អាណាព្យាបាល មួយចំនួនមិន ពេញចិត្ដចំពោះ សាលាហ្សាម៉ាន់
អាណាព្យាបាលសិស្សដែលបានធ្លាប់រៀននៅសាលាហ្សាម៉ាន់ ទាំងថ្នាក់បឋម សិក្សា ក៏ដូចជាមធ្យមសិក្សា ហើយពេលនេះបានបញ្ឈប់កូនលែងឱ្យរៀននៅសាលា ខាងលើនេះនិយាយថា ការអប់រំរបស់សាលាហ្សាម៉ាន់ មិនមានគុណភាពស្ដង់ដារ ឬអប់រំសីលធម៌រស់នៅឱ្យបានល្អប្រសើរនោះឡើយ ។ កូនសិស្សដែលចេញពីសាលា ហ្សាម៉ាន់ ខ្វះខាតសីលធម៌ក្នុងការរស់នៅ ក៏ដូចជាមិនគោរពអាណាព្យាបាលជា ដើម ។
ប្រភពបានរាយការណ៍ថា នៅក្នុងសាលា ការសិក្សារៀនសូត្រជារឿងធម្មតា មួយ ប៉ុន្ដែសីលធម៌រវាងសិស្សនឹងគ្រូ ហាក់ដូចជាស្មើគ្នា ពោលគឺគ្រូមិនបានយក ចិត្ដទុកដាក់បង្រៀនសិស្សនោះទេ ។ គ្រូជនជាតិខ្មែរមិនខ្វល់ចំពោះការបង្រៀននោះ ឡើយ ។ រីឯគ្រូជាជនបរទេសបានបង្កើតវប្បធម៌ស្មើភាព ពោលគឺគ្រូនិងសិស្សស្ទើរ តែអាចទះក្បាលគ្នាបាន ។ មិនតែប៉ុណ្ណោះគ្រូជាជនបរទេសខ្លះថែមទាំងយកវប្បធម៌ បរទេសមកសាបព្រោះនៅក្នុងសាលានេះទៀតផង ។
សិស្សធំៗជជែកគ្នាលេងនៅក្នុងម៉ោងសិក្សា ដោយមិនខ្លាចរអាគ្រូនោះឡើយ ។ ក្រុមកូនអ្នកមានប្រាក់ចូលរៀននៅក្នុងសាលានេះមួយចំនួនមិនទទួលបានចំណេះ ដឹងសមទៅនឹងទឹកលុយដែលបង់ឱ្យសាលានោះឡើយ ។ ពួកគេទៅសាលាឱ្យផុតតែ ពីផ្ទះប៉ុណ្ណោះ ពីព្រោះសាលានោះធូររលុងហួសហេតុពេកចំពោះបញ្ហាសីលធម៌ ។
នៅមានរឿងរ៉ាវជាច្រើនទៀតដែលអាណាព្យាបាលសិស្សនៅក្នុងសាលានេះបាន និយាយហើយថា ការបញ្ជូនកូនឱ្យទៅរៀននៅសាលាហ្សាម៉ាន់ គឺជាការខាតបង់ដ៏ ធំមួយទាំងសេដ្ឋកិច្ចនិងពេលវេលា ៕
__________________________
ប្រភពពីនគរវត្ត
