ភ្នំពេញ ៖ ជនសង្ស័យម្នាក់ ដែលលប ឡើងទៅសម្ងំពួន នៅក្នុងផ្ទះប្រជាពលរដ្ឋ ប្រុងលួចទ្រព្យសម្បត្ដិ ត្រូវបានជនរងគ្រោះ ដែលជាម្ចាស់ផ្ទះ ឃើញទាន់ ក៏ស្រែកឆោ ឡោនិងប្ដឹងទៅសមត្ថកិច្ចមូលដ្ឋាន ចុះមក ចាប់ខ្លួនភ្លាមៗតែម្ដង ស្ថិតនៅផ្ទះជនរង គ្រោះ លេខ១០០ ផ្លូវលេខ១៣៦ សង្កាត់ ផ្សារកណ្ដាលទី២ ខណ្ឌដូនពេញ ។

យោងតាមមន្ដ្រី នគរបាលប៉ុស្ដិ៍ផ្សារ កណ្ដាលទី២ បានឱ្យដឹងថា នៅវេលាម៉ោង ១០និង៣០នាទីយប់ ថ្ងៃទី២៤ ខែវិច្ឆិកា ឆ្នាំ ២០១៣ ស្រាប់តែមានប្រជាពលរដ្ឋជាម្ចាស់ ផ្ទះ បានទូរស័ព្ទប្ដឹង បន្ទាប់ពីឃើញ ជនសង្ស័យ ម្នាក់ ដែលរូបគេអះអាងថា ជាចោរលួចចូល ទៅសម្ងំក្នុងផ្ទះ ចង់លួចទ្រព្យសម្បត្ដិនោះ កម្លាំងសមត្ថកិច្ច បានចុះទៅជួយអន្ដរាគមន៍ ហើយចាប់ខ្លួនជនសង្ស័យរូបនេះ យកមកសួរ នាំបន្ដទៀត ។

យ៉ាងណាក៏ដោយ ក្រោយពីការសួរនាំ រួច មន្ដ្រីនគរបាលប៉ុស្ដិ៍ផ្សារកណ្ដាលទី២បាន និយាយថា ជន សង្ស័យខាងលើ អាចជាមនុស្ស ឡប់ៗ ។ ប៉ុន្ដែចំពោះចំណាត់ការយ៉ាងណា នោះ គេមិនទាន់ដឹងថា តើ សមត្ថកិច្ចប៉ុស្ដិ៍ ផ្សារកណ្ដាលទី២ និងមានចំណាត់ការយ៉ាង ដូចម្ដេច ចំពោះជនសង្ស័យខាងលើនេះ។

_________________________
ផ្តល់សិទ្ធិដោយ៖ Lookingtoday