បើ​តាម​ប្រភព​ពត៌មាន​ពី​ Samsung នៅ​អេស្ប៉ាញ​បាន​ឲ្យ​ដឹង​ថា Galaxy Mini II (GT-S6500) នឹង​គ្មាន​ Jelly Bean ឬAndroid 4.1.2 មក​ប្រើប្រាស់​នោះ​ទេ។

ពត៌មាន​នេះ​នឹង​អាច​ធ្វើ​ឲ្យ​អ្នក​ប្រើ​ប្រាស់​ជា​ច្រើន​មិន​សប្បាយ​ចិត្ត ព្រោះ​ពួកគេ​រំពឹង​ថា​ទូរស័ព្ទ​ម៉ូដែល​នេះ​នឹង​អាច​ឡើង​ដល់​Android 4.1.2 បាន និង​អាច​ប្រើប្រាស់​ feature ថ្មីៗ​របស់ Samsung តាមរយៈ Jelly Bean។

ចាប់​តាំង​ពី​ចេញ​លក់​នៅ​ខែ​មីនា​ឆ្នាំ​២០១២​មក  Galaxy Mini II ប្រើ​ប្រាស់ Android 2.3 Gingerbread ហើយ​ពេល​នេះ​វា​ក៏បន្ត​ស្ថិត​ប្រើ​ Android កំណែ​ដដែលនេះ។

បើសិន​ជា​ Samsung មិន​បញ្ចេញ Jelly Bean សំរាប់​ទូរស័ព្ទ​ម៉ូដែល​នេះ​ទេ គឺ​វា​មានការ​ពិបាក​បន្តិច​ក្នុង​ការ​អាន ឬ​សរសេរ​ភាសាខ្មែរ​នៅលើ​ម៉ូដែល​នេះ តែ​ប្រហែល​ក្រុមអភិវឌ្ឍន៍​កម្មវិធី​ផ្សេងៗ​ដូច​ចា Cyanogenmod ​ឬ KANG Open Source Project ឬ ក្រុម​ផ្សេងៗ​ទៀត​អាច​នឹង​ផលិត custom ROM ដែល​ប្រើ Jelly Bean 4.2.2 បាន​ដូច​គ្នា។