វៀតណាមថា នឹងបញ្ចប់ការបោះបង្គោលព្រំដែន នៅឆ្នាំ ២០១៥
ប្រធានរដ្ឋសភាវៀតណាម លោក ង្វៀង ធៀកញិន បានថ្លែងអំឡុងជំនួប ជាមួយលោក ហេង សំរិន ប្រធានរដ្ឋសភាកម្ពុជា កាលពីព្រឹកថ្ងៃទី៣ ធ្នូ នេះថា នឹងបញ្ចប់ការបោះបង្គោលខណ្ឌព្រំសីមា ដ៏ចម្រូងចម្រាស រវាងកម្ពុជា និងវៀតណាម នាឆ្នាំ ២០១៥ ខាងមុខនេះហើយ ។
ថ្លែងពីជំនួបនោះលោក កែវ ពិសិដ្ឋ មន្ត្រីខុទ្ធការល័យ ប្រធានរដ្ឋសភា បានប្រាប់ក្រុមអ្នកកាសែតថា មកដល់ពេលនេះ ការបោះបង្គោលព្រំដែនគោក កម្ពុជា-វៀតណាម សម្រេចបាន ៧០ភាគរយហើយ ហើយនឹងឈានទៅបញ្ចប់សព្វគ្រប់ នៅឆ្នាំ ២០១៥ ។
ដោយផ្ដើមកាលពីអំឡុង ខែ កញ្ញា ឆ្នាំ ២០០៧ ពីចំណុចបាវ៉ិត ( កម្ពុជា) ម៉ុកបាយ (វៀតណាម) ការបោះបង្គោលកំណត់ព្រំដែនប្រទេសទាំងពីរ បានផ្ដើមឲ្យមានការរិៈគន់ ជាសាធារណៈ ពីការបាត់ដីទៅខាងវៀតណាម ។ ហើយជាញយដង ការបោះបង្គោលដោយពុំមានការអនុញ្ញាតឲ្យឃ្លាំមើលជាសាធារណៈនោះ ត្រូវបានបំពងសម្លេង ដោយអង្គការសង្គមស៊ីវិល និងបក្សប្រឆាំង ពីការបាត់ដី បាត់ភូមិ ខ្មែរនៅតាមព្រំដែន ។ ប៉ុន្តែរដ្ឋាភិបាល បាននិយាយថា ការកំណត់ព្រំដែន នាំឲ្យខ្មែរ ចំណេញដី ។ យ៉ាងណាក៏ដោយ បាំងតែមួយឆ្នាំប៉ុណ្ណោះ អង្ករនឹងក្លាយជាបាយហើយ។ ពោលការកំណត់ព្រំដែនគោក រវាងកម្ពុជា-វៀតណាម ត្រូវបានបញ្ចប់ហើយ ៕
ប្រភពពី Free Press Magazine
