ផលិតផលដែលមានតម្លៃលើសពី ១,០០០ដុល្លារ របស់ក្រុមហ៊ុន apple ខ្ញុំជឿថា មនុស្សម្នាក់ៗប្រាកដជា ថែទាំវាខ្លាំងណាសមែនទេ? តែសូមមកមើល បុរសម្នាក់នេះវិញម្ដង ដែលគាត់គ្មានប្រយ័ត្នសូម្បីតែបន្តិចសោះ។

វីដេអូឃ្លីបមួយនេះ បង្កើតឡើងដោយបុរសម្នាក់ម្នាក់ ដែលបានយកនូវ iMac ចំនួនពីរក្នុងប្រអប់ មកសំដែង ហើយវីដេអូរបស់គាត់ ដែលបង្ហោះក្នុងគេហទំព័រ YouTube ក៏ត្រូវបានគេហទំព័រព័ត៌មាន Huffington ប៉ុស្ដិ៍ចុះផ្សាយផងដែរ។ នៅក្នុងវីដេអូ យើងបានឃើញបុរសម្នាក់នេះ ដើរចេញពីហាង apple ហើយលើកបង្ហាញនូវកំព្យូទ័រលើតុ iMac របស់គាត់ដែលទើបនឹងទិញ តែមិនប្រយ័ត្នក៏ធ្វើឲ្យកំព្យូទ័រនោះ ធ្លាក់ពីជាន់ទី១ មកដល់ដីបែកអេក្រង់ខ្ទេចខ្ទីអស់។

អ្នកដំណើរជាច្រើន ដែលបានឃើញ iMac ធ្លាក់ពីជាន់ទី១ ដល់ដី នាំគ្នាបើកភ្នែក និងចំហមាត់ធំៗ មើលទៅបុរសនោះ និង iMac របស់គាត់ ដោយមានភាពភ្ញាក់ផ្អើល និងសោកស្ដាយចំពោះគាត់យ៉ាងខ្លាំង។

យ៉ាងណាមិញ វីដេអូមួយនេះ គ្រាន់តែជាការសំដែងមួយតែប៉ុណ្ណោះ ដែលបានបង្ហោះចូល YouTube តាំងពីថ្ងៃទី១៩ ខែសីហា ពេលនេះទទួលបានអ្នកទស្សនា ជាង ១៩,០០០ដង។

បើប្រិយមិត្តឃើញទិដ្ឋភាពបែបនេះវិញ តើនឹងមានអារម្មណ៍បែបណា? សូមទស្សនាវីដេអូខាងក្រោម៖

កែសម្រួលដោយ អៀង