មនុស្សតិរិច្ឆាន ចាប់រំលោភ កុមារីអាយុ ៩ឆ្នាំ ហើយវាយសម្លាប់ ប្លន់យកក្រវិល ២ហ៊ុន
ខេត្តកំពត ៖ ជនតិរិច្ឆាន បានចាប់រំលោភ កុមារីអាយុ ០៩ឆ្នាំម្នាក់ ទាល់តែបានសម្រេច និងវាយ សម្លាប់ ប្លន់យកក្រវិលទម្ងន់ ២ហ៊ុន យ៉ាងអាណោចអាធ័មបំផុត ហើយបានយកសពកុមារី ទៅទុកចោលលើផ្ទះ ប្រជាពលរដ្ឋចម្ងាយប្រមាណ ២០០ម៉ែត្រ ពីផ្ទះកុមារីរងគ្រោះ។
សមត្ថកិច្ចជំនាញបានចុះ ទៅធ្វើការស៊ើបអង្កេត និងស្រាវជ្រាវករណីនេះ នៅព្រឹកថ្ងៃទី ២៥ ខែសីហា ឆ្នាំ២០១៣ បានបញ្ជាក់ថា កុមារីរងគ្រោះត្រូវបាន ជនល្មើសរំលោភ រហូតបានសម្រេច ហើយវាយបំបែកក្បាល រហូតស្លាប់ រួចទើបយកទៅទុកចោល នៅផ្ទះប្រជាពលរដ្ឋមួយកន្លែង ស្ថិតក្នុង ភូមិទទឹងថ្ងៃ ឃុំបឹងទូក ស្រុកទឹកឈូ ខេត្តកំពត ហើយជនសង្ស័យ ក៏បានដោះយក ក្រវិលពី កុមារីរងគ្រោះ ទម្ងន់ ២ ហ៊ុនផងដែរ។
កុមារីរងគ្រោះមានឈ្មោះ ស៊ូ នីតា អាយុ ០៩ឆ្នាំ មានឪពុកឈ្មោះ ង៉ែត សាំស៊ូ អាយុ ២៩ឆ្នាំ និងម្តាយឈ្មោះ សែន រីណា អាយុ ២៨ឆ្នាំ។ សពកុមារីរងគ្រោះ ត្រូវបានស្ត្រីម្ចាស់ផ្ទះ ឈ្មោះ ប៉ាល់ ជេត អាយុ ៥២ឆ្នាំ មានប្តីជាជនពិការ ប្រទះឃើញ នៅវេលាម៉ោង ១រំលងអាធ្រាត្រ ឈានចូលថ្ងៃទី២៥ ខែសីហា ឆ្នាំ២០១៣ ហើយក៏ប្តឹងទៅសមត្ថកិច្ច បង្កឲ្យមានការភ្ញាក់ផ្អើល ទាំងយប់តែម្តង៕
ប្រភពពី វត្តភ្នំ
Read more: http://www.cambodiapage.info/?p=11847#ixzz2d3EPzYYP
