នារីម្នាក់ទ្រាំទ្រ ល្បែងលើគ្រែ មិនបានរក អន្ដរាគមន៍ វិលមកស្រុកខ្មែរ
ខេត្ដកំពង់ចាម ៖ នារីម្នាក់ក្នុងចំណោម៦នាក់បានចាញ់បោកមេខ្យល់រៀបចំឯក សាររបៀបជាអ្នកទេសចរទៅលេងនៅ ប្រទេសចិន ហើយបានយកប្ដីនៅទីនោះ បានរងនូវទារុណកម្មសព្វបែបយ៉ាង ជាពិសេសទារុណកម្មផ្នែកផ្លូវភេទ ពេលនេះបានទូរស័ព្ទមកក្រុមគ្រួសារនៅស្រុក ខ្មែរឱ្យប្ដឹងសមត្ថកិច្ចជំនាញជួយអន្ដរា គមន៍ដើម្បីបានមកស្រុកកំណើតវិញ ។
នៅការិយាល័យប្រឆាំងការជួញដូរ មនុស្សនិងការពារអនីតិជននៃស្នងការ ដ្ឋាននគរបាលខេត្ដកំពង់ចាម លោកយាយ គាត ស្រ៊ាក អាយុ៦២ឆ្នាំ រស់នៅភូមិ ចំការគ ឃុំចក ស្រុកអូររាំងឪ ត្រូវជា ម្ដាយរបស់នារីរងគ្រោះឈ្មោះ ន.ផ.រ អាយុ៣២ឆ្នាំ បានរៀបរាប់ទាំងអួល ដើមកថា កូនស្រីរបស់គាត់និងនារី៦ នាក់ទៀតនៅខេត្ដផ្សេងៗគ្នា ត្រូវបានស្ដ្រី ជាមេខ្យល់ឈ្មោះ ខ្លង ហៅ វី អាយុជាង ៣០ឆ្នាំ រស់នៅស្រុកពារាំង ខេត្ដព្រៃវែង មកនិយាយលួងលោមបញ្ចុះបញ្ចូលឱ្យ ធ្វើជាអ្នកទេសចរទៅស្រុកចិន និងយក ប្ដីជនជាតិចិននៅទីនោះ(ខេត្ដក្វាងចូវ) ។ ចំណែកកូនស្រីរបស់លោកយាយត្រូវ បានមេខ្យល់ខ្មែរទាក់ទងជាមួយមេខ្យល់ ជនជាតិចិនម្នាក់ឈ្មោះកាង ភេទស្រី អាយុ ២៦ឆ្នាំ រកបុរសជនជាតិចិនម្នាក់ឈ្មោះ គ័រ ស៊ាង អាយុ៣៦ឆ្នាំ ឱ្យមករួមរស់នៅ ជាមួយកូនស្រីរបស់គាត់នៅភូមិត្រង់ពូ ឃុំតុងព្រីង ស្រុកតុងស៊ី ខេត្ដក្វាងចូវ (រស់នៅផ្ទះមួយក្បែរស្នាក់ការប៉ុស្ដិ៍នគរ បាលណាំព្រីង) ។
លោកយាយបានឱ្យដឹងទៀតថា កូនស្រី របស់គាត់បានទូរស័ព្ទមកគាត់យំរៀបរាប់ ថា រូបនាងរស់នៅទីនោះប្រៀបដូចជា ទាសកររបស់ប្ដីជនជាតិចិននេះអ៊ីចឹង ក្នុងមួយថ្ងៃៗទៅចម្ការបេះស្លឹកតែនិងការ ងារផ្សេងៗទៀតសព្វបែបយ៉ាង ហើយការ ហូបចុកជួនមានជួនអត់ លុះដល់ពេល យប់ត្រូវប្ដីទាមទាររួមភេទក្នុងមួយយប់ យ៉ាងតិច៣ដង បើនាងមិនព្រមគេនឹង ធ្វើទារុណកម្មវាយដំ ។ ប្ដីជនជាតិចិន នេះមួយថ្ងៃៗមិនធ្វើអ្វីទាំងអស់ គឺចាក់ វីដេអូសិចមើលនៅផ្ទះ និងអាចប្រើ ប្រាស់ថ្នាំញៀនទៀតផង ។ ពេលខ្លះនាង ទ្រាំមិនរួចរត់ទៅដេកសំងំជាមួយសត្វ ឆ្កែក៏មាន ។
ហេតុនេះ លោកយាយសូមសំណូមពរ ដល់សមត្ថកិច្ចជំនាញនិងអង្គការមនុស្ស ធម៌ក្រៅរដ្ឋាភិបាលពាក់ព័ន្ធនានាជួយ ធ្វើអន្ដរាគមន៍ឱ្យកូនស្រីរបស់គាត់បាន ត្រឡប់មកស្រុកខ្មែរវិញផង ។
សូមបញ្ជាក់ថា នារីរងគ្រោះ ន.ផ.រ និងនារីខ្មែរ៦នាក់ទៀត ត្រូវបានមេខ្យល់ នាំទៅធ្វើជាអ្នកទេសចរយកប្ដីនៅប្រទេស ចិននោះ គឺចេញទៅកាលពីថ្ងៃទី៣១ខែ កក្កដាឆ្នាំ២០១៣ ។
ជុំវិញករណីខាងលើនេះ នគរវត្ដមិន អាចសុំការពន្យល់ពីប្ដីនារីរងគ្រោះជាជន ជាតិឈ្មោះគ័រ ស៊ាង ដូចអ្វីដែលម្ដាយ នារីរងគ្រោះបានលើកឡើងខាងលើនេះ ទេ ។ យ៉ាងណាក៏ដោយ លោកយាយ គាត ស្រ៊ាក បានទទូចសុំឱ្យក្រសួង មន្ទីរ និងអាជ្ញាធរពាក់ព័ន្ធជំរុញការអន្ដរាគមន៍ យកកូនរបស់លោកយាយត្រឡប់មក ស្រុកខ្មែរវិញ ដើម្បីរួចផុតពីបិសាច តណ្ហាខាងលើនេះ ៕
ប្រភពពី នគរវត្ត
