រូបរាងពិតរបស់ Optimus G2 ត្រូវបានបង្ហាញ [វីឌីអូ]
ក្រុមហ៊ុន LG ធ្លាប់បានបង្ហើបឲ្យដឹងខ្លះហើយនូវលក្ខណសម្បត្តិបច្ចេកទេសរបស់ទូរស័ព្ទទំនើប Optimus G2 ដូចជាកាលពីខែមិថុនា LG បានបញ្ជាក់ថានឹងបំពាក់ CPU Snapdragon 800 លើ Optimus G2 ហើយនឹងប្រកាសចេញទូរស័ព្ទ Optimus G2 នៅថ្ងៃទី០៧ ខែសីហា ។ បើគិតពីពេលនេះទៅថ្ងៃប្រកាសចេញជាផ្លូវការនៅប្រហែលជិតមួយខែទៀតឯនោះ ប៉ុន្តែពេលនេះរូបភាពរបស់ Optimus G2 ត្រូវបានបង្ហាញពេញបណ្ដាញអ៊ីនធឺណិតទៅហើយដោយរួមទាំងមានវីឌីអូទៀតផង ។ បើតាមរូបភាពដែលបានបង្ហាញនៅក្នុងអត្ថបទនេះបានឲ្យឃើញថា Optimus G2 មានរូបរាងស្រដៀងនឹងទូរស័ព្ទទំនើប Nexus 4 ប៉ុន្តែស្ដើងជាង ។
លក្ខណសម្បត្តិបច្ចេកទេសមួយចំនួនរបស់ Optimus G2 រួមមានដូចខាងក្រោម៖
- អេក្រង់ទំហំ 5.2-inch
- កម្រិតភាពច្បាស់ 1,080p(Full HD)
- CPU 2.3GHz ( Snapdragon 800)
- RAM 2 GB
- កាមេរ៉ាទំហំ 13 MP
- ដំណើរការដោយប្រព័ន្ធប្រតិបត្តិការ Android 4.2.2 Jelly Bean
សម្រាប់លក្ខណសម្បត្តិបច្ចេកទេសលម្អិតជាងនេះទៀតរបស់ទូរស័ព្ទទំនើប LG Optimus G2 សូមប្រិយមិត្តរង់ចាំតាមដានជាមួយពពក ។ ព័ត៌មានលម្អិតទាក់ទងនឹងលក្ខណសម្បត្តិបច្ចេកទេសទាំងនោះនឹងត្រូវបង្ហាញបន្ទាប់ពីក្រុមហ៊ុនប្រកាសចេញជាផ្លូវការនូវ Optimus G2 នាថ្ងៃទី០៧ ខែសីហា ខាងមុខនេះ ៕
សូមទស្សនាវីឌីអូខាងក្រោម៖
