សុខ ពិសី សង្ឃឹមថា ប្រជាប្រិយភាព ត្រូវស្តារជាមួយ នឹងតំណែងតួឯក
ភ្នំពេញ: ក្រោយពីមានរឿងរ៉ាវជាច្រើន តារាចម្រៀងដែលមានសំណាងល្អ កញ្ញា សុខ ពិសី បានគ្រងតំណែងតួឯកស្រីម្តងទៀត ក្នុងខ្សែភាពយន្តថ្មីរបស់ផលិតកម្មសាន់ដេរ គឺរឿង ” ព្រាយក្បាលប្រាំបី “។ ហើយនាងសង្ឃឹមថា នាងនឹងត្រូវបានស្តារប្រជាប្រិយភាពតាមរយៈនេះដែរ ។
ស្ថិតក្នុងតំណែងតួឯកជាថ្មី កញ្ញា សុខ ពិសី បានឲ្យ CEN ដឹងកាលពីថ្ងៃក្រុងពាលីថា ដោយមានការរំពឹងខ្ពស់ថា ខ្សែភាពយន្តថ្មីរឿង ” ព្រាយក្បាលប្រាំបី ” នឹងអាចជួយលើកកម្ពស់ប្រជាប្រិយភាពរបស់ខ្លួន ឱ្យល្បីដូចដើម ស្របពេលទីផ្សារចម្រៀងបច្ចុប្បន្ន ចាប់ផ្ដើមទទួលបានការគាំទ្រច្រើនឡើងវិញពីទស្សនិកជន។
តារាចម្រៀងរូបនេះបន្តថា ” ខ្ញុំរំភើបណាស់ នៅពេលបានដើរតួឯកជាថ្មី ជាមួយលោក ខេមរៈ សិរីមន្ត។ ខ្ញុំគិតថា ខ្សែភាពយន្តថ្មីនេះ នឹងធ្វើឱ្យទស្សនិកជនគាំទ្រខ្ញុំ កាន់តែច្រើនថែមទៀត “។
គួររំលឹកថា កន្លងមក តារាចម្រៀងស្រីសាច់សខ្ចីរូបនេះ មិនដែលនិយាយអ្វីក្រៅពីរឿងរ៉ាវទាក់ទងនឹងសិល្បៈ ក៏ដូចជាចង់បើកហាងកែសម្ផស្សនោះទេ ។ ទោះជានាងខំទៅសិក្សាមុខវិជ្ជាផ្នែកនេះដល់ប្រទេសសឹង្ហបូរីក៏ដោយ ។ យើងនៅចាំបានថា ខណៈដែលនាងទៅសិក្សាផ្នែកកែសម្ផស្ស ក៏រងនូវពាក្យចចាមអារ៉ាមថា នាងមានផ្ទៃពោះ ដែលជារឿងមិនពិត និងប៉ះពាល់ដល់កេរ្តិ៍ឈ្មោះរបស់នាងមិនតិចទេ ។ ទោះយ៉ាងណា នាងនៅមិនរវីរវល់នឹងព័ត៌មានអ៊េចអ៊ូចមិនពិតនោះទេ នាងបានវិលត្រឡប់មកក្នុងពិភពសិល្បៈយ៉ាងមមាញឹកសារជាថ្មីវិញ ៕
តារាចម្រៀងរូបនេះបន្តថា ” ខ្ញុំរំភើបណាស់ នៅពេលបានដើរតួឯកជាថ្មី ជាមួយលោក ខេមរៈ សិរីមន្ត។ ខ្ញុំគិតថា ខ្សែភាពយន្តថ្មីនេះ នឹងធ្វើឱ្យទស្សនិកជនគាំទ្រខ្ញុំ កាន់តែច្រើនថែមទៀត “។
គួររំលឹកថា កន្លងមក តារាចម្រៀងស្រីសាច់សខ្ចីរូបនេះ មិនដែលនិយាយអ្វីក្រៅពីរឿងរ៉ាវទាក់ទងនឹងសិល្បៈ ក៏ដូចជាចង់បើកហាងកែសម្ផស្សនោះទេ ។ ទោះជានាងខំទៅសិក្សាមុខវិជ្ជាផ្នែកនេះដល់ប្រទេសសឹង្ហបូរីក៏ដោយ ។ យើងនៅចាំបានថា ខណៈដែលនាងទៅសិក្សាផ្នែកកែសម្ផស្ស ក៏រងនូវពាក្យចចាមអារ៉ាមថា នាងមានផ្ទៃពោះ ដែលជារឿងមិនពិត និងប៉ះពាល់ដល់កេរ្តិ៍ឈ្មោះរបស់នាងមិនតិចទេ ។ ទោះយ៉ាងណា នាងនៅមិនរវីរវល់នឹងព័ត៌មានអ៊េចអ៊ូចមិនពិតនោះទេ នាងបានវិលត្រឡប់មកក្នុងពិភពសិល្បៈយ៉ាងមមាញឹកសារជាថ្មីវិញ ៕
ប្រភព៖ CEN
