ប្រពន្ធទ្រាំមិនបាន ប្ដឹងលែងដល់ថ្ងៃ កំណត់សង្កាត់កោះ ហៅប្ដីយកថ្នាំបាញ់ កក់លាយស្រាផឹក សម្លាប់ខ្លួន
ខេត្ដកំពង់ឆ្នាំង ៖ បុរសម្នាក់បាន សម្រេចចិត្ដយកថ្នាំបាញ់កក់លាយជា មួយនិងស្រាសផឹកសម្លាប់ខ្លួននៅពេល ដែលដល់ថ្ងៃកំណត់ឡើងសង្កាត់ដើម្បី ផ្ដិតមេដៃលែងលះជាមួយនិងប្រពន្ធ និង បែងចែកកូនព្រមទាំងទ្រព្យសម្បត្ដិគ្នា ។ ករណីផឹកថ្នាំសម្លាប់ខ្លួនឯងនេះបានកើត ឡើងកាលពីវេលាម៉ោង៥និង៣០នាទី ថ្ងៃទី១៧ ខែកញ្ញា ឆ្នាំ២០១៣ នៅលើទូក ក្នុងភូមិចុងកោះ សង្កាត់កំពង់ឆ្នាំង ក្រុងកំពង់ឆ្នាំង ។
បុរសដែលសម្រេចចិត្ដផឹកថ្នាំសម្លាប់ ខ្លួនឈ្មោះ សុខ អែម អយុ៤៦ឆ្នាំ រស់នៅ ភូមិឃុំកើតហេតុខាងលើ ។
ស្ដ្រីឈ្មោះ ហ៊ំ ហន ត្រូវជាប្រពន្ធបាន ឱ្យដឹងថា នៅមុនពេលកើតហេតុបុរស ជាប្ដីបានចែវទូកទៅទិញស្រាចាក់ចូល និងប៊ីដុងសពេលត្រឡប់មកដល់មុខខ្ទមវិញប្ដីរបស់គាត់បានសម្ងំនៅក្នុងទូក រហូតហើយពេលកូនដើរចូលទៅស្រាប់ តែឃើញឪពុករបស់គេបានក្អួតចង្អោរយ៉ាងខ្លាំងងើបមិនរួចនិងធំខ្លិនថ្នាំបាញ់ កក់ពេញទូកផង ។ ឃើញដូច្នេះកូនបាន ស្រែកប្រាប់គាត់ជាម្ដាយនិងធ្វើឱ្យផ្អើល ឆោឡោនាំគ្នាដឹកមកសង្រេ្គាះនៅមន្ទីរ ពេទ្យបង្អែកខេត្ដតែម្ដង ។
ស្ដ្រីជាប្រពន្ធបានប្រាប់ឱ្យដឹងទៀតថា មូលហេតុដែលបណ្ដាលឱ្យប្ដីរបស់គាត់ ផឹកថ្នាំសម្លាប់ខ្លួននេះដោយសារតែនៅ ថ្ងៃនោះជាថ្ងៃកំណត់គាត់ទាំង២ត្រូវឡើងទៅសង្កាត់ដើម្បីដោះស្រាយបណ្ដឹងលែងលះចែកទ្រព្យនិងចែកកូនៗគ្នា ។ ប៉ុន្ដែ ដល់ពេលណាត់ជួបសង្កាត់ស្រាប់តែនៅពេលរសៀលនោះប្ដីរបស់គាត់គេចខ្លួន បាត់រហូតដល់ពេលកើតហេតុខាងលើក៏ឃើញទិញស្រាសចាក់ចូលក្នុងប៊ីដុងស ផឹកទៅវិញ ។
ស្ដ្រីនេះបានឱ្យដឹងថា មូលហេតុដែល គាត់ដាក់បណ្ដឹងមកសង្កាត់ដើម្បីលែងលះគ្នានោះដោយសារតែទ្រាំលែងបាន នឹង ការធ្វើបាបរករឿងរូបគាត់ជាញឹកញាប់ ។ រហូតមកដល់ថ្ងៃទី១៨ ខែកញ្ញា ឆ្នាំ ២០១៣ បើតាមគ្រពេទ្យឱ្យដឹងថា ជនរង គ្រោះបានរួចផុតពីស្លាប់ហើយ ។
អ្នករស់នៅជិតខាងជនរងគ្រោះបាន និយាយថា ការប៉ុនប៉ងសម្លាប់ខ្លួនរបស់ ជនរងគ្រោះខាងលើគឺចង់បញ្ជាក់ប្រាប់ ប្រពន្ធថាគាត់មិនចង់លែងលះជាមួយ ប្រពន្ធទេ ។ ចំពោះអ្វីដែលប្ដីមិនចង់ លែងលះប្រពន្ធនេះគេនូវមិនទាន់ដឹងថា ប្រពន្ធប្ដូរចិត្ដឈប់លែងប្ដីវិញ ឬយ៉ាង ណាទេ តែយ៉ាងណាអ្នករស់នៅលើទូកនាំ គ្នានិយាយថា ប្រសិនបើជនរងគ្រោះជាប្ដី ឈប់ប្រើអំពើហិង្សាលើប្រពន្ធនោះអាច ប្រពន្ធគាត់ពិចារណាដកពាក្យប្ដឹងលែងលះវិញ ៕
_____________________
ប្រភពពីនគរវត្ត
