វិធីងាយៗដើម្បី កម្ចាត់ក្លិនមាត់ ក្លិនក្លៀក និងក្លិនជើងស្អុយ ដោយធម្មជាតិ
ក្លិនខ្លួនស្អុយអាក្រក់ គឺជារឿងដ៏អាម៉ាស់មួយសំរាប់មនុស្សគ្រប់គ្នា មិនថាបុរស ឬស្ត្រីនោះទេ។ ជាពិសេសនៅ ពេលដែលអ្នកកំពុងតែទិញទំនិញ នៅក្នុងថ្នាក់រៀន ការិយាល័យ និងពិធីផ្សេងៗ ដែលមានមនុស្សច្រើន។ តើធ្វើយ៉ាងណា ដើម្បីបំបាត់ក្លិនខ្លួនអាក្រក់ទាំងនោះបាន?
សូមកុំបារម្ភ ខាងក្រោមនេះជាវិធីសាស្ត្របីយ៉ាង ដើម្បីបំបាត់ក្លិនមាត់ស្អុយ ក្លៀកស្អុយ និងជើងស្អុយ បានយ៉ាងមានប្រសិទ្ធិភាព។
១- ក្លិនមាត់ស្អុយ៖ យកស្លឹកតែ ៣ ទៅ ៤ ស្លឹក ទំពារយឺតៗ ឬ ទទួលទានទឹកផ្លែក្រូចថ្លុង និងទឹកការ៉ុត ដើម្បីបំបាត់ធាតុក្តៅ និងបំបាត់ក្លិនមាត់ស្អុយ។
២- ក្លិនក្លៀកស្អុយ៖ យកមើមខ្ញី ហាន់ជាបន្ទះស្តើងៗ យកមកជូតត្រង់ក្លៀក ក្នុងមួយថ្ងៃពីរដង។
៣- ក្លិនជើងស្អុយ៖ យកសាច់ជូរស មួយដុំ ទម្ងន់៦០ក្រាម ត្រាំក្នុងទឹក រួចត្រាំជើង រយៈពេល ៣០នាទីមួយថ្ងៃ មួយដង។ ធ្វើបែបនេះ រយៈពេលពី ៣ ទៅ ៥ថ្ងៃ នឹងធ្វើឱ្យក្លិនជើងរបស់អ្នក ល្អប្រសើរឡើងវិញ៕
