បុរសស្រវឹង ស្រាម្នាក់ត្រូវបាន មិត្ដភក្ដិយកមក ទម្លាក់ចោលមុខ ក្រុមហ៊ុន ជេ អាយ វី សង្ស័យប្លន់យកម៉ូតូ
ភ្នំពេញ ៖ បុរសម្នាក់ត្រូវបានគេប្រទះឃើញដេកសន្លប់ស្ដូកស្ដឹងនិងធុំក្លិនស្រា ហើយត្រូវបានគេសង្ស័យថាទំនង ជាត្រូវមិត្ដភក្ដិបបួលឱ្យផឹកស្រាស្រវឹង រួចយកមកទម្លាក់ចោលនៅចញ្ចើមផ្លូវមុខក្រុមហ៊ុន ជេ អាយ វី ហើយក៏ជិះម៉ូតូ យកទៅបាត់ស្រមោល ។
ហេតុការណ៍នេះបានកើតឡើងកាល ពីវេលាម៉ោង៩និង២៥នាទីយប់ ថ្ងៃទី២៩ ខែសីហា ឆ្នាំ២០១៣ តាមបណ្ដោយផ្លូវ ព្រះមុនីរ៉េត ស្ថិតក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ ។
តាមសម្ដីសន្ដិសុខម្នាក់ឈ្មោះ ជា ភារ័ត្ន ភេទប្រុស អាយុ២៩ឆ្នាំ ដែលយាម នៅក្បែរកន្លែងកើតហេតុបានឱ្យដឹងថា មុនពេលកើតហេតុគេបានឃើញមាន បុរស៣នាក់ជិះម៉ូតូមួយគ្រឿងមិនចាំ ម៉ាកធ្វើដំណើរតាមបណ្ដោយផ្លូវព្រះមុនីរ៉េត ក្នុងទិសដៅពីកើតទៅលិច។ ខណៈមកដល់ ចំណុចមុខក្រុមហ៊ុនជេ អាយ វី ស្រាប់តែ ពួកគេបាននាំគ្នាឈប់ហើយពេលនោះ ពួកគេក៏បានដាក់បុរសម្នាក់ឱ្យដេកនៅ លើចញ្ចើមផ្លូវរួចពួកគេក៏ជិះម៉ូតូបន្ដ ដំណើរទៅបាត់ឈឹងដោយបន្សល់ទុក បុរសខាងលើនេះឱ្យដេកសន្លប់ស្ដូកស្ដឹង តែម្នាក់ឯង ។
ក្រោយពេលកើតហេតុសមត្ថកិច្ចក៏ បានចុះដល់កន្លែងកើតហេតុនិងទាក់ទង ហៅរថយន្ដសង្គ្រោះបន្ទាន់មកដឹកជនរង គ្រោះទៅកាន់មន្ទីរពេទ្យផងដែរ ហើយករណីនេះត្រូវបានសមត្ថកិច្ចនិងប្រជា ពលរដ្ឋសង្ស័យថាជាករណីមិត្ដភក្ដិស៊ីដាច់មិត្ដភក្ដិ ៕
____________________
ប្រភពពីនគរវត្ត
