Apple ត្រូវតែបង្ខំចិត្តចេញ iPad mini ដែលមានតម្លៃ $200
បច្ចុប្បន្ននេះមានក្រុមហ៊ុនជាច្រើនបានបញ្ចេញជាបន្តបន្ទាប់នូវកុំព្យូទ័របន្ទះស្ដើង និងទូរស័ព្ទទំនើបដែលមានតម្លៃទាប ។ ចាប់តាំងពីចុងឆ្នាំ២០១២ និងរហូតមកទល់ពេលនេះក៏ធ្លាប់មានពាក្យចចាមអារ៉ាម និងការសន្និដ្ឋានរបស់អ្នកវិភាគមួយចំនួនដែរថា ដើម្បីរក្សារនូវចំណែកទីផ្សាររបស់ខ្លួនឲ្យបានច្រើននោះ ក្រុមហ៊ុន Apple ត្រូវតែផលិតនូវទូរស័ព្ទទំនើប iPhone ដែលមានតម្លៃទាប ។
បើទោះជាមានពាក្យចចាអារ៉ាមទាក់ទងនឹងទូរស័ព្ទទំនើប iPhone តម្លៃទាបចេះតែចេញជាបន្តបន្ទាប់យ៉ាងណាក្តី ក៏ Apple នៅតែមិនបានបញ្ជាក់ថាក្រុមហ៊ុនមានគម្រោងផលិត iPhone តម្លៃទាបនៅឡើយដែរ ។ សម្រាប់ពេលនេះវិញមានប្រភពមួយទៀតថា Apple ត្រូវតែបង្ខំចិត្តផលិត iPad mini តម្លៃទាប និងបញ្ចេញទៅលើទីផ្សារឲ្យបានត្រឹមបំណាច់ឆ្នាំ២០១៣ នេះ ដើម្បីរក្សាចំណែកទីផ្សារ និងប្រកួតប្រជែងនឹងកុំព្យូទ័របន្ទះស្ដើងតម្លៃទាបៗដែលដំណើរការដោយ Android OS របស់ក្រុមហ៊ុនផ្សេងៗ នេះបើយោងតាមរបាយការណ៍ស្រាវជ្រាវរបស់ លោក Glen Yeung ដែលធ្វើការឲ្យក្រុមហ៊ុន Citigroup ។
បញ្ជាក់៖ លោក Yeung និង សហការី របស់លោកបានរំពឹងថាក្រុមហ៊ុន Apple នឹងបញ្ចេញ iPad mini តម្លៃទាបទៅលើទីផ្សារក្នុងរដូវវិស្សមកាលនៃឆ្នាំនេះដោយលក់ក្នុងតម្លៃចាប់ពី $200-$250 ។ សម្រាប់ព័ត៌មានបន្ថែមទាក់ទងនឹង iPad mini តម្លៃទាប សូមប្រិយមិត្តរង់ចាំតាមដានជាមួយពពក ៕
តើប្រិយមិត្តជឿទេថាក្រុមហ៊ុន Apple នឹងចេញ iPad mini ដែលមានតម្លៃទាបជាងម៉ូដែលសព្វថ្ងៃនេះ ?
