បរទេសស្បែកសមួយរូបជ្រោមជ្រែងដើម្បីនាំកិត្តិយសខ្មែរឡើងឆាកអន្តរជាតិ
នៅពេលដែលមានវេទិកាជួបជុំនិយាយពី Google ដែលរៀបចំឡើងនៅក្នុងប្រទេសកម្ពុជា ប្រិយមិត្តប្រាកដជាបានឃើញបុរសស្បែកសម្នាក់ ដែលតែងតែបង្ហាញវត្តមានចូលរួមមិនសូវខកខានដើម្បីបង្ហាញពីផលិតផលបច្ចេកវិទ្យា និងគម្រោងថ្មីៗរបស់ Google។ បុរសស្បែកសដែល Sabay លើកនិយាយនោះគឺលោក Divon Lan អ្នកគ្រប់គ្រងផលិតផលសម្រាប់ទីផ្សារថ្មីនៅប្រទេសកំពុងអភិវឌ្ឍន៍ (Next Wave Emerging Markets) របស់ក្រុមហ៊ុន Google។
លោក Divon Lan ក្នុងពេលចូលរួមព្រឹត្តិការណ៍ GDG DevFest Phnom Penh កន្លងទៅ
អ្វីដែល Sabay ចាប់អារម្មណ៍និងចង់ចែករំលែកដល់ប្រិយមិត្ត គឺបុរសម្នាក់នេះហើយដែលបានរួមចំណែកយ៉ាងសំខាន់ និងជួយជ្រោមជ្រែងក្នុងការបង្កើតគម្រោងជាច្រើនពីប្រទេសកម្ពុជា។ គម្រោងទាំងនោះមានដូចជា គម្រោងដៅផែនទីប្រទេសកម្ពុជានៅលើ Google Map, កម្មវិធីបកប្រែអនឡាញភាសាខ្មែរ Google Translate និងសេវាមើលរូបភាពតាមដងផ្លូវតាមអ៊ីនធឺណិតដ៏មានប្រជាប្រិយភាពបំផុត Google Street View ដែលកំពុងតែបំពេញបេសកកម្មយ៉ាងមមាញឹកផ្តិតយកទិដ្ឋភាពប្រទេសកម្ពុជាចូលទៅក្នុងប្រព័ន្ធ Google Map ដើម្បីបង្ហាញទៅកាន់ពិភពលោក។
ក្រៅពីគម្រោងខាងលើនេះ លោក Divon Lan ក៏មានគម្រោងថ្មីៗជាច្រើនទៀតដែលនិយាយពីប្រទេសកម្ពុជា នៅថ្ងៃអនាគតផងដែរ។
