ទឹកភ្នែកនាយករដ្ឋមន្ដ្រី យីងឡាក់ធ្វើឱ្យរលត់កម្ដៅកំហឹងបាតុករថៃ
នាយករដ្ឋមន្ដ្រីថៃលោកស្រីយីងឡាក់ ស៊ីណាវ៉ាត្រា បានថ្លែងកាលពីថ្ងៃទី១០ ខែ ធ្នូ ឆ្នាំ២០១៣ ដោយទឹកភ្នែកស្រក់ចេញ មិនដឹងខ្លួន ពេលអំពាវនាវដល់ពលរដ្ឋ ថៃផ្ដល់ភាពយុត្ដិធម៌ដល់ត្រកូលសាច់ញាតិរបស់លោកស្រី ។ លោកស្រីអំពាវ នាវបញ្ឈប់ការធ្វើបាតុកម្ម គាំទ្រដល់ ការបោះឆ្នោតនាពេលខាងមុខ បញ្ចប់ វិបត្ដិ ។
នាយករដ្ឋមន្ដ្រីថៃបានប្រជុំគណៈរដ្ឋ មន្ដ្រីរបស់ខ្លួននៅក្នុងសាលនៃកម្លាំង យោធាកាលពីថ្ងៃទី១០ ខែធ្នូ ។ ក្នុងកិច្ច ប្រជុំនោះលោកស្រីក៏បានរំលឹកឡើងវិញ ថា លោកស្រីនឹងមិនលាលែងពីតំណែង នោះឡើយរហូតដល់ការបោះឆ្នោតត្រូវ បានធ្វើឡើង ។
លោកស្រីយីងឡាក់ មានប្រសាសន៍ ថា “តាមរដ្ឋធម្មនុញ្ញ ខ្ញុំត្រូវកាន់តំណែង ជានាយករដ្ឋមន្ដ្រីចាំផ្ទះរហូតដល់ថ្ងៃ បោះឆ្នោត” ។ លោកស្រីក៏បានអំពាវនាវ ដល់បាតុករឱ្យបញ្ឈប់ការដើរដង្ហែក្បួន តាមដងផ្លូវនានាដែលធ្វើឱ្យប៉ះពាល់ដល់ សណ្ដាប់ធ្នាប់ ផលប្រយោជន៍ជាតិ ។
លោកស្រីយីងឡាក់ មានប្រសាសន៍ ទាំងខ្សឹកខ្សួល ទឹកភ្នែករលីងរលោងថា “ពេលនេះ រដ្ឋាភិបាលបានរំលាយរដ្ឋ សភា ខ្ញុំសូមឱ្យប្រជាពលរដ្ឋបញ្ឈប់ការ ធ្វើបាតុកម្ម ដោយឆ្ពោះទៅកាន់ការបោះ ឆ្នោតនាពេលខាងមុខ ។ ខ្ញុំបានយោគ យល់អស់លោកអ្នក អស់កម្រិតដែលខ្ញុំ អាចធ្វើបាន ហើយពេលនេះ ខ្ញុំមិនដឹង ថា ត្រូវបន្ធូរបន្ថយយោគយល់បែបណា ទៀតឡើយ” ។ លោកស្រីបន្ដទៀតថា លោកស្រីបានធ្វើតាមការចង់បានទាំង ប៉ុន្មានរបស់ក្រុមបាតុករ ប៉ុន្ដែការចង់ បានទាំងនោះមិនដែលស្កប់ស្កល់ឡើយ ។
នេះជាលើកទីមួយហើយដែលពលរដ្ឋ ថៃទាំងមូល ពិសេសគឺក្រុមបាតុករមាន ការក្ដុកក្ដួលពេលស្ដាប់ការអំពាវនាវ របស់លោកស្រីយីងឡាក់ក្នុងអំឡុងពេល ធ្វើបាតុកម្មជាច្រើនថ្ងៃកន្លងមក ។
ក្រុមបាតុករបានចោទប្រកាន់រដ្ឋាភិ បាលលោកស្រីយីងឡាក់ ស្ដាប់តាមការ បញ្ជាពីក្រោយរបស់អតីតនាយករដ្ឋ មន្ដ្រីថាក់ស៊ីន ស៊ីណាវ៉ាត្រា ដែលរស់ នៅក្រៅប្រទេស ។
លោកស្រីយីងឡាក់ មានប្រសាសន៍ ដោយសំឡេងញ័រៗ ក្ដុកក្ដួល ពេលអ្នក សារព័ត៌មានសួរជុំវិញពីតួនាទីដឹកនាំ ប្រទេសរបស់ត្រកូលស៊ីនណាវ៉ាត្រា ក្នុង ស្ថានភាពនយោបាយនាពេលបច្ចុប្បន្ន។ លោកស្រីបានឆ្លើយតបថា “ខ្ញុំជាមនុស្ស ខ្ញុំមានមនោសញ្ចេតនា មានការរន្ធត់ ចិត្ដ ។ ខ្ញុំក៏ជាពលរដ្ឋថៃ ហើយខ្ញុំបាន យោគយល់ជាច្រើនដល់បាតុករ បានជា ខ្ញុំស្នើដល់អស់លោកអ្នកផ្ដល់ភាពយុត្ដិ ធម៌ដល់រូបខ្ញុំផង” ។
សារព័ត៌មានបាងកកប៉ុស្ដិ៍បានដក ស្រង់សម្ដីលោកស្រីយីងឡាក់ មាន ប្រសាសន៍ថា “ខ្ញុំបានដកថយបន្ធូបន្ថយ ដល់កម្រិតដែលខ្ញុំមិនដឹងថា ត្រូបបន្ធូរ បន្ថយបែបណាទៀត។ តើអស់លោក អ្នក ចង់ឱ្យខ្ញុំ មិនអាចឈរជើងនៅលើទឹកដីថៃ ជាស្រុកកំណើតរបស់ខ្ញុំទៀតឬ?” ។
លោកស្រីបន្ដទៀតថា “ខ្ញុំមិនមែន ជាមនុស្សដែលគ្មានមនោសញ្ចេតនា នោះឡើយ ខ្ញុំតែងតែស្ដាប់សំណើ ការ ចង់បានរបស់បាតុករ ។ គឺបាតុស្នើឱ្យ បណ្ដេញត្រកូលគ្រួសារខ្ញុំទាំងមូល ធ្វើឱ្យ ខ្ញុំគិតថា តើរូបខ្ញុំ មិនមែនជាជនជាតិថៃ ឬ? ហេតុអ្វីយើងចាំបាច់ធ្វើរឿងរ៉ាវឱ្យ ធ្លាក់ដល់ដំណាក់កាលនេះ?” ។
ការប្រកាសដោយភាពស្មោះស្ម័គ្រ របស់លោកស្រីយីងឡាក់ ធ្វើឱ្យបាតុករ ប្រឆាំងមួយចំនួនធំក៏មានភាពក្ដុកក្ដួល មិនអាចបន្ដធ្វើសកម្មភាពប្រឆាំងតាម ការអំពាវនាវរបស់លោកស៊ូថេប ដោយ បាតុករជាច្រើនយល់ឃើញថា លោក ស៊ូថេប ក៏ជាពលរដ្ឋថៃ លោកស្រីយីង ឡាក់ ក៏ជាពលរដ្ឋថៃ ហើយរាល់ការដឹក នាំរបស់បុគ្គលណាមួយ សុទ្ធសឹងតែខិតខំ ស្វែងរកផលប្រយោជន៍ជូនប្រទេសជាតិ និងប្រជារាស្ដ្រទាំងអស់ ។
ក្រោយសកម្មភាពប្រកាសរបស់ លោកស្រីយីងឡាក់ បាតុករជាច្រើនក៏ បានវិលត្រឡប់ទៅកាន់ទីតាំងរៀងៗខ្លួន ប៉ុន្ដែក៏នៅមានបាតុករនៅទីតាំងរដ្ឋាភិបាលតែមិនច្រើនដូចជាពេលមុននោះឡើយ ៕
ក្រោយសកម្មភាពប្រកាសរបស់ លោកស្រីយីងឡាក់ បាតុករជាច្រើនក៏ បានវិលត្រឡប់ទៅកាន់ទីតាំងរៀងៗខ្លួន ប៉ុន្ដែក៏នៅមានបាតុករនៅទីតាំងរដ្ឋាភិបាលតែមិនច្រើនដូចជាពេលមុននោះឡើយ ៕
.jpg)
.jpg)
.jpg)
_________________
ប្រភពព័ត៌មានពី៖ នគវត្ត
ប្រភពព័ត៌មានពី៖ នគវត្ត
