លួចទូរស័ព្ទអាយហ្វូន៥ ម្ចាស់ហាងបានកន្លះខែម្ចាស់ ឃើញវិញចាប់ឱ្យនគរបាល
ភ្នំពេញ ៖ យុវជនម្នាក់ត្រូវបានជន រងគ្រោះចាប់ឃាត់ខ្លួនប្រគល់ឱ្យនគរ បាលខណ្ឌសែនសុខ ខណៈដែលយុវជន សង្ស័យរូបនោះបានលួចទូរស័ព្ទអាយ ហ្វូន៥មួយគ្រឿងកាលពីកន្លះខែមុន ហើយគេចខ្លួនបាត់រហូតពេលនេះទើប ឃាត់ខ្លួនបានតែម្ដង ។
ហេតុការណ៍ឃាត់ខ្លួនជនសង្ស័យខាង លើនេះធ្វើឡើងកាលពីវេលាម៉ោង៩ព្រឹក ថ្ងៃទី២៧ ខែកញ្ញា ឆ្នាំ២០១៣ នៅតាម បណ្ដោយផ្លូវលេខ១០១៩ ភូមិ-សង្កាត់ ភ្នំពេញថ្មី ខណ្ឌសែនសុខ ។
ទូរស័ព្ទដែលជនសង្ស័យលួចបានកន្លះខែនោះម៉ាកអាយហ្វូន៥ ពណ៌ស មាន តម្លៃប្រមាណ៧០០ដុល្លារ ដែលមាន ម្ចាស់ឈ្មោះ ហែម ដារ៉ារ័ត្ន ហៅស្រី តូច ភេទស្រី អាយុ៣៤ឆ្នាំ មុខរបរលក់ ទូរស័ព្ទ និងជាម្ចាស់ហាងយីហោហេង ហេងសែនសុខ ដែលមានទីតាំងនៅតាម បណ្ដោយផ្លូវបេតុង ក្នុងក្រុម៣ ភូមិរោង ចក្រ សង្កាត់ភ្នំពេញថ្មី ខណ្ឌសែនសុខ ។
លោកអធិការនគរបាលខណ្ឌសែន សុខ ម៉ក់ ហុង បានប្រាប់ភ្នាក់ងារយក ព័ត៌មាននគរវត្ដឱ្យដឹងថា ទាក់ទិននឹង ករណីចាប់ជនសង្ស័យពីបទឆបោកខាង លើនេះ យោងតាមពាក្យបណ្ដឹងរបស់ ជនរងគ្រោះ ។ លោកបន្ដថា ជនសង្ស័យ ពេជ្រ សុវណ្ណរ៉ា អាយុ២១ឆ្នាំ មានមុខ របរជាអ្នកចម្រៀងច្រៀងនៅបុប្ពាជាយ ដែន ស្នាក់នៅផ្ទះលេខ៤៣ ផ្លូវលំ ភូមិ ក្រាំងអង្ក្រង សង្កាត់ក្រាំងធ្នង់ ខណ្ឌពោធិ៍សែនជ័យ ។
បើតាមការរៀបរាប់ឱ្យដឹងពីជនរង គ្រោះបានបញ្ជាក់ថា កាលពីថ្ងៃទី១៤ ខែកញ្ញា ឆ្នាំ២០១៣ កន្លងមក ជនសង្ស័យ បានចូលទៅភោជនីយដ្ឋានយីហោ ហេង ហេង រួចធ្វើហៅម្ហូប និងគ្រឿងភេសជ្ជៈ ដោយបញ្ជាក់ប្រាប់ម្ចាស់ហាងថា នឹង មានមិត្ដភក្ដិមកជាមួយ៣-៤នាក់ទៀត។ លុះពេលមួយសន្ទុះក្រោយមកជន សង្ស័យរូបនេះក៏បានប្រើល្បិចហៅម្ចាស់ ហាងមកអង្គុយជាមួយ និងសុំខ្ចីទូរស័ព្ទ អាយហ្វូនខលហៅមិត្ដភក្ដិបន្ដិច ស្រាប់ តែពេលបានទូរស័ព្ទហើយ រូបគេក៏បាន ដើរចេញពីតុទៅខាងក្រៅ ហើយបញ្ឆេះ ម៉ូតូយកទូរស័ព្ទនោះទៅបាត់តែម្ដង ។
ប្រភពខាងលើបានឱ្យដឹងទៀតថា លុះ ដល់ថ្ងៃទី២៧ ខែកញ្ញា ឆ្នាំ២០១៣ វេលា ម៉ោង៩ព្រឹក ប្អូនរបស់ជនរងគ្រោះប្រទះ ឃើញជនសង្ស័យនេះ ក៏ចាច់ខ្លួនប្រគល់ ឱ្យសមត្ថកិច្ចចាត់ការបន្ដតាមផ្លូវច្បាប់។ លោកអធិការខណ្ឌសែនសុខបាន សំណូមពរដល់បងប្អូនដែលរងគ្រោះ ដោយសារតែជនខាងលើនេះឆបោក សូមមកដាក់ពាក្យបណ្ដឹងដើម្បីឱ្យមាន ទម្ងន់ទៅលើជនដែលពូកែបោកនេះ ៕
- See more at: http://nokorwatnews.com
