Samsung បានប្រកាស ចេញជាផ្លូវការ ហើយនូវទូរស័ព្ទ Galaxy S4 LTE-A
ព្រឹកមិញនេះពពកទើបតែបានចេញអត្ថបទមួយដែលបង្ហាញពីរូបភាពទូរស័ព្ទទំនើប Galaxy S4 LTE-A ដែលលេចចេញមុនការប្រកាសចេញជាផ្លូវការដោយក្រុមហ៊ុន Samsung ដោយឡែកកាលពីប៉ុន្មានម៉ោងមុននេះ Samsung បានប្រកាសចេញជាផ្លូវការហើយនូវទូរស័ព្ទទំនើបទីមួយដែលបំពាក់ដោយបច្ចេកវិទ្យា LTE-Advanced ។ ក្រុមហ៊ុន Samsung សន្យាថាតាមរយៈការបំពាក់នូវបច្ចេកវិទ្យាប្រព័ន្ធសេវាថ្មី (LTE-Advanced) នឹងធ្វើឲ្យល្បឿនភ្ជាប់បណ្ដាញលឿនជាងមុនពីរដង ។ ចំពោះលក្ខណសម្បត្តិបច្ចេកទេសវិញគឺ CPU Quad-core 2.3GHz (Qualcomm Snapdragon 800) និងលក្ខណសម្បត្តិបច្ចេកទេសផ្សេងៗទៀតដូចម៉ូដែលមុន ដែរគឺមានដូចខាងក្រោម៖- អេក្រង់ទំហំ 5-inch
- បច្ចេកវិទ្យាអេក្រង់ Super AMOLED
- កម្រិតភាពច្បាស់ 1,920 x 1,080 pixels (Full HD)
- RAM 2 GB
- អង្គផ្ទុកទិន្នន័យជាប់ម៉ាស៊ីនទំហំ 32 GB (អាចបន្ថែម microSD card 64 GB)
- កាមេរ៉ាមុខទំហំ 2 MP និង កាមេរ៉ាក្រោយទំហំ 13 MP
- ដំណើរការដោយប្រព័ន្ធប្រតិបត្តិការ Android 4.2.2 Jelly Bean
- ថាមពលថ្ម 2,600mAh
- មានពីរពណ៌គឺ ពណ៌ខៀវ (Blue Arctic) និង ពណ៌ក្រហម (Red Aurora)
បញ្ជាក់ក្រុមហ៊ុន Samsung នឹងបញ្ចេញទូរស័ព្ទ Galaxy S4 LTE-A ទៅលើទីផ្សារប្រទេសកូរ៉េនៅរដូវក្ដៅនេះ អាចនឹងធ្វើការប្រកាសចេញលក់ក្នុងខែកក្កដាឬដើមខែសីហាខាងមុខនេះ ប៉ុន្តែចំពោះតម្លៃវិញមិនទាន់ត្រូវបានបង្ហើបឲ្យដឹងនៅឡើយទេ សូមប្រិយមិត្តរង់ចាំតាមដានជាមួយពពក ៕
