ចាំមើលលោក រាជ សុខុន ទុកបនល្បែងខុសច្បាប់របស់ឈ្មោះ សុង សេង និងឈ្មោះ ងី ហៅ ចិនកំប៉ោង ដល់ណាទៀត
ខេត្តស្ទឹងត្រែង ៖ មកដល់ពេលនេះ បនល្បែងស៊ីសងខុសច្បាប់បានបើកលេងយ៉ាងគគ្រឹកគគ្រេង ក្នុងខេត្តស្ទឹងត្រែង ដូចជាឈ្មោះ សុង សេង ហៅតាអាគុយ បានឮបើកវង់អាប៉ោង នៅផ្ទះឈ្មោះ ង៉ែត ម្ដុំទីលានបាល់ទះ ស្ថិតក្នុង ភូមិព្រែក សង្កាត់និងក្រុងស្ទឹងត្រែង ហើយឈ្មោះ ងី ហៅ ចិនកំប៉ោង ក៏បានបើកទីតាំងល្បែងស៊ីសងទ្រង់ទ្រាយធំមានភ្នាល់បាល់ទាត់ និងកត់កន្ទុយលេខនៅកែងផ្សារស្ទឹងត្រែង ផងដែរ ។បើនិយាយពីវង់អាប៉ោង ស៊ីសងលុយដុំនៅផ្ទះឈ្មោះ ង៉ែត នោះគឺឈ្មោះ សុង សេង ជាអ្នកធ្វើមេរីឯអ្នកមានលុយនិង សមត្ថកិច្ចមួយចំនួនក៏ចូលរួមលេងដែរ។ ឈ្មោះ សុង សេង ហៅតាអាគុយ គឺជាមេល្បែងដុះស្លែ មានរថយន្ដស៊េរីទំនើបជិះ និងប្រពន្ធមានទ្រព្យសម្បត្ដិពាក់ជ្រែក ខ្លួន ។ ចំណែកសមត្ថកិច្ចវិញហាក់បីដូចជាស្ងៀមស្ងាត់ ត្រូវដងត្រូវផ្លែនឹងមេអាប៉ោងឈ្មោះ សុង សេង ទើបមិនហ៊ានបង្ក្រាប ។
ដោយឡែកទីតាំងបើកកត់កន្ទុយលេខនិងភ្នាល់ បាល់ទាត់មួយកន្លែង
ស្ថិតនៅកែងផ្សារស្ទឹងត្រែង ក្នុងភូមិត្រពាំងព្រីង
សង្កាត់ស្ទឹងត្រែងក្រុងស្ទឹងត្រែង ដែលមានម្ចាស់ឈ្មោះ ងី
ហៅចិនកំប៉ោង កំពុងបន្ដបើកធ្វើអាជីវកម្មយ៉ាង អនាធិបតេយ្យ
ផ្ទុយពីគោលនយោបាយភូមិឃុំ មានសុវត្ថិភាព ហើយឈ្មោះ ងី ហៅចិនកំប៉ោង
បានបើកធ្វើអាជីវកម្មល្បែងស៊ីសងយូរឆ្នាំមកហើយ
គ្មាននរណាហ៊ានប៉ះពាល់ទេ។
កន្លែងបើកកត់កន្ទុយលេខ
និងភ្នាល់បាល់ទ្រង់ទ្រាយធំមួយកន្លែងដែលមានម្ចាស់ឈ្មោះ ងី
ហៅចិនកំប៉ោង បានបើកទទួលម៉ូយជារៀងរាល់ថ្ងៃ
ដោយមិនកោតញញើតនឹងច្បាប់ទម្លាប់នោះទេ ព្រោះមេបនល្បែងឈ្មោះ ងី
ហៅចិនកំប៉ោងនោះ បានដើរអួតអាងប្រាប់គេថា
ខ្លួនជាបងប្អូនធម៏របស់លោក អភិបាលក្រុងឈ្មោះ ផឹក សុបិន្ត
ហើយបនល្បែងនេះ បើកលេងយូរឆ្នាំមកហើយមិនមានសមត្ថកិច្ចណា
យកចិត្តទុកដាក់បង្ក្រាបសោះឡើយ មានតែចេញចូលជួបឈ្មោះ ងី ហៅចិនកំប៉ោង
យកលុយប៉ុណ្ណោះ។
ជាញឹកញាប់រដ្ឋមន្ដ្រីក្រសួងមហាផ្ទៃ តែងតែណែនាំឲ្យ អាជ្ញាធរនិងសមត្ថកិច្ចយកចិត្ដទុកដាក់ លុបបំបាត់ល្បែងស៊ីសងខុសច្បាប់ទាំងឡាយ ឲ្យស្របតាមគោលនយោបាយភូមិឃុំមានសុវត្ថិភាព ដូច្នេះតើលោក រាជ សុខុន ស្នងការនគរបាលខេត្ដស្ទឹងត្រែង គួរតែមានវិធានការបោស សម្អាតល្បែងស៊ីសងខុសច្បាប់របស់ឈ្មោះ សុង សេង និងទីតាំងភ្នាល់បាល់ទាត់ឈ្មោះ ងី ហៅ ចិនកំប៉ោង ដែលកើតមានយ៉ាងអនាធិបតេយ្យទាំងនោះផង កុំឲ្យប្រជាពលរដ្ឋរិះគន់ខ្លាំងពេក ៕
