កុំព្យូទ័របន្ទះស្ដើង Orient Tab Mini 7 មានស៊ីមពីរ (3G) និងតម្លៃត្រឹមតែ $100
Orient Tab Mini 7 ជាផលិតរបស់ចិន និងជាកុំព្យូទ័របន្ទះស្ដើងដែលមានតម្លៃថោកជាងគេនៅលើទីផ្សារនាពេលបច្ចុប្បន្ន ប៉ុន្តែអ្វីដែលពិសេសនោះគឺវាមានអេក្រង់ទំហំ 7-inch ជាទំហំដែលអ្នកប្រើប្រាស់កុំព្យូទ័របន្ទះស្ដើងកំពុងមានការពេញនិយម ។ មិនត្រឹមតែស្ថិតក្នុងប្រភេទកុំព្យូទ័របន្ទះស្ដើងដែលពេញនិយមប៉ុណ្ណោះទេ វាថែមទាំងមានជើងស៊ីមដល់ទៅពីរ (Dual-SIM 3G) ថែមទៀត ដូច្នេះគេអាចហៅវាថាជាទូរស័ព្ទទំនើបប្រភេទ Phablet ក៏បានដែរ ។
លក្ខណសម្បត្តិបច្ចេកទេសរបស់ Orient Tab Mini 7 មានដូចខាងក្រោម៖
- អេក្រង់ទំហំ 7-inch
- កម្រិតភាពច្បាស់ 1,024 x 600 pixels
- CPU Dual-core 1.2GHz
- RAM 512 MB
- អង្គផ្ទុកទិន្នន័យជាប់ម៉ាស៊ីនទំហំ 4 GB (អាចបន្ថែម SD card 32 GB)
- កាមេរ៉ាទំហំមុខទំហំ 2 MP និងកាមេរ៉ាក្រោយទំហំ 5 MP
- មាន Bluetooth, GPS, GSM 850/1800/1900mhz, WCDMA 850/2100mHz,.
- ដំណើរការដោយប្រព័ន្ធប្រតិបត្តិការ Android 4.1.2 Jelly Bean
- ថាមពលថ្ម 3,200mAh
បញ្ជាក់៖ បច្ចុប្បន្ន Orient Tab Mini 7 មានដាក់លក់នៅលើទីផ្សារប្រទេសចិន និងនៅលើគេហទំព័រ OrientDeal ក្នុងតម្លៃប្រហែល $100 សម្រាប់ព័ត៌មានទាក់ទងនឹងការមកដល់ទីផ្សារកម្ពុជានៃកុំព្យូទ័របន្ទះស្ដើងមួយម៉ូដែលនេះគ្មានប្រភពណាអាចបញ្ជាក់បានទេ សូមប្រិយមិត្តរង់ចាំសាកសួរតាមហាងលក់ទូរស័ព្ទ ឬ ហាងកុំព្យូទ័រនានាក្នុងរាជធានីភ្នំពេញ ៕
សូមទស្សនាវីឌីអូខាងក្រោម៖
