តើអ្វីទៅជាអាវុធសម្ងាត់របស់នាយកប្រតិបត្តិ (CEO) ក្រុមហ៊ុនកំពូលៗក្នុងលោក?
នៅពេលបច្ចុប្បន្ននេះ ស្ថានភាពអាជីវកម្មនៅលើពិភពលោកហាក់កាន់តែមានភាពស្មុគស្មាញ និង មានការប្រកួតប្រជែងកាន់តែច្រើនឡើង។ ក្នុងស្ថានភាពបែបនេះ បើលោកអ្នកបានដឹងពីយុទ្ធសាស្ត្រ ឬ គន្លឹះដែលត្រូវដើរ ធ្វើឲ្យក្រុមហ៊ុនរបស់លោកអ្នកបន្តបំពេញបេសកកម្មគ្មានដែនកំណត់ វាជារឿងដ៏ល្អប្រសើរបំផុត។ ប៉ុន្តែសំនួរសួរថា តើត្រូវធ្វើដូចម្តេច?
តាមពិតទៅអ្វីដែលគេមិនគួរមើលរំលងនៅក្នុងសមរភូមិអាជីវកម្មក្តី នយោបាយក្តី ឬ បរិបទផ្សេងៗទៀតក្តី សុទ្ធតែមានយុទ្ធសាស្ត្រធ្វើឲ្យជោគជ័យដែលបុគ្គលទាំងឡាយប្រឡូកក្នុងស្ថាប័នទាំងនេះជ្រើសរើសយកមកអនុវត្ត។ ចំណុចនេះត្រូវបានគេចាត់ទុកថា គឺជាអាវុធសម្ងាត់ដ៏ស័ក្តិសិទ្ធិជួយឲ្យជោគជ័យតាមក្តីប្រាថ្នា ហើយនោះគឺការមានគ្រូបង្វឹកផ្ទាល់ខ្លួន (Coaches)។
ហេតុអ្វីបានជាចាំបាច់មានគ្រូបង្វឹកផ្ទាល់ខ្លួន? ខាងក្រោមនេះនឹងបកស្រាយពីមូលហេតុដែលលោកអ្នកគួរមានគ្រូបង្វឹកផ្ទាល់ខ្លួន។
អ្វីដែលគ្រូបង្វឹកអាចជួយជ្រោមជ្រែងអ្នកបាន
ប្រសិនបើលោកអ្នកពិបាកធ្វើការជាមួយគ្រូបង្វឹកណាមួយ ចូរគិតពីកំពូលនាយកប្រតិបត្តិក្រុមហ៊ុនកំពូលៗជាច្រើនក្នុងលោក អ្នកនយោបាយ និង បុគ្គលល្បីៗជាច្រើនទៀតដែលបុគ្គលទាំងនេះសុទ្ធតែមានបុគ្គលគំរូ (Mentors) ឬ គ្រូបង្វឹក( Coaches) ផ្ទាល់ខ្លួនសម្រាប់ជួយប្រឹក្សាឲ្យគំនិតយោបល់។
ប្រសិនបើលោកអ្នកពិបាកធ្វើការជាមួយគ្រូបង្វឹកណាមួយ ចូរគិតពីកំពូលនាយកប្រតិបត្តិក្រុមហ៊ុនកំពូលៗជាច្រើនក្នុងលោក អ្នកនយោបាយ និង បុគ្គលល្បីៗជាច្រើនទៀតដែលបុគ្គលទាំងនេះសុទ្ធតែមានបុគ្គលគំរូ (Mentors) ឬ គ្រូបង្វឹក( Coaches) ផ្ទាល់ខ្លួនសម្រាប់ជួយប្រឹក្សាឲ្យគំនិតយោបល់។
ដូចលោក Eric Schmidt វិស្វករបច្ចេកវិទ្យាជាន់ខ្ពស់របស់ក្រុមហ៊ុន Google ធ្លាប់បាននិយាយថា ដំបូន្មានដ៏ល្អរបស់លោកទៅកាន់នាយកប្រតិបត្តិ (CEO)ចូលថ្មីគឺត្រូវមានគ្រូបង្វឹកផ្ទាល់ខ្លួន។ ចំណុចនេះ លោក Steve Bennett ដែលជា CEO របស់ក្រុមហ៊ុន Intuit បានជឿជាក់ផងដែរថា ការមានគ្រូបង្វឹកផ្ទាល់ខ្លួនគឺពិតជាមានសារសំខាន់ណាស់ក្នុងការជួយធ្វើឲ្យមានការអភិវឌ្ឍជាលក្ខណៈអាជីពមួយ។
នាង Oprah Winfrey សិល្បៈការិនីដ៏ល្បីរបស់អាមេរិក លោក Bill Clinton ហើយសូម្បីតែលោក Barack Obama ក៏មានគ្រូបង្វឹកផ្ទាល់ខ្លួនសម្រាប់ធ្វើជាមូលដ្ឋានជំរុញអាជីពការងារប្រចាំថ្ងៃរបស់លោកដែរ។
ការជ្រើសរើសបុគ្គលគំរូល្បីៗក្នុងលោកដែលអ្នកធ្លាប់ស្គាល់ គឺដើម្បីយកមកធ្វើជាមេរៀនឆ្លុះបញ្ចាំងពីខ្លួនអ្នករាប់ទាំងពីការកសាងក្រុមការងារ សហការ របៀបគ្រប់គ្រងពេលវេលា និង កិច្ចការអាទិភាពជាច្រើនទៀត ហើយជាពិសេសនោះគឺការជួយកសាងទំនុកចិត្តនៅពេលប្រឈមមុខបញ្ហាជាច្រើន។
ខាងក្រោមនេះគឺជាដំបូន្មានអភិវឌ្ឍជំនាញវិជ្ជាជីវៈការងារដែលគេមើលឃើញជាទូទៅថា គ្រូបង្វឹកអាចជួយដល់អ្នកបាន៖
១) គោលដៅនៃការផ្តល់មតិវាយតម្លៃ (Objective feedback)
ការឈរជើងនៅមួយកន្លែងទៅនឹងគោលដៅរបស់ក្រុមហ៊ុនរបស់អ្នកគឺជារឿងមួយមិនងាយស្រួលនោះឡើយ។ អ្នកបានដាក់ខ្លួននឹងការងារពីមួយថ្ងៃទៅមួយថ្ងៃ និង បានទម្លាប់ខ្លួនធ្វើការងារទាំងនោះយ៉ាងជក់ចិត្ត ម្ល៉ោះហើយអ្នកអាចភ្លេចពីចំណុចមួយចំនួនដែលល្អជាងអ្វីដែលអ្នកធ្លាប់ធ្វើ។ នៅត្រង់នេះ គ្រូបង្វឹករបស់អ្នក អាចចូលមកអន្តរាគមន៍ជួយស្វែងរកចំណុចខ្លាំង និង ចំណុចខ្សោយរបស់អ្នកបានថា តើអ្វីខ្លះគួរតែកែលំអ ហើយអ្វីខ្លះគួរតែពង្រឹងបន្ថែម?
ការឈរជើងនៅមួយកន្លែងទៅនឹងគោលដៅរបស់ក្រុមហ៊ុនរបស់អ្នកគឺជារឿងមួយមិនងាយស្រួលនោះឡើយ។ អ្នកបានដាក់ខ្លួននឹងការងារពីមួយថ្ងៃទៅមួយថ្ងៃ និង បានទម្លាប់ខ្លួនធ្វើការងារទាំងនោះយ៉ាងជក់ចិត្ត ម្ល៉ោះហើយអ្នកអាចភ្លេចពីចំណុចមួយចំនួនដែលល្អជាងអ្វីដែលអ្នកធ្លាប់ធ្វើ។ នៅត្រង់នេះ គ្រូបង្វឹករបស់អ្នក អាចចូលមកអន្តរាគមន៍ជួយស្វែងរកចំណុចខ្លាំង និង ចំណុចខ្សោយរបស់អ្នកបានថា តើអ្វីខ្លះគួរតែកែលំអ ហើយអ្វីខ្លះគួរតែពង្រឹងបន្ថែម?
២) ពង្រីកបណ្ដាញទំនាក់ទំនងឲ្យកាន់តែទូលាយជាងមុន (A broader network)
គ្រូបង្វឹកដ៏ល្អប្រៀបបានដូចជាមានមេធាវីដ៏ល្អមួយរូបនៅចាំការពារអ្នកផងដែរ។ ប៉ុន្តែអ្វីដែលគុណតម្លៃពិតប្រាកដមួយចេញពីគ្រូបង្វឹករបស់អ្នក គឺការជួយពង្រីកបណ្ដាញទំនាក់ទំនងរបស់អ្នកជាមួយមនុស្សមានសក្ដានុពលជាច្រើនទៀតដែលអ្នកមិនធ្លាប់ស្គាល់ ឬ ទំនាក់ទំនង។ នេះគឺជាការបើកភ្លើងខៀវមួយក្នុងការធ្វើឲ្យមុខជំនួញរបស់អ្នកកាន់តែល្បីក្នុងសមរភូមិអាជីវកម្ម។
គ្រូបង្វឹកដ៏ល្អប្រៀបបានដូចជាមានមេធាវីដ៏ល្អមួយរូបនៅចាំការពារអ្នកផងដែរ។ ប៉ុន្តែអ្វីដែលគុណតម្លៃពិតប្រាកដមួយចេញពីគ្រូបង្វឹករបស់អ្នក គឺការជួយពង្រីកបណ្ដាញទំនាក់ទំនងរបស់អ្នកជាមួយមនុស្សមានសក្ដានុពលជាច្រើនទៀតដែលអ្នកមិនធ្លាប់ស្គាល់ ឬ ទំនាក់ទំនង។ នេះគឺជាការបើកភ្លើងខៀវមួយក្នុងការធ្វើឲ្យមុខជំនួញរបស់អ្នកកាន់តែល្បីក្នុងសមរភូមិអាជីវកម្ម។
៣) ជ្រះស្រឡះពីគំនិតអាជីវកម្ម (Fresh ideas)
គ្រូបង្វឹកល្អដែលមានជំនាញផ្នែកអាជីវកម្ម គឺជាបុគ្គលដែលមានបទពិសោធន៍យ៉ាងសំបូរបែបនៅក្នុងទីលានអាជីវកម្ម។ បើអ្នកចង់មានជំនាញអ្វីអ្នកគួរតែមានគ្រូបង្វឹកដែលមានជំនាញនោះដូចគ្នា។ នេះដោយហេតុថា គ្រូបង្វឹកដែលមានជំនាញច្បាស់ទៅនឹងអាជីពការងាររបស់អ្នកអាចស្គាល់ពីក្រឡុកក្រលៀតរបស់អ្នកបាន។ ទន្ទឹមនឹងនេះ នៅពេលដែលអ្នកចង់បង្កើតគម្រោងអាជីវកម្មរបស់អ្នកនៅពេលអនាគត គ្រូបង្វឹករបស់អ្នកនឹងមានវត្តមាននៅទីនេះដែរ៕
គ្រូបង្វឹកល្អដែលមានជំនាញផ្នែកអាជីវកម្ម គឺជាបុគ្គលដែលមានបទពិសោធន៍យ៉ាងសំបូរបែបនៅក្នុងទីលានអាជីវកម្ម។ បើអ្នកចង់មានជំនាញអ្វីអ្នកគួរតែមានគ្រូបង្វឹកដែលមានជំនាញនោះដូចគ្នា។ នេះដោយហេតុថា គ្រូបង្វឹកដែលមានជំនាញច្បាស់ទៅនឹងអាជីពការងាររបស់អ្នកអាចស្គាល់ពីក្រឡុកក្រលៀតរបស់អ្នកបាន។ ទន្ទឹមនឹងនេះ នៅពេលដែលអ្នកចង់បង្កើតគម្រោងអាជីវកម្មរបស់អ្នកនៅពេលអនាគត គ្រូបង្វឹករបស់អ្នកនឹងមានវត្តមាននៅទីនេះដែរ៕
ប្រែសម្រួល៖ ខេវិន
