Apple ដំណើរការ Online Store ដំបូងនៅរុស្ស៊ី
កាលពីត្រីមាសទី១ ឆ្នាំ ២០១៣ ប្រាក់ចំណូល របស់ក្រុមហ៊ុន Apple បានធ្លាក់ចុះ ដែលក្នុងប្រវត្តិសាស្រ្ត មិនធ្លាប់មាន ក្នុងរយៈ ១០ឆ្នាំចុងក្រោយនេះ។ បន្ទាប់ពីប្រាក់ចំណូល របស់ខ្លួនបានធ្លាក់ចុះ ក្រុមហ៊ុន Apple បានរៀបចំនូវ យុទ្ធសាស្ត្រទីផ្សារថ្មី ដោយក្នុងនោះ អ្នកនាំពាក្យ Apple បាននិយាយថា នឹងពង្រីកទីតាំង Online Store នៅតាមបណ្ដាល ប្រទេសផ្សេងៗ។
ថ្មីៗនេះ ក្រុមហ៊ុន Apple បានប្រកាសជាសាធារណៈថា បានចាប់ផ្ដើមដំណើរការ Online Store ថ្មីមួយទៀតនៅក្នុង ប្រទេសរុស្ស៊ី ជាលើកដំបូង ដើម្បីផ្ដល់នូវភាពងាយស្រួល ដល់អតិថិជនដែល រស់នៅក្នុងប្រទេសរុស្ស៊ី។
ក្រុមហ៊ុន Apple បាននិយាយថា ទីផ្សារ Apple នៅក្នុងប្រទេសរុស្ស៊ី មិនសូវមានសភាពល្អនោះទេ ប៉ុន្តែ Apple ជឿជាក់ថា នៅក្រោយពេលដំណើរការ Online Store នេះ នឹងធ្វើឲ្យមានភាពល្អ ប្រសើរឡើងវិញ៕
