និស្សិតស្រី របស់សកលវិទ្យាល័យ ជាតិគ្រប់គ្រង 4នាក់ រងរបួសរលាកដៃ ជើងនិងខ្លះរួញសក់ ដោយសារផ្ទុះ កំប៉ុងហ្គាស រទេះលក់លតឆារ
និស្សិតស្រីនៃសកលវិទ្យាល័យជាតិគ្រប់គ្រងដែលរងរបួសស្រាលទាំង4នាក់នោះទី1ឈ្មោះយ៉េ ដាវី អាយុ21ឆ្នាំស្នាក់នៅសង្កាត់ទួលសង្កែ ខណ្ឌឫស្សីកែវ ទី2ឈ្មោះម៉ែន ស៉ីណា អាយុ22ឆ្នាំស្នាក់នៅសង្កាត់បឹងរាំង ខណ្ឌដូនពេញ ទី3វ៉េង សុផល អាយុ18ឆ្នាំស្នាក់នៅសង្កាត់ស្រះចក ខណ្ឌដូនពេញ និងទី4ឈ្មោះម៉ៅ មុនិកា អាយុ19ឆ្នាំស្នាក់នៅសង្កាត់បឹងសាឡាង ខណ្ឌទួលគោក ។
ប្រភពពត៌មានពីមិត្តភ័ក្រដែលមកកំដរក្រុមជនរងគ្រោះនៅមន្ទីរពេទ្យកាល់ម៉ែតបានអោយដឹងថានៅមុនពេលកើតហេតុពេលម៉ោងចេញលេងពួកគេបាននាំគ្នាមកកុម្ម៉ង់ញ៉ាំលតឆា មីឆា នៅចំណុចរទេះលក់កើតហេតុនោះខណៈពេលអ្នកខ្លះកំពុងអង្គុយញ៉ាំឬឈរកុម្ម៉ង់នៅក្បែររទេះលក់លតឆានោះក៏ស្រាប់តែហ្គាសកំប៉ុងតូចផ្ទុះលាន់សូរភឹងឆាបឆេះជាអណ្តាតភ្លើងរលាកដៃជើងដល់ពួកគេទាំង4នាក់នោះតែម្តងហើយភ្លាមៗនោះដែរក្រុមជនរងគ្រោះក៏ត្រូវបានបញ្ជូនមកកាន់មន្ទីរពេទ្យកាល់ម៉ែតដើម្បីសង្គ្រោះផងដែរ។
ក្នុងហេតុការណ៍ផ្ទុះកំប៉ុងហ្គាសរទេះលក់លតឆា មីឆា នោះដែរស្ត្រីឈ្មោះទប់ នី អាយុ50ឆ្នាំស្នាក់នៅភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ ដែលជាអ្នកលក់លតឆាមីឆាដែលបណ្តាលអោយមានហេតុការណ៍ផ្ទុះហ្គាសរបួសនិស្សិត4នាក់នោះគាត់ក៏បានមកមន្ទីរពេទ្យកាល់ម៉ែតជាមួយក្រុមជនរងគ្រោះដើម្បីចាត់ចែងក្នុងការចេញសេវាព្យាបាលអោយជនរងគ្រោះផងដែរ ដោយគាត់បានលើកឡើងថា មិនគួរកើតមានបញ្ហាជាយថាហេតុដូច្នេះឡើយ៕ via: techno2day
