គេហទំព័រ ព័ត៌មានចំនួន ២៥៤ អាចនឹងត្រូវ រដ្ឋាភិបាល ហ្ស៊កដានីបិទ
កាលពីថ្ងៃ ព្រហស្បតិ៍កន្លងមក រដ្ឋាភិបាលនៃប្រទេស ហ្ស៊កដានី បាននិយាយថា នឹងធ្វើការបិទ នូវគេហទំព័រសារ ព័ត៌មានចំនួន ២៥៤ ដែលជាប់ពាក់ព័ន្ធ នឹងការរិះគន់សេរីភាព ក្នុងការបញ្ចេញមតិ។ ប្រធាននាយកដ្ឋាន ផ្សព្វផ្សាយ និងព័ត៌មាន របស់ហ្ស៊កដានី លោក Fayez Shawabkeh បាននិយាយថា មានគេហទំព័រ ក្នុងស្រុកចំនួន ១៦ត្រូវបានបិទកាលពី ២ថ្ងៃមុន ព័ត៌មាននឹងការរិះគន់ លើសិទ្ធិសេរីភាព ក្នុងការបញ្ចេញមតិ។
លោកបានធ្វើការទំនាក់ទំនង ទៅកាន់គេហទំព័រអស់ទាំងនោះ ឲ្យធ្វើការកែប្រែនូវអ្វី ដែលខ្លួនបានធ្វើ ព្រមទាំងសុំច្បាប់ ចេញផ្សាយឲ្យបានត្រឹមត្រូវ ទៅតាមលក្ខខ័ណ្ណ ដែលរដ្ឋាភិបាល បានកំណត់។ លោកបានបញ្ជាក់ បន្ថែមទៀតថា គេហទំព័រសរុប ចំនួន ២៥៤ នឹងត្រូវបិទ ព្រោះថាគេហទំព័រ អស់ទាំងនោះបាន ចុះផ្សាយនូវព័ត៌មាន ស្ដីអំពីការគំរាមកំហែង លើសិទ្ធិសេរីភាព ក្នុងការបញ្ចេញមតិ។
គួបញ្ជាក់ថា កាលពី ថ្ងៃទី០៣ ខែកក្កដា ឆ្នាំ ២០១៣ មានព័ត៌មានថា រដ្ឋាភិបាលនឹង បិទគេហទំព័រចំនួន ៣០០ ទៅ៤០០ ដែលគេហទំព័រ ភាគច្រើនមិនមានច្បាប់ អនុញ្ញាតត្រឹមត្រូវ ជាពិសេសជាប់ពាក់ព័ន្ឋ នឹងព័ត៌មានគំរាម កំហែកសិទ្ធិសេរីភាព ក្នុងការបញ្ចេញមតិ៕
