កាប់ប្លន់យកគ្រឿង អលង្ការមិត្ដភក្ដិពេល ចាប់បានថាសងសឹក ព្រោះនារីរងគ្រោះ ធ្លាប់ដាក់ថ្នាំសណ្ដំ ឱ្យគេរំលោភ
ភ្នំពេញ ៖ ចោរស្រីវ័យក្មេងម្នាក់បាន ប្លន់យកគ្រឿងអលង្ការមិត្ដភក្ដិខ្លួនតែត្រូវបានសមត្ថកិច្ចនគរបាលខណ្ឌពោធិ៍សែនជ័យឃាត់ខ្លួនបានភ្លាមៗ ខណៈចោរ ស្រីនេះបានយកកាំបិតប៉័ងតោនិងអង្រែបុកគ្រឿងកាប់និងវាយយកខ្សែក ក្រវិល ចិញ្ចៀន កងដៃពីមិត្ដភក្ដិរបស់ខ្លួនធ្វើឱ្យ នារីរងគ្រោះជាមិត្ដភក្ដិសន្លប់ស្ដូកស្ដឹង បង្កការភ្ញាក់ផ្អើលដល់ប្រជាពលរដ្ឋរស់ នៅក្បែរកន្លែងកើតហេតុបានរាយការណ៍ដល់សមត្ថកិច្ចមូលដ្ឋានចាប់នារីដៃដល់ និងហៅរថយន្ដសង្គ្រោះដឹកនារីរង គ្រោះទៅសង្គ្រោះនៅមន្ទីរពេទ្យកាល់ ម៉ែតជាបន្ទាន់ ។
ហេតុការណ៍នេះបានកើតឡើងកាលពីវេលាម៉ោង៧និង១០នាទីយប់ ថ្ងៃទី១១ ខែកញ្ញា ឆ្នាំ២០១៣ ស្ថិតក្នុងភូមិអង្គ សង្កាត់ចោមចៅ ខណ្ឌពោធិ៍សែនជ័យ ។ ស្ដ្រីរងគ្រោះត្រូវបានគេស្គាល់ឈ្មោះ ផាន ដាលីន អាយុជាង២០ឆ្នាំ មុខរបរ កម្មការិនីរោងចក្រកាត់ដែរមានស្រុក កំណើតនៅភូមិ-សង្កាត់ពន្សាំង ខណ្ឌ ពោធិ៍សែនជ័យ ចំណែកនារីសង្ស័យឈ្មោះ អែល រ៉ូហ្វីអាស ជាជនជាតិខ្មែរអ៊ិ៍ស្លាម អាយុ២០ឆ្នាំ ស្នាក់នៅបន្ទប់ជួលលេខ៤០៦ ជាន់ទី៣ក្នុងភូមិកើតហេតុខាងលើ ។ វត្ថុតាងដែលនារីសង្ស័យប្រើប្រាស់មាន កាំបិតប៉័ងតោ១ និងអង្រែបុកគ្រឿង១។
តាមប្រភពព័ត៌មាននៅកន្លែងកើតហេតុបានឱ្យដឹងថា មុនពេលកើតហេតុ នារីសង្ស័យបានហៅនារីរងគ្រោះជាមិត្ដភក្ដិមកលេងនៅបន្ទប់ជួលភូមិកើត ហេតុខាងលើ ខណៈនារីរងគ្រោះកំពុង ដេកស្រាប់តែនារីសង្ស័យបានយកអង្រែបុកគ្រឿងវាយក្បាលនិងយកកាំបិតប៉័ង តោកាប់ទៅលើក្បាល ក ដៃ ហូរឈាម ជោកជាំរួចនារីសង្ស័យបានដោះយកគ្រឿង អលង្ការមានក្រវិល ចិញ្ចៀន ខ្សែក កង ដៃ(បា្លទីន) ពីនារីរងគ្រោះ ។ ក្រោយមក នារីរងគ្រោះបានរត់ចេញពីបន្ទប់របស់ នារីសង្ស័យមកក្រោមហើយបានប្រាប់ អ្នកនៅជិតខាងថា នារីនៅបន្ទប់លេខ ៤០៦ ជាន់ទី៣បានកាប់និងវាយខ្លួនប្លន់ យកគ្រឿអលង្ការរបស់ខ្លួន ហើយនារីរងគ្រោះក៏សន្លប់ស្ដូកស្ដឹងនៅកន្លែងនោះតែម្ដងទៅ ។
ប្រភពព័ត៌មានដដែលបានបន្ដថា ក្រោយពេលដែលនារីរងគ្រោះសន្លប់ស្ដូកស្ដឹងប្រជាពលរដ្ឋបានឡើងទៅបន្ទប់ខាងលើមើលឃើញឈាមប្រឡាក់តាមកាំជណ្ដើរពីជាន់ទី៣មកដល់ក្រោម ។
ក្រោយកើតហេតុប្រជាពលរដ្ឋបាន រាយការណ៍ដល់សមត្ថកិច្ចមូលដ្ឋានសមត្ថ កិច្ចក៏បានចុះមកកន្លែងកើតហេតុធ្វើការសាកសួរនិងឃាត់នារីសង្ស័យបានភ្លាមៗយកមកប៉ុស្ដិ៍រដ្ឋបាលសង្កាត់ចោមចៅនិងកសាង សំណុំរឿងបញ្ជូនបន្ដទៅកាន់អធិការដ្ឋាននគរបាលខណ្ឌពោធិ៍សែនជ័យដើម្បីចាត់ការបន្ដ ។
នៅចំពោះមុខសមត្ថកិច្ចនាង អែល រ៉ូហ្វីអាស បានសារភាពថា នាងពិតជា បានប្រើអំពើហិង្សាទៅលើនារីរងគ្រោះ ប្រាកដមែន ប៉ុន្ដែមិនមែនប្លន់ទេ គឺជា ការសងសឹកប៉ុណ្ណោះ ព្រោះកន្លងមកនារី រងគ្រោះបានដាក់ថ្នាំសណ្ដំឱ្យនាងសន្លប់ រួចឱ្យបុរសម្នាក់ចាប់រំលោភ ។
ទោះជាមានការអះអាងបែបនេះក៏ ដោយសមត្ថកិច្ចចាត់ទុកការឆ្លើយនេះ ជាការដោះបន្ទុកប៉ុណ្ណោះ ដូច្នេះសមត្ថ កិច្ចត្រូវតែកសាងសំណុំរឿងបញ្ជូនទៅ សាលាដំបូងរាជធានីភ្នំពេញចាត់ការតាមច្បាប់ ៕
_________________________
ប្រភពព័ត៌មានពី៖ នគវត្ត
ប្រភពព័ត៌មានពី៖ នគវត្ត
