អាជ្ញាធរអូស្ត្រាលីរំពឹងថា MH370 នឹងរកឃើញឆាប់ៗនេះ
អស់រយៈពេលជិតមួយឆ្នាំទៅហើយដែលយន្តហោះរបស់ក្រុមហ៊ុន Malaysia Airlines ជើងហោះហើរ MH370 បានបាត់ខ្លួន ខណៈដែលបេសកកម្មរុករកនៅតែបន្ត។ មន្ត្រីជំនាញរបស់អូស្ត្រាលី បានបង្ហាញជំហរថា យន្តហោះនេះនឹងត្រូវរកឃើញនាពេលឆាប់ៗខាងមុខនេះ។
អ្នកស្រី Judith Zielke ប្រធានសម្របសម្រួលមជ្ឈមណ្ឌល JACC របស់ប្រទេសអូស្ត្រាលី បានថ្លែងប្រាប់សារព័ត៌មាន ChannelNewsAsia ថា អ្នកស្រីមានទំនុកចិត្តថា ក្រុមអ្នករុករកកំពុងតែរុករកនៅទីតាំងដែលយន្តហោះ ធ្លាក់កាលពីថ្ងៃទី៨ ខែមីនា ឆ្នាំ២០១៤។ អ្នកស្រី បានថ្លែងដូច្នេះថា ៖«ខ្ញុំមានជំនឿថា យើងនឹងរកឃើញយន្តហោះនោះ»។
សូមបញ្ជាក់ថា ក្នុងបេសកកម្មរុករកយន្តហោះរយៈពេលជិតមួយឆ្នាំមកនេះ បានចំណាយលុយអស់រាប់លានដុល្លារ។ កប៉ាល់ចំនួនបួនត្រូវបានប្រើក្នុងបេសកកម្មរុករក ហើយក្រុមអ្នករុករកបានរុករកទំហំ ២៦ ០០០គីឡូម៉ែត្រការ៉េ គឺស្មើនឹង ៤០%នៃតំបន់អាទិភាពដែលត្រូវរុករក៕
