ចេញពីខារ៉ាអូខេ ឲ្យស្រីស្នេហ៍ជិះ ម៉ូតូដឹក ចាប់ហ្វ្រាំងមុខ ភ្លាមៗបោកប៉ើង ផ្ទប់ជាមួយជ្រុង របងសាលាដំបូង ស្លាប់ភ្លាមៗ
ភ្នំពេញ៖បុរសវ័យប្រមាណជាង៣០ឆ្នាំជាយោធាម្នាក់បានប្រេះលលាដ៍ស្លាប់នៅនិងកន្លែងកើតហេតុ យ៉ាងអណោចអធ័ម ខណៈពេលចេញពីផឹកនៅខារ៉ាអូខេមួយស្រវឹង ក៏ឲ្យស្រីស្នេហ៍ បើកម៉ូតូ រួចបុរសខាងលើបានជិះពីក្រោយ ស្រាប់តែមកដល់ចំណុចផ្លូវកែង បម្រុងបត់ទៅផ្លូវមួយទៀត ក្នុងល្បឿនលឿន ចាប់ហ្វ្រាំងដៃភ្លាៗ ជាហេតុធ្វើឲ្យបុរសរងគ្រោះបោកផ្ទប់ប៉ើងទៅបោកក្បាលនិងជ្រុងរបងសាលាដំបូងរាជធានីភ្នំពេញ នៅវេលាម៉ោង១រំលងអាធ្រាត្រ ឈានចូលថ្ងៃទី០២ ខែសីហា ឆ្នាំ២០១៣ ស្ថិតតាមបណ្តោយមហាវិថីព្រះមុនីរ៉េត កែងផ្លូវ២១៧ ក្នុងសង្កាត់វាលវង់ ខណ្ឌ៧មករា រាជធានីភ្នំពេញ ។
បុរសរងគ្រោះខាងលើត្រូវបានគេស្គាល់ឈ្មោះថាឡាយ ពញ្ញវ័ន្ត អាយុ៣២ឆ្នាំ ជាមន្ត្រីយោធា មានស្រុកកំណើតនៅភូមិត្រពាំងល្អាង ឃុំពងទឹក ស្រុករំដួល ខេត្តស្វាយរៀង ។
បុរសរងគ្រោះខាងលើត្រូវបានគេស្គាល់ឈ្មោះថាឡាយ ពញ្ញវ័ន្ត អាយុ៣២ឆ្នាំ ជាមន្ត្រីយោធា មានស្រុកកំណើតនៅភូមិត្រពាំងល្អាង ឃុំពងទឹក ស្រុករំដួល ខេត្តស្វាយរៀង ។
ប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុបុរសរងគ្រោះខាងលើមានស្ថានភាពស្រវឹង នៅពេលដែលចេញពីខារ៉ាអូខេមួយកន្លែង ក៏ឲ្យស្រីស្នេហ៍ដឹកតាមម៉ូតូម៉ាកស្មាស ពណ៌ក្រហមលាយខ្មៅ ធ្វើដំណើរតាមបណ្តោយមហាវិថីព្រះមុនីរ៉េត ក្នុងទិសដៅពីលិចទៅកើត ស្រាប់តែមកដល់មុខធនាគាអេស៊ីលីដា ក៏បត់ឆ្វេង ឡើងទៅផ្លូវ២១៧ ក្នុងល្បឿនលឿន ហើយបានចាប់ហ្វ្រាំងដៃបង្អង់ល្បឿនភ្លាមៗ ជាបណ្តាលឲ្យបុរសអង្គុយពីក្រោយ បោកប៉ើងខ្ទាតទៅបោកក្បាលនិងជ្រុងរបងសាលាដំបូងរាជធានីភ្នំពេញប្រេះលលាដ៍ស្លាប់ភ្លាមៗនៅនិងកន្លែងតែម្តង ។ចំណែស្រីស្នេហ៍ភ័យស្លនស្លោពេក បានទុកម៉ូតូនិងបុរសរងគ្រោះចោល រួចហៅម៉ូតូឌុបជិះគេចខ្លួនបាត់ស្រមោល ។
ក្រោយកើតហេតុសមត្ថកិច្ចនគរបាលចរាចរណ៍ខណ្ឌ៧មករាបានចុះមកដល់ភ្លាមៗ បានព្យាយាមទាក់ទងទៅក្រុមគ្រួសារ មកទទួលយកសាកសព ទៅធ្វើបុណ្យតាមប្រពៃណីនិងម៉ូតូប្រគល់ម៉ូតូបុរសរងគ្រោះទៅឲ្យក្រុមគ្រួសាររងគ្រោះ ៕
ប្រភពពីទស្សនៈខ្មែរ
