តាលក់ចៅថ្លៃ ៨៥០ ផោន នៅលើ Facebook
ប៉ូលិសឥណ្ឌាបាននិយាយថា តាឥណ្ឌាម្នាក់បានលក់ចៅប្រុសទើបកើតរបស់គាត់នៅលើទំព័រ Facebook ទៅឲ្យអ្នកទិញម្នាក់ ក្នុងតម្លៃ ៨៥០ ផោន ។ប៉ូលិសបាន ចាប់ខ្លួនតានេះ និងអ្នកជួយលក់ចៅរបស់គាត់ម្នាក់ ព្រមទាំងគិលានុបដ្ឋាយិកាចំនួន ២នាក់ ។ បុរសម្នាក់ដែលបានទិញទារកទើបកើតនេះក៏ត្រូវបានចាប់ខ្លួនផងដែរនៅ ទីក្រុងញូវដែលី ប្រទេសឥណ្ឌា កាលពីថ្ងៃពុធ ។
នាង Noor ថើបកូនអាយុ១០ថ្ងៃរបស់នាងនិងប៉ូលិសនាំខ្លួនគិលានុបដ្ឋាយិកា
លោកតាដែលត្រូវបានចាប់ខ្លួននេះឈ្មោះ Feroze Khan
បានលួចយកចៅប្រុសរបស់គាត់
ខណៈដែលកូនស្រីរបស់គាត់បានកំពុងដេកលក់នៅមន្ទីរពេទ្យ “Satyam”
ក្នុងទីក្រុង Ludhiana ក្នុងរដ្ឋ Punjab ប្រទសឥណ្ឌា ។
ដោយមានជំនួយពីបុគ្គលិកពេទ្យនេះ លោកតា Feroze Khan
បាននាំយកចៅប្រុសនេះទៅឲ្យលោក Amit Kumar
ដែលជាអ្នកទិញទារកនេះក្នុងតម្លៃ៧០.០០០រូពី(៨៥០ផោន)
បន្ទាប់ពីបានឃើញរូបថតនៃទារកទើបកើតនេះដែលត្រូវបានបញ្ជូនទៅអ្នកទិញ
នេះនៅលើទំព័រ Facebook ។ប៉ូលិសបានធ្វើការស៊ើបអង្កេត បន្ទាប់ពីនាង Noor ដែលជាកូនស្រីរបស់លោក Feroze Khan បានដាក់ពាក្យប្តឹងប្រឆាំងគាត់ ដោយចោទប្រកាន់គាត់ថាបានលួចយកកូនរបស់នាងទៅលក់។
ក្រុម អ្នកស៊ើបអង្កេតបាននិយាយប្រាប់កាសែត“ Hindustan Times” របស់ឥណ្ឌាថា ឪពុករបស់ស្ត្រីនេះ បានលក់កូននេះ ដោយសារតែនាងបានលែងលះពីប្តីរបស់នាង ហើយគាត់ចង់ឲ្យកូនស្រីរបស់គាត់រៀបការជាមួយបុរសផ្សេងទៀតជាលើកទី ២ឆាប់ៗ៕ S
