ស្ដ្រីម្នាក់ជាប់ចោទ លាក់ថ្នាំញៀន ក្នុងខោទ្រនាប់ យកឱ្យប្ដីនៅក្នុងគុក
ខេត្ដពោធិ៍សាត់ ៖ ស្ដ្រីម្នាក់ត្រូវបានមន្ដ្រីពន្ធនាគារឃាត់ខ្លួនបន្ទាប់ពីបានរក ឃើញថ្នាំញៀននៅនឹងប្ដីដោយគេសង្ស័យ ថា ស្ដ្រីរូបនេះបានលាក់ទុកថ្នាំញៀន នៅក្នុងខោលីអូយកទៅឱ្យប្ដីជាប់ក្នុងពន្ធនាគារ គ្រាដែលចូលទៅសួរសុខទុក្ខ ។
ស្ដ្រីជាប់ចោទលាក់ទុកថ្នាំញៀនក្នុង ខោលីអូត្រូវបានឃាត់ខ្លួនមានឈ្មោះ ហាត់ ស៊ីណាត់ អាយុ២៧ឆ្នាំ រស់នៅ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ត្រូវបានឃាត់ខ្លួនកាល ពីថ្ងៃទី៨ ខែកញ្ញា ឆ្នាំ២០១៣ នៅខាងលិច ស្ពានមួយកន្លែងខាងលិច ភូមិព្រហស្បតិ៍ ក្បាល ឃុំផ្ទះរ៉ុង ស្រុកភ្នំក្រវាញ ខេត្ដពោធិ៍ សាត់ ។
បើតាមការបញ្ជាក់ពីអធិការនគរបាល ស្រុកភ្នំក្រវាញនៅរសៀលថ្ងៃទី១០ ខែ កញ្ញា ឆ្នាំ២០១៣ឱ្យដឹងថា ស្ដ្រីជាប់ចោទ អាចនឹងត្រូវបញ្ជូនទៅឃុំខ្លួនក្នុងពន្ធនា គារជាមួយប្ដីក្នុងមន្ទីរឃុំឃាំងម៤ ស្ថិត ក្នុងស្រុកភ្នំក្រវាញ ។
មន្ដ្រីនគរបាលពន្ធនាគារបានឱ្យដឹងថា មុនពេលឃាត់ខ្លួនស្ដ្រីសង្ស័យសមត្ថកិច្ច បានរកឃើញថ្នាំញៀនប្រភេទម្យៅរុំក្នុង ស្កុតយ៉ាងជិតល្អនៅនឹងអ្នកទោសដែលជា ប្ដីស្ដ្រីសង្ស័យ។ ថ្នាំញៀនដែលសមត្ថកិច្ច បានរកឃើញនោះ គឺបន្ទាប់ពីស្ដ្រីសង្ស័យ ជាប្រពន្ធបានចូលទៅសួរសុខទុក្ខប្ដីជា មួយនឹងម្ដាយ ។
មន្ដ្រីយាមពន្ធនាគារបានបន្ដថា ថ្នាំ ញៀនដែលរកឃើញនៅនឹងអ្នកទោសជា ប្ដីនោះ គឺសង្ស័យជាថ្នាំញៀនដែលស្ដ្រី សង្ស័យបានលាក់ទុកក្នុងខោលីអូយកទៅ ឱ្យប្ដីដើម្បីចែកចាយបន្ដឱ្យអ្នកទោសនៅក្នុងពន្ធនាគារ ។
លោកស៊ី ណាវិន ប្រធានការិយាល័យ ប្រឆាំងគ្រឿងញៀននៃស្នងការដ្ឋានខេត្ដ ពោធិ៍សាត់បានឱ្យដឹងថា ស្ដ្រីដែលជាប់ សង្ស័យនឹងត្រូវបញ្ជូនទៅតុលាការ តែ ការចោទយ៉ាងណានោះគឺជាឆន្ទានុសិទ្ធិ របស់តុលាការ ។ លោកបានឱ្យដឹងទៀត ថា ស្ដ្រីសង្ស័យនៅពេលដែលសមត្ថកិច្ច សួរចម្លើយបានឆ្លើយថា គាត់(ស្ដ្រីសង្ស័យ) និងម្ដាយព្រមទាំងកូនតូចមុនពេលមក ដល់ពន្ធនាគារបានជិះម៉ូតូឌុបមកឈប់ នៅស្ពានជ្រោយចង្វាដើម្បីឡើងជិះ រថយន្ដក្រុង ។ ពេលនោះមានស្ដ្រីម្នាក់ ឈ្មោះសុខ ហេង ហៅផល្លា បានយក កញ្ចប់ថង់ប្លាស្ទិចតូចមួយមកប្រគល់ឱ្យ តែមិនបានប្រាប់ថា ជាអ្វីនោះទេ ដោយ គ្រាន់តែបញ្ជាក់ថា យកទៅប្រគល់ឱ្យប្ដី “អ្ហែងទៅ” ។ ស្ដ្រីជាប់ចោទបានឆ្លើយ ទៀតថា ពេលដែលគាត់ទៅដល់ពន្ធនា គារប្ដីរបស់គាត់ហាក់បីដូចជាដឹងម៉ូគ្នា ដោយបានសួរថា មានគេផ្ញើរបស់អ្វីមក ឱ្យទេ ទើបគាត់ហុចទៅឱ្យតែម្ដង ។
លោកស៊ី សាវិន បានឱ្យដឹងដែរថា ប្ដី របស់ស្ដ្រីសង្ស័យខាងលើនេះ ត្រូវបាន តុលាការនៅភ្នំពេញកាត់ឱ្យជាប់ពន្ធនា គារចំនួន៣ឆ្នាំ ហើយបានអនុវត្ដទោស នៅភ្នំពេញចំនួន២ឆ្នាំរួចមកហើយ តែ ទើបនឹងបញ្ជូនមកកែប្រែនៅពន្ធនាគារ ក្នុងស្រុកភ្នំក្រវាញប៉ុណ្ណោះ ។ ចំពោះការ ចោទពីបទប្រើថ្នាំញៀន ឬចែកចាយថ្នាំ ញៀនលោកក៏ពុំច្បាស់ដែរ ៕
____________________________
ប្រភពព័ត៌មានពី៖ នគវត្ត
ប្រភពព័ត៌មានពី៖ នគវត្ត
