វីរជនវៀតណាមដែលធ្លាប់ ដឹកនាំទ័ពធ្វើសង្គ្រាម ជាមួយបារាំងទទួលមរណភាព
អតីតឧត្តមសេនីយ៍ជនជាតិវៀតណាម ឈ្មោះ Vo Nguyen Giap ដែលធ្លាប់ដឹកនាំទ័ពច្បាំង បណ្តេញអាណានិគមនិយមបារាំងចេញពីប្រទេស ដើម្បីទាមទារឯករាជ្យនោះបាន ទទួលមរណភាពអាយុ១០២ឆ្នាំ។
សារព័ត៌មាន times of oman ចុះផ្សាយថា លោក Vo Nguyen Giap ទទួលមរណភាពកាលពីថ្ងៃទី០៤ ខែតុលានេះ ក្នុងអាយុ១០២ឆ្នាំ។ នៅថ្ងៃអាទិត្យម្សិលមិញ ប្រជាពលរដ្ឋវៀតណាមរាប់ពាន់នាក់ បានប្រមូលផ្តុំគ្នានៅមុខសាលាក្រុងហាណូយ ដោយមានដាក់បាច់ផ្កាពណ៌លឿង និងបង្ហូរទឹកភ្នែកជា ការបង្ហាញពីការចូលរួមមរណទុក្ខ។
ប្រជាពលរដ្ឋវៀតណាមរាប់លាននាក់ បានគោរពឲ្យតម្លៃលោក Giap ជាវីរបុរសរបស់ពួកគេ។
កាលពីថ្ងៃទី០៥ ខែតុលា គឺក្រោយការស្លាប់មួយថ្ងៃរបស់លោក Giap រដ្ឋាភិបាលវៀតណាម បានប្រកាសកំណត់យកថ្ងៃទី១៣ ខែតុលានេះ ធ្វើពិធីបញ្ចុះសពដែលមានការកាន់ទុក្ខ កម្រិតថ្នាក់ជាតិ៕
