ពូជត្រីដ៏ចម្លែក មានក្បាលដូចជា សត្វពស់មិនត្រូវ អនុញ្ញាតឲ្យរស់ នៅក្នុងតំបន់ទឹកឡើយ
មន្ត្រីផ្នែកបរិស្ថានបានធ្វើការស្រាវជ្រាវភ្លាមៗនៅឯតំបន់បឹងស៊ីនត្រល់ ផាក ដែលស្ថិតនៅឯតំបន់ភាគខាងជើងឯណោះចំពោះការលេចចេញនូវរូបរាងសត្វត្រីចម្លែកមានក្បាលជាសត្វពស់នោះដោយវាអាចរស់នៅលើគោកបានច្រើនថ្ងៃផងដែរ។
យោងតាមគេហទំព័រ NBCNewYork.com បានឲ្យដឹងថា នាយកដ្ឋានអភិរក្សបរិស្ថានក្រុងញូវយ៉កកំពុងតែធ្វើការសាកសួរនិងតាមដានពីហេតុការណ៍របស់សត្វត្រីចម្លែកដែលមានក្បាលជាសត្វពស់នៅតំបន់ហាលិម មៀរ (Harlem Meer)នេះ ដោយជួយឲ្យប្រជាជនរាយការណ៍តាមប្រព័ន្ធទូរស័ព្ទលេខ៣១១ផងដែរប្រសិនបើបានជួបឬ ដឹងរឿងចម្លែកនេះ។ ប្រភេទសត្វត្រីមានក្បាលជាសត្វពស់នេះបើមាននៅតំបន់អាស៊ី និងប្រទេសរុស្ស៊ីវិញមិនត្រូវបានគេទុកវាឲ្យមានជីវិតឡើយ តែវាជារឿងខុសច្បាប់សម្រាប់រដ្ឋមួយចំនួននៅសហរដ្ឋអាមេរិក។
រដ្ឋមួយចំនួនដូចជាញូវយ៉កតិចសាស ហ្វ្លរីដា និងមីហ្សូរីជាដើមមិនត្រូវអនុញ្ញាតឲ្យចរាចរណ៍លក់ត្រីប្រភេទនេះឡើយ។ ដូច្នេះបានជានាយកដ្ឋានបរិស្ថាននៅតំបន់ស៊ីនត្រល់ផាកបានចាត់ឲ្យមានក្រុមស្រាវជ្រាវតាមដានរឿងដ៏ចម្លែកនេះឡើង។ ទោះជាយ៉ាងទឹកដីរដ្ឋញូវយ៉កមិនមែនជារដ្ឋដំបូងដែលបានរាយការណ៍ពីទិន្នន័យ សត្វត្រីក្បាលពស់នេះឡើយសម្រាប់សហរដ្ឋអាមេរិក។
កាលពីរដូវកាលផ្ការីកមុននាយកដ្ឋានធនធានធម្មជាតិនិងនេសាទ (DNR)នៃរដ្ឋមីរីឡេនដ៍ បានផ្តល់រង្វាន់ចំនួន២០០ដុល្លារដល់ប្រជាជនណាដែលបានសម្លាប់និងចាប់បានត្រីក្បាលពស់នេះផងដែរ។ លោក ដុន ខូសឌិនប្រធាននាយក DNR បានប្រាប់សារព័ត៌មាន Fox News ថា៖«យើងមិនចង់ឲ្យមានប្រភេទសត្វត្រីក្បាលពស់នេះរស់នៅក្នុងតំបន់ទឹកឡើយ»។
កាលពីខែមុនត្រីក្បាលពស់នេះត្រូវមន្ត្រីអភិរក្សសត្វព្រៃនិងមច្ឆា (FWC)នៃរដ្ឋហ្វ្លរីដាចាប់បាននៅឯតំបន់ម៉ាហ្គេតដោយវាមានទម្ងន់ ៦,៤គីឡូក្រាមឯណោះ។ ខេលី ហ្គេសទ្រីង រដ្ឋបាលជីវសាស្ត្រនៃនាយកដា្ឋនអភិរក្សសត្វព្រៃនិងមច្ឆា FWC បាននិយាយប្រាប់សារព័ត៌មាន Miami Herald កន្លែងពិសោធន៍ Boca Raton ថា៖ «វាជាការពិតជាត្រីក្បាលពស់ដែលយើងធ្លាប់បានចាប់វាមែន!»៕
