កុំព្យូទ័របន្ទះស្ដើង Voyo A15 មានអេក្រង់ទំហំ 11.6-inch CPU 1.8GHz និងតម្លៃ $270
ដូចប្រិយមិត្តធ្លាប់បានជ្រាបរួចមកហើយតាមរយៈការបញ្ជាក់ជារឿយៗរបស់ពពកថាបច្ចុប្បន្ននេះទីផ្សារកុំព្យូទ័របន្ទះស្ដើងកំពុងតែមានការរីកចម្រើនខ្លាំង ហើយកុំព្យូទ័របន្ទះស្ដើងដែលកំពុងតែទទួលបានការនិយមប្រើប្រាស់ច្រើនពីសំណាក់អតិថិជននោះគឺ កុំព្យូទ័របន្ទះស្ដើងដែលមានអេក្រង់ទំហំ 7-inch ។
បើទោះបីជាកុំព្យូទ័របន្ទះស្ដើងអេក្រង់ទំហំ 7-inch ងាយយកតាមខ្លួន តូច ស្រាល និងងាយស្រួលកាន់ក៏ពិតមែន ក៏អ្នកប្រើប្រាស់ជាច្រើននៅតែថាកុំព្យូទ័របន្ទះស្ដើងអេក្រង់ធំមានភាពងាយស្រួលប្រើជាង ព្រោះថាងាយស្រួលមើលវីឌីអូ មើលព័ត៌មាន លេងហ្គេម និងលេងអ៊ីនធីណិតជាដើម ។ ដោយមើលឃើញពីចំណុចទាំងនេះហើយបានជាគេសង្កេតឃើញថានៅតែមានក្រុមហ៊ុនជាច្រើននាំគ្នាផលិតកុំព្យូទ័របន្ទះស្ដើងដែលមានអេក្រង់ធំជាង 7-inch ជាក់ស្ដែងថ្មីៗនេះក្រុមហ៊ុនចិនមួយបានបញ្ចេញកុំព្យូទ័រប្រភេទនេះគឺ Voyo A15 ដែលមានលក្ខណសម្បត្តិបច្ចេកទេសដូចខាងក្រោម៖
- អេក្រង់ទំហំ 11.6-inch
- បច្ចេកវិទ្យាអេក្រង់ IPS
- កម្រិតភាពច្បាស់ 1,900 x 1,080 pixels
- CPU Dual-core 1.8GHz (Samsung Exynos)
- RAM 2 GB
- អង្គផ្ទុកទិន្នន័យជាប់ម៉ាស៊ីនទំហំ 16 GB (អាចបន្ថែម microSD card)
- មានបំពាក់ដោយ Bluetooth, Wi-Fi 802.11 b/g/n
- កាមេរ៉ាមុខនិងក្រោយទំហំ 2 MP
- ដំណើរការដោយប្រព័ន្ធប្រតិបត្តិការ Android 4.2 Jelly Bean
- ថាមពលថ្ម 11500mAh (អាចដំណើរការបានរហូតដល់ ៨ ម៉ោង)
បញ្ជាក់៖ បច្ចុប្បន្នកុំព្យូទ័របន្ទះស្ដើងនេះមានលក់នៅទីផ្សារលើបណ្ដាញអ៊ីនធឺណិត http://www.spemall.com តម្លៃប្រហែល $269.99 ។ សម្រាប់ទីផ្សារកម្ពុជាសូមប្រិយមិត្តរង់ចាំសាកសួរតាមហាងលក់កុំព្យូទ័រ ឬ ទូរស័ព្ទនានាក្នុងរាជធានីភ្នំពេញ ៕
