ឆ្កែព្រុសខ្លាំងម្ចាស់ស្រែក ស្រាប់តែឮសំឡេង មនុស្សឆ្លើយវិញថា អញមិនមែនឆ្កែទេគឺមកប្លន់
ខេត្ដព្រះវិហារ ៖ សមត្ថកិច្ចនៅខេត្ដព្រះវិហារកំពុងតែបើកការស៊ើប អង្កេតទៅលើករណីប្លន់ប្រដាប់អាវុធ មួយលើគ្រួសារជនរងគ្រោះដែលមាន លំនៅឋានមិនឆ្ងាយប៉ុន្មានពីទីរួមខេត្ដដោយករណីប្លន់ប្រដាប់អាវុធនេះ ជនសង្ស័យបានប្រើប្រាស់កាំភ្លើងប្រភេទ អាកាស្វាយបត់៣ដើមចូលទៅក្នុងផ្ទះ ជនរងគ្រោះហើយបានវាយ និងគំរាម កំហែងយកលុយ និងគ្រឿងអលង្ការម្ចាស់ផ្ទះអស់ពីខ្លួន ។
មុនឈានទៅដល់ការភ្ញាក់ផ្អើលនៃ អំពើប្លន់នេះ បើតាមកូនស្រីជនរងគ្រោះ ឈ្មោះហេង វិច្ឆិកា បានប្រាប់សមត្ថកិច្ច ឱ្យដឹងថា នៅវេលាយប់នោះឆ្កែរបស់ខ្លួន បានព្រុសយ៉ាងខ្លាំង ហើយឪពុកក៏បាន ស្រែកចេញពីក្នុងផ្ទះ “ឈប់ព្រុសទៀត ទៅអាឆ្កែ” ស្រាប់តែឮសំឡេងឆ្លើយតប មកវិញថា “អញមិនមែនឆ្កែទេ គឺមក ប្លន់” ពេលនោះជនសង្ស័យដែលមានគ្នា ៦នាក់នោះបានចូលទៅដល់ក្នុងផ្ទះរបស់ នាងទៅហើយ ។
ហេតុការណ៍ប្លន់ប្រដាប់អាវុធខាង លើនេះបានកើតឡើងកាលពីវេលាម៉ោង ៩យប់ ថ្ងៃទី១៦ ខែកញ្ញា ឆ្នាំ២០១៣ ស្ថិត នៅផ្ទះជនរងគ្រោះដែលនៅតំបន់នោះ គេហៅថា ទំនប់៩៥ ជាតំបន់រមណីយ ដ្ឋានធម្មជាតិ ក្នុងភូមិទំនប់ សង្កាត់ប៉ាល ហាល ក្រុង-ខេត្ដព្រះវិហារ ។
ជនរងគ្រោះបានឱ្យដឹងថា ក្រុមចោរប្លន់ ដែលចូលមកប្លន់ និងវាយទៅលើ ឪពុកម្ដាយ និងយាយរបស់នាង ដើម្បីឱ្យ ប្រមូលគ្រឿងអលង្ការ និងលុយកាក់ឱ្យ ពួកវានោះ ក៏បានចាកចេញឆ្ពោះទៅ កាន់ជើងភ្នំត្បែងដោយសុវត្ថិភាព តែ គ្រួសាររបស់នាងពុំមាននរណាម្នាក់បាត់ បង់អាយុជីវិតឡើយ ។
នៅព្រឹកថ្ងៃទី១៧ ខែកញ្ញា ឆ្នាំ២០១៣ ព័ត៌មាននេះបានលេចឮទៅដល់សមត្ថ កិច្ចខេត្ដព្រះវិហារក៏នាំគ្នាចុះមកដល់ផ្ទះ ជនរងគ្រោះដើម្បីសួរនាំ និងធ្វើកំណត់ ហេតុរាយការណ៍ជូនថ្នាក់លើរបស់ខ្លួន យកគុណសម្បត្ដិ ។
ជនរងគ្រោះត្រូវបានគេដឹងថា គឺជា អ្នកលក់ដូរគ្រឿងក្លែម និងភេសជ្ជៈគ្រប់ មុខ ឈ្មោះហេង ហួង ភេទប្រុស អាយុ ជាង៥០ឆ្នាំ មានស្រុកកំណើតនៅខេត្ដ កំពង់ធំ និងមានប្រពន្ធឈ្មោះជា សុវណ្ណ មានកូននៅក្នុងបន្ទុក២នាក់ រួមជាមួយ ម្ដាយក្មេក និងបងស្រី២នាក់ទៀត ដែល ស្នាក់នៅក្នុងផ្ទះលក់ដូរទាំងអស់គ្នា ។
នារីជាកូនស្រីជនរងគ្រោះឈ្មោះហេង វិច្ឆិកា បានឆ្លើយបំភ្លឺប្រាប់សមត្ថកិច្ចថា នៅវេលាម៉ោង៩យប់ថ្ងៃកើតហេតុ នាង កំពុងដេកក្នុងមុងជុំគ្នា ទាំងអស់៦នាក់ បានមួយសន្ទុះស្រាប់តែឮសំឡេងឆ្កែ ព្រុសយ៉ាងខ្លាំង ហើយភ្លាមនោះឪពុក របស់នាងបានស្រែកទៅកាន់ឆ្កែ ស្រាប់ តែលេចមុខជនសង្ស័យទាំង៦នាក់ ខ្លះ ស្លៀកខោប៉ារ៉ា បិទមុខដោយក្រមា ឃើញ តែរង្វង់ភ្នែក កាន់កាំភ្លើងអាកាចូលទៅ ដល់ក្នុងផ្ទះរបស់នាង ហើយយកកាំភ្លើង ភ្ជង់គំរាមមិនឱ្យស្រែក ហើយបញ្ជាឱ្យ យករបស់របរជាគ្រឿងអលង្ការប្រគល់ ឱ្យពួកវា។ មិនត្រឹមតែប៉ុណ្ណោះ ពួកចោរ ដាច់យ៉ៃទាំង៦នាក់នេះក៏ប្រមូលយក សម្ភារជាភេសជ្ជៈរួមជាមួយនឹងបារីទៅ ជាមួយផងដែរ ។
នារីរងគ្រោះជាកូនអាយុ១៧ឆ្នាំរូប នេះបានបញ្ជាក់ថា ក្រុមចោរទាំងនោះ បានវាយធ្វើបាបទៅលើឪពុកម្ដាយ និង យាយរបស់នាង ដោយប្រើដំបងឈើមូល និងស្វាយកាំភ្លើង ហើយពួកវាក៏មាន បក្ខពួកនៅចាំខាងក្រៅផងដែរ ។
ចំពោះករណីប្លន់ប្រដាប់អាវុធទៅលើផ្ទះអ្នកលក់គ្រឿងក្លែម និងភេសជ្ជៈ មួយនេះគឺជាលើកទី១ហើយ ដែលក្រុម ចោរប្លន់ដាច់យ៉ៃចេញមុខប្លន់មិនខ្លាចញញើតនឹងកម្លាំងសមត្ថកិច្ចឡើយ ហើយទីតាំងរងគ្រោះស្ថិតមិនឆ្ងាយពីទី រួមខេត្ដព្រះវិហារប៉ុន្មាននោះទេ ។
ករណីខាងលើនេះគេសង្ឃឹមថា សមត្ថកិច្ចខេត្ដព្រះវិហារនឹងស្រាវជ្រាវបំបែក សំណុំរឿងមួយនេះ រហូតឈានទៅដល់ការ ចាប់ខ្លួនជនល្មើសយកមកឱ្យច្បាប់ផ្ដន្ទាទោស ៕
_______________________
ប្រភពពីនគរវត្ត
