គិតយ៉ាងម៉េច​បើបើបេះដូង​នៃប្រទេសកម្ពុជា ត្រូវបាន​អង្គភាព​​សេដ្ឋកិច្ច​​ពិសេស The Economist Intellligence Unit វាយតម្លៃថា ជាទីក្រុង​ដែល​​គ្មាន​ផាសុកភាព​ និង មិនគួរអោយ​ចង់រស់នៅ ដោយ​បាន​ឈរ​​នៅចំណាត់ថា្នក់​​លេខ៤ ទូទាំង​ពិភពលោក។ The Economist Intellligence Unit មិនត្រឹម​តែវាយតម្លៃ​​ទីក្រុង​​ដែលគ្មានផាកសុកភាព មិនចង់អោយ​​រស់នៅនោះទេ អង្គភាព​សេដ្ឋកិច្ច​ពិសេសមួយនេះ​ក៏បានវាយតម្លៃ​ផងដែរ លើទីក្រុងដែលមានផាកសុកភាពគួរអោយចង់រស់នៅ។

ទីក្រុងដែលមានផាកសុកភាពគួរអោយចង់រស់នៅ ចំណាត់ថ្នាក់លេខ១ បានទៅទីក្រុងហុងកុង Hong Kong ប្រទេសចិន រីឯ​ចំណាត់​ថា្នក់លេខ២ បានទៅ Amsterdam ប្រទេសហូឡង់ ដោយឡែក ទីក្រុង Osaka របស់ប្រទេសជប៉ុន បានចំណាត់ថ្នាក់​លេខ៣ ខណៈពេលដែលទីក្រុង Paris ប្រទេសបាំរាំង ជាប់ចំណាត់ថ្នាក់លេខ៤។

ចំពោះ​​ទីក្រុង​​ដែល​គ្មានផាកសុកភាព មិនចង់អោយ​រស់នៅ​ លេខ១បានទៅលើប្រទេសអ៊ីរ៉ង គឺទីក្រុង Tehran លេខ២គឺទីក្រុង Nairobi ប្រទេសកេនយ៉ា  លេខ៣បានទៅលើប្រទេស ហ្សាំប៊ី(Zambia) ទីក្រុង Lusaka និង លេខ៤​គឺបេះដូង​នៃប្រទេសកម្ពុជា
គឺរាជធានីភ្នំពេញ។

The Economist Intellligence Unit បានវាយតម្លៃ ដោយដាក់ជាចំណាត់ថ្នាក់ទីក្រុងនីមួយៗ មើលទៅលើ បញ្ហាបរិស្ថាន ការបំពុលបរិយាកាស ផ្លូវសម្រាប់ធ្វើដំណើរទៅកាន់ទីក្រុង ធនធានធម្មជាតិ  វប្បធម៌ និង ផ្តោតផងដែរទៅលើភាពចង្អៀតនៃទីក្រុង ដែលនឹងបង្កភាពស្មុគស្មាញ ដល់អ្នករស់នៅ។

យ៉ាងណាក៏ដោយ ទាក់ទងនឹងការវាយតម្លៃនេះ វិទ្យុវាយោនៅមិនទាន់​ទទួលបានការឆ្លើយតប ពីសាលារាជធានីភ្នំពេញ​នៅឡើយទេ ដោយសារ​​អ្នកនាំពាក្យ​​សាលារាជធានីភ្នំពេញ​​កំពុង​ជាប់រ​វល់។ ដោយយ៉ាន់ លីណា