីលេចធ្លោក្នុងឆាកសិល្បៈដោយសារភាព សិចស៊ី ក្រៅពីការងារសិល្បៈជាក់ស្តែងនោះ»៕
_______________________
ប្រភពព័ត៌មានពី៖ ភ្នំពេញប៉ុស្តិ៍
