បុរសចេះធ្វើម្ហូបសុទ្ធតែខ្ទើយឬ?
ការងារចង្ក្រានជើងឆ្នាំង ពិសេសរឿងធ្វើម្ហូបអាហារ ត្រូវសង្គមខ្មែរចាត់ទុកថា ជាការងារផ្ដាច់មុខរបស់មនុស្សស្រី។ ឯបុរសគឺអង្គុយចាំតែទទួលទានស្រាប់ៗ។ សម័យឥឡូវ គេសង្កេតឃើញមនុស្សប្រុសក៏ចូលចង្ក្រានធ្វើម្ហូប ដូចមនុស្សស្រីដែរ តែត្រូវបានគេចោទថា មនុស្សប្រុសទាំងនោះគឺជាមនុស្សខ្ទើយទៅវិញ?
ខាងក្រោមនេះជាយោបល់របស់យុវជនមួយចំនួន ដោយខ្លះថា មនុស្សប្រុសចូលចង្ក្រានគឺខ្ទើយមែន តែខ្លះថាមិនមែនទេ។
កញ្ញា ដាលីស និស្សិតឆ្នាំទី២ជំនាញធនាគារនៃសាកលវិទ្យាល័យបៀលប្រាយ បានឲ្យដឹងថា តាមកញ្ញាសម្គាល់ឃើញ មនុស្សប្រុសចូលចិត្តការងារចង្ក្រានបែបនេះនឹងក្លាយជាខ្ទើយ ព្រោះកញ្ញាមានមិត្តភ័ក្ដិច្រើនបែបនេះ ប៉ុន្តែគ្រាន់តែគេលាក់មុខប៉ុណ្ណោះ។ ដាលីស បានបន្ថែមយ៉ាងនេះថា៖ “ភាគច្រើនខ្ទើយហើយ មិត្តភ័ក្ដិខ្ញុំតែម្ដង យូរៗទៅក្លាយជាខ្ទើយ ទោះជាមានមាឌដាំងយ៉ាងណាក៏ដោយ គ្រាន់តែលាក់មុខ”។
កញ្ញា ដាលីស និស្សិតឆ្នាំទី២ជំនាញធនាគារនៃសាកលវិទ្យាល័យបៀលប្រាយ បានឲ្យដឹងថា តាមកញ្ញាសម្គាល់ឃើញ មនុស្សប្រុសចូលចិត្តការងារចង្ក្រានបែបនេះនឹងក្លាយជាខ្ទើយ ព្រោះកញ្ញាមានមិត្តភ័ក្ដិច្រើនបែបនេះ ប៉ុន្តែគ្រាន់តែគេលាក់មុខប៉ុណ្ណោះ។ ដាលីស បានបន្ថែមយ៉ាងនេះថា៖ “ភាគច្រើនខ្ទើយហើយ មិត្តភ័ក្ដិខ្ញុំតែម្ដង យូរៗទៅក្លាយជាខ្ទើយ ទោះជាមានមាឌដាំងយ៉ាងណាក៏ដោយ គ្រាន់តែលាក់មុខ”។
កញ្ញា សាហ្វាលីន និស្សិតឆ្នាំទី២ ជំនាញទីផ្សារ នៅសាកលវិទ្យាល័យជាតិគ្រប់គ្រង បានឲ្យដឹងផ្ទុយពីដាលីសថា៖ “មិនមែនយ៉ាងនេះទេ ជួនកាលគ្រួសាររបស់គេគ្មានកូនស្រី ដូច្នេះគេត្រូវតែចេះធ្វើម្ហូបអាហារហើយ ហើយក៏មិនទាស់ខុសអីដែរ តែវាកាន់តែល្អទៅវិញទេ។ បុរសដែលខ្ញុំស្គាល់ចេះធ្វើម្ហូប ប៉ុន្តែមិនមែនខ្ទើយទេ”។
កញ្ញា ម៉ម ចាន់នី និស្សិតឆ្នាំទី១ ជំនាញថែទាំវេជ្ជសាស្ត្រ នៅសាកលវិទ្យាល័យសុខាភិបាល បានឲ្យដឹងថា វាលំបាករកទៅវិញទេ បុរសដែលចេះការងារស្រីបែបនេះ។ កញ្ញាថែមទាំងចង់បានស្វាមីចេះធ្វើម្ហូបទៀតផង។ កញ្ញាបានបន្ថែមថា៖ “មិនមែនខ្ទើយទេ តែគាត់ជាបុរសពេញលក្ខណៈ ហើយបុរសបែបនេះកម្ររកណាស់ គឺ១០០មាន១០តែប៉ុណ្ណោះ។ គាត់នឹងអាចជួយទុកធុរៈប្រពន្ធបាន។ ខ្ញុំចង់បានស្វាមីបែបនេះ”។
យុវជន អ៊ុង មាន និស្សិតនៅវិទ្យាស្ថានសហប្រតិបត្តិការអន្តរជាតិ បានឲ្យដឹងថា មករៀននៅភ្នំពេញ ម្នាក់ឯងមិនមានអ្នកធ្វើបាយឲ្យញ៉ាំជាង៨ឆ្នាំហើយ ដូច្នេះត្រូវតែចេះធ្វើម្ហូប ប៉ុន្តែយុវជនរូបនេះមិនដែលគិតថាខ្លួននឹងក្លាយជាខ្ទើយទេ ព្រោះខ្លួនស្រឡាញ់តែមនុស្សដែលមានភេទផ្ទុយគ្នា។ អ៊ុង មាន បន្ថែមថា៖ “ទោះមានប្រពន្ធហើយក៏ដោយ ខ្ញុំនៅតែចូលចង្ក្រាន ជួយការងារជាច្រើន មិនខ្វល់ថា គេនិយាយថាខ្ញុំ ដណ្ដើមការងារស្រីនោះទេ ព្រោះមនុស្សស្រីក៏ចេញរកលុយដែរសម័យបច្ចុប្បន្ននេះ”។
Resource by : sabay
