លេចចេញ ទូរស័ព្ទទំនើប ZTE U988S ជាទូរស័ព្ទទីមួយ ដែលបំពាក់ដោយ CPU Nvidia Tegra 4
Tegra 4 ជាបន្ទះ CPU ស៊េរីចុងក្រោយរបស់ក្រុមហ៊ុន Nvidia ដែលបានប្រកាសចេញជាផ្លូវការកាលពីដើមខែមករាដើមឆ្នាំ២០១៣ ដោយឡែកសម្រាប់ពេលនេះមានការលេចចេញនូវទូរស័ព្ទទំនើប ZTE U988S ដែលគេជឿថានឹងក្លាយជាទូរស័ព្ទទំនើបទី១ដែលបំពាក់ដោយ CPU Nvidia Tegra 4 ។ គេមិនទាន់ដឹងថាទូរស័ព្ទទំនើបរបស់ក្រុមហ៊ុន ZTE ដែលនឹងបំពាក់ដោយ CPU Nvidia Tegra 4 នោះនឹងមានឈ្មោះជាផ្លូវការថាអ្វីនោះទេព្រោះថា U988S គ្រាន់តែជាលេខកូដឈ្មោះតែប៉ុណ្ណោះ ។ សូមរំលឹកបន្តិចដែរថាកាលពីដើមខែមិថុនាកន្លងទៅនេះក្រុមហ៊ុន ZTE បានប្រកាសចេញរួចហើយនូវទូរស័ព្ទទំនើបមួយម៉ូដែលគឺ ZTE Vital ។
គេជឿថា ZTE U988S នឹងមានលក្ខណសម្បត្តិបច្ចេកទេសមួយចំនួនដូចខាងក្រោម៖
- អេក្រង់ទំហំ 5-inch
- កម្រិតភាពច្បាស់ 1,080p (Full HD)
- CPU Quad-core 1.8GHz (Tegra 4)
- RAM 2 GB
- មានថតសម្រាប់បន្ថែម microSD card
- កាមេរ៉ាមុខទំហំ 2 MP និង កាមេរ៉ាក្រោយទំហំ 13 MP
- ដំណើរការដោយប្រព័ន្ធប្រតិបត្តិការ Android 4.2.1 Jelly Bean
បញ្ជាក់៖ ក្រុមហ៊ុន ZTE មិនទាន់បានអះអាងយ៉ាងណានៅឡើយទេទាក់ទងនឹងរូបភាពទូរស័ព្ទទំនើបដែលបានលេចចេញនេះ ហើយសម្រាប់កាលបរិច្ឆេទប្រកាសចេញក៏គ្មានប្រភពណាអាចបញ្ជាក់ដែរ ។ សម្រាប់ព័ត៌មានបន្ថែមទាក់ទងនឹងទូរស័ព្ទទំនើប ZTE U988S សូមប្រិយមិត្តបន្តតាមដានជាមួយពពក ៕
