ស្នេហាស្មោះ ស្ម័គ្រម្ដាយតាម បំបែកនាំគ្នា ចុះអេតាស៊ីវិល នៅសាលាឃុំគគីរ
ទង្វើទុំមុនស្រគាលដែលគូស្នេហ៍មួយ គូនេះបង្កើតឡើងបានធ្វើឱ្យម្ដាយឪពុក ខាងស្រីមិនសប្បាយចិត្ដឡើយ ផ្ទុយទៅ វិញបានព្យាយាមបំបែកពួកគេម្ដងហើយ ម្ដងទៀត ប៉ុន្ដែមិនទទួលបានជោគជ័យ ។
ការព្យាយាមបំបែកគូស្នេហ៍របស់ កូនពីសំណាក់ឪពុកម្ដាយខាងស្រីនេះបាន ធ្វើឱ្យមានការភ្ញាក់ផ្អើលកាលពីវេលា ម៉ោង៩ព្រឹក ថ្ងៃទី១៣ ខែសីហា ឆ្នាំ២០១៣ នៅភូមិដូនរាប ឃុំគគីរ ស្រុកកៀនស្វាយ ខេត្ដកណ្ដាល ខណៈដែលក្រុមគ្រួសារខាង ស្រី៤-៥នាក់ជិះរ៉ឺម៉កម៉ូតូកង់បីទៅផ្ទះ ភាគីខាងប្រុសដើម្បីចាប់អូសដៃកូនស្រី ឱ្យវិលត្រឡប់ទៅផ្ទះវិញ ។
ប្រភពព័ត៌មានពីនគរបាលប៉ុស្ដិ៍គគីរ បានឱ្យដឹងថា គូស្នេហ៍ទុំមុនស្រគាលនេះ ភាគីខាងប្រុសឈ្មោះ ជា ប៊ុនថុល អាយុ ២១ឆ្នាំ ជានិស្សិតសិក្សានៅមហាវិទ្យា ល័យមួយក្នុងរាជធានីភ្នំពេញ មានទីលំ នៅកន្លែងកើតហេតុខាងលើ ។ ចំណែក ភាគីខាងស្រីឈ្មោះ ចាន់ សារុនជូលី អាយុ២១ឆ្នាំ ជានិស្សិតរៀនជាមួយគ្នា នឹងភាគីខាងប្រុស មានទីលំនៅភូមិ កណ្ដាលក្រោម ឃុំបន្ទាយដែក ស្រុក កៀនស្វាយ ខេត្ដកណ្ដាល ។
តាមមន្ដ្រីនគរបាលបានរៀបរាប់ឱ្យ ដឹងថា គូស្នេហ៍វ័យក្មេងមួយគូនេះបាន ស្រឡាញ់គ្នាយ៉ាងប្ដូរផ្ដាច់អស់រយៈពេល ជាច្រើនខែមកហើយ ខណៈដែលពួកគេ សិក្សាជាមួយគ្នានៅរាជធានីភ្នំពេញ រួច ថែមទាំងក្បត់ប្រពៃណីរួមមេត្រីជាមួយ គ្នាច្រើនលើកទៀតផង ។ បន្ទាប់ពីបាន ធ្លាយរឿងអាស្រូវទាំងនេះរួចមក ភាគី ខាងបុរសបានសម្រេចចិត្ដចូលស្ដីដណ្ដឹង នាងចាន់ សារុនជូលី តាមប្រពៃណី ហើយក្រុមគ្រួសារខាងស្រីមិនយល់ទាស់ ឡើយ ប៉ុន្ដែសុំពន្យារពេលរៀបអាពាហ៍ ពិពាហ៍រយៈពេល២ឆ្នាំទៀតសិន ដោយ យល់ឃើញថា ទុកឱ្យកូនស្រីរៀនយក សញ្ញាបត្រ ។ ថ្វីដ្បិតតែម្ដាយឪពុកទាំង សងខាងបានផ្ចុងផ្ដើមឱ្យពួកគេជួបគ្នាជា គូអនាគតយ៉ាងណាក៏ដោយ ក៏គូស្នេហ៍ មួយគូនេះហាក់ដូចជាមិនគោរពតាម ប្រពៃណីឡើយ រហូតទ្រាំមិនបានដឹកដៃ គ្នាទៅសាលាឃុំគគីរដើម្បីសុំឱ្យអាជ្ញា ធរទទួលស្គាល់ពួកគេជាប្ដីប្រពន្ធស្រប ច្បាប់(ធ្វើសំបុត្រអាពាហ៍ពិពាហ៍)កាល ពីថ្ងៃទី១៩ ខែមិថុនា ឆ្នាំ២០១៣ ដោយមិនបាច់រៀបការនោះឡើយ។
ជាមួយគ្នា នេះដែរ បន្ទាប់ពីចុះសំបុត្រអាពាហ៍ ពិពាហ៍រួច ភាគីខាងស្រីមិនបានទៅរស់ នៅជាមួយក្រុមគ្រួសាររបស់ខ្លួននៅឯឃុំ បន្ទាយដែកនោះទេ ផ្ទុយទៅវិញបានមក រួមរស់នៅជាមួយភាគីបុរសដូចជាប្ដី ប្រពន្ធពេញច្បាប់ និងបានទៅរៀនសូត្រ នៅរាជធានីភ្នំពេញជាមួយគ្នារៀងរាល់ថ្ងៃ ទៀតផង ។
រហូតដល់ព្រឹកថ្ងៃទី១៣ ខែសីហា ឆ្នាំ ២០១៣ ស្រាប់តែក្រុមគ្រួសារខាងស្រី នាំគ្នាជិះរ៉ឺម៉កម៉ូតូកង់បីមកកាន់ផ្ទះខាង ប្រុស ហើយបាននាំគ្នាចាប់អូសដៃនាង ចាន់ សារុនជូលី ឱ្យវិលត្រឡប់ទៅផ្ទះវិញ ខណៈដែលនាងកំពុងរស់នៅយ៉ាងសុខ សាន្ដជាមួយនឹងគូស្នេហ៍។ នៅពេលនោះ បង្កើតឱ្យមានការភ្ញាក់ផ្អើលដល់អ្នកភូមិ ដោយសារតែពេលនោះ ពួកគេទាំងពីរ បានយំឱបគ្នានៅចំពោះមុខចាស់ទុំ និង បានសន្យាយ៉ាងប្ដូរផ្ដាច់ថា មិនអាចបែក គ្នាបានទេ ប្រសិនបើមានការបំបែក បំបាក់មែននោះ ពួកគេសុខចិត្ដស្លាប់ ទាំងពីរនាក់ មិនស្ដាយស្រណោះឡើយ ។ ទីបំផុត ក្នុងហេតុការណ៍នេះ ទាំងភាគី បុរស និងភាគីនារីបានប្រឹងរើបម្រះ ពីក្រញាំដៃម្ដាយទាល់តែរួចហើយបាន គេចខ្លួនបាត់ពីផ្ទះភ្លាមមួយរំពេច ។
រហូតដល់ព្រឹកថ្ងៃទី១៣ ខែសីហា ឆ្នាំ ២០១៣ ស្រាប់តែក្រុមគ្រួសារខាងស្រី នាំគ្នាជិះរ៉ឺម៉កម៉ូតូកង់បីមកកាន់ផ្ទះខាង ប្រុស ហើយបាននាំគ្នាចាប់អូសដៃនាង ចាន់ សារុនជូលី ឱ្យវិលត្រឡប់ទៅផ្ទះវិញ ខណៈដែលនាងកំពុងរស់នៅយ៉ាងសុខ សាន្ដជាមួយនឹងគូស្នេហ៍។ នៅពេលនោះ បង្កើតឱ្យមានការភ្ញាក់ផ្អើលដល់អ្នកភូមិ ដោយសារតែពេលនោះ ពួកគេទាំងពីរ បានយំឱបគ្នានៅចំពោះមុខចាស់ទុំ និង បានសន្យាយ៉ាងប្ដូរផ្ដាច់ថា មិនអាចបែក គ្នាបានទេ ប្រសិនបើមានការបំបែក បំបាក់មែននោះ ពួកគេសុខចិត្ដស្លាប់ ទាំងពីរនាក់ មិនស្ដាយស្រណោះឡើយ ។ ទីបំផុត ក្នុងហេតុការណ៍នេះ ទាំងភាគី បុរស និងភាគីនារីបានប្រឹងរើបម្រះ ពីក្រញាំដៃម្ដាយទាល់តែរួចហើយបាន គេចខ្លួនបាត់ពីផ្ទះភ្លាមមួយរំពេច ។
លោកជួន សារិន សមាជិកក្រុម ប្រឹក្សាឃុំគគីរបានឱ្យដឹងថា កំលោះជា ប៊ុនថុល និងយុវនារីចាន់ សារុនជូលី កាលពីថ្ងៃទី១៩ ខែមិថុនា ឆ្នាំ២០១៣ កន្លងទៅនេះ ពិតជាបានដឹកដៃគ្នាចូល ទៅសាលាឃុំដើម្បីសុំចុះសំបុត្រអាពាហ៍ ពិពាហ៍ពិតប្រាកដមែន ។
លោកជួន សារិន បានមានប្រសាសន៍ ទៀតថា ការសុំចុះសំបុត្ររៀបអាពាហ៍ពិពាហ៍(ចុះអេតាស៊ីវិល)ដោយមិនបាន រៀបការនេះមិនខុសច្បាប់ទេ ព្រោះច្បាប់អាពាហ៍ពិពាហ៍បានចែងរួចហើយនៅពេលកំលោះក្រមុំបានព្រមព្រៀងយកគ្នាធ្វើជាគូអនាគតនោះ ៕
______________________________
ប្រភពពីនគរវត្ត
