ប្រព័ន្ធប្រតិបត្តិការ Tizen OS របស់ Samsung ជិតរួចរាល់មែនទែនហើយ
របាយការណ៍ពីសារព័ត៌មានកូរ៉េ zdnet ថ្ងៃនេះបានឱ្យដឹងថា Samsung កំពុងដុតដៃដុតជើងក្នុងចង្វាក់នៃការបង្កើតប្រព័ន្ធប្រតិបត្តិការ Tizen OS ហើយក៏កំពុងធ្វើតេស្តបំពាក់ទៅលើ Smartphone បណ្ដើរៗហើយ។
អត្ថបទ៖ Samsung បោះបង់ Bada OS
អត្ថបទ៖ Samsung បោះបង់ Bada OS
ប្រិយមិត្តមួយចំនួនប្រហែលធ្លាប់បានដឹងហើយថា Samsung ក្រៅពី Android OS សព្វថ្ងៃ ពីមុនក្រុមហ៊ុនអេឡិចត្រូនិកយក្សនេះក៏ធ្លាប់បានបង្កើត Mobile OS ផ្ទាល់ខ្លួនដែលមានឈ្មោះ Bada OS និងបានដាក់ឱ្យប្រើនៅលើទូរសព្ទម៉ូដែល Wave S8500 ដំបូងរបស់ខ្លួនក្នុងឆ្នាំ ២០១០។ តែក្រោយមក Mobile OS នេះហាក់ពុំសូវទទួលបានការពេញនិយមសោះ ទើបស្ងាត់ការចេញ ហើយបោះបង់ ក្ដីសង្ឃឹមមួយ នេះ ទៅស្រវ៉ា Android OS របស់ Google វិញ។
បើតាមរបាយការណ៍ដដែលនេះថា Samsung នឹងបើកសករាជ Smartphone ភ្ជាប់ប្រើជាមួយ Tizen OS នេះនៅត្រីមាសទី១ ឆ្នាំ២០១៤ក្រោយនេះហើយ។
ទោះជាយ៉ាងណា ប្រភពពុំបានបញ្ជាក់លក្ខណៈសម្បត្តិលំអិតរបស់ទូរសព្ទដែលនឹងបាន Tizen OS នេះមុនគេនៅឡើយទេ។
Tizen OS ត្រូវបានបង្កើតដោយសមាគម Tizen នៅខែកុម្ភៈ ឆ្នាំ ២០១២ ដែលពេលនោះមានជំនាន់ Tizen version 1.0 រហូតមកដល់ថ្ងៃទី ៩ ខែវិច្ឆិកា ឆ្នាំ២០១៣នេះ គឺចេញដល់ Tizen version 2.2.1 ហើយ។ វានឹងក្លាយជាប្រព័ន្ធប្រតិបត្តិការទូរសព្ទ (mobile OS) ដែលត្រូវបានច្របាច់បញ្ចូលជាមួយ Bada OS (បង្កើតដោយ Samsung ក្នុងឆ្នាំ ២០១០)។ ក្រុមហ៊ុន Intel នឹងរួមដៃសហការបង្កើត Mobile OS នេះ។
ថ្មីៗកន្លងទៅនេះ មានធ្លាយរូបទូរសព្ទម៉ូដែល Samsung Z9005 ដែលល្បីថានឹងបានភ្លក្ស OS នេះមុនគេ។ សូម ចុចត្រង់នេះ ដើម្បីអានព័ត៌មានលំអិត …
តើកម្លាំងថ្មី Tizen នៅតែអាចរក្សាតំណែង Samsung ជា ក្រុមហ៊ុនផលិត និង ចែកចាយស្មាតហ្វូនដ៏ធំ បំផុត នាពេលបច្ចុប្បន្ន ដែរឬទេ?
