លក្ខណៈខុសគ្នាចំនួន ៩ យ៉ាង របស់សហគ្រិន និង បុគ្គលដែលចង់ធ្វើជាសហគ្រិន
ភាពជោគជ័យក្នុងការបង្កើតអាជីវកម្មគ្មានអ្នកណាអាចព្យាករណ៍បានឡើយថា តើនឹងទទួលបានជោគជ័យ ឬ បរាជ័យក្នុងកម្រិតណា? ប៉ុន្តែគេអាចកំណត់បានពីភាពខុសគ្នារវាងសហគ្រិន និង បុគ្គលដែលចង់ធ្វើជាសហគ្រិនបានដែលមានបង្ហាញនូវបុគ្គលិកលក្ខណៈចំនួន ៩ ខាងក្រោមនេះ៖
១) សហគ្រិនបោះជំហានទៅមុខ ខណៈដែលបុគ្គលចង់ធ្វើជាសហគ្រិនត្អូញត្អែរច្រើន
“បង្កើតគំនិតឡើងគឺជារឿងងាយស្រួល តែការអនុវត្តគឺជារឿងលំបាក”។ លោក Guy Kawasaki ស្ថាបនិកក្រុមហ៊ុន AllTop។
“បង្កើតគំនិតឡើងគឺជារឿងងាយស្រួល តែការអនុវត្តគឺជារឿងលំបាក”។ លោក Guy Kawasaki ស្ថាបនិកក្រុមហ៊ុន AllTop។
ចំណុចមួយដែលមិនអាចបដិសេធន៍បាននោះគឺថា សហគ្រិនបានបង្កើតអ្វីៗឡើងស្របតាមគំនិតផ្ដួចផ្ដើមរបស់ខ្លួនទោះបីជាជំហានចាប់ផ្តើមពីចំណុចតូចមួយក៏ដោយ។ ខុសពីសហគ្រិន បុគ្គលដែលចង់ធ្វើសហគ្រិនបានត្រឹមតែត្អូញត្អែរនេះត្អូញត្អែរនោះយកលេសឲ្យខ្លួនឯងគ្មានទីបញ្ចប់។
២) សហគ្រិនមិនអនុញ្ញាតឲ្យការបរាជ័យមកបញ្ឈប់ខ្លួនឡើយ ខណៈដែលបុគ្គលចង់ធ្វើជាសហគ្រិនបាក់ទឹកចិត្តយ៉ាងងាយស្រួល
ដូចអ្វីដែលលោក Steve Jobes ធ្លាប់បានមានប្រសាសន៍នោះគឺថា សហគ្រិនដែលជោគជ័យខុសពីសហគ្រិនបរាជ័យជោគជ័យ នៅត្រង់ការព្យាយាមដោយមិនបោះបង់នេះឯង។ សហគ្រិនជាទូទៅរៀនសូត្រពីកំហុសរបស់ខ្លួន និងខិតខំប្រឹងប្រែងធ្វើវាឲ្យបានល្អប្រសើរឡើងវិញ។ នេះវាផ្ទុយ ស្រលះពីបុគ្គលដែលចង់ធ្វើសហគ្រិនដែលងាយនឹងបាក់ទឹកចិត្តនៅពេលបរាជ័យ។
ដូចអ្វីដែលលោក Steve Jobes ធ្លាប់បានមានប្រសាសន៍នោះគឺថា សហគ្រិនដែលជោគជ័យខុសពីសហគ្រិនបរាជ័យជោគជ័យ នៅត្រង់ការព្យាយាមដោយមិនបោះបង់នេះឯង។ សហគ្រិនជាទូទៅរៀនសូត្រពីកំហុសរបស់ខ្លួន និងខិតខំប្រឹងប្រែងធ្វើវាឲ្យបានល្អប្រសើរឡើងវិញ។ នេះវាផ្ទុយ ស្រលះពីបុគ្គលដែលចង់ធ្វើសហគ្រិនដែលងាយនឹងបាក់ទឹកចិត្តនៅពេលបរាជ័យ។
៣) គោលដៅរបស់សហគ្រិនគឺចង់ធ្វើឲ្យបានល្អបំផុត ខណៈដែលគោលដៅរបស់បុគ្គលចង់ធ្វើសហគ្រិនចង់ក្លាយជាអ្នកមាន
នៅទីនេះលោក Tony Hsieh នាយកប្រតិបត្តិក្រុមហ៊ុន Zappos របស់អាមេរិកបានលើកឡើងដូច្នេះថា៖ « ត្រូវស្រវាចាប់យកគោលដៅដែលអ្នកចង់បាន មិនមែនលុយនោះឡើយ។ នៅពេលដែលគោលដៅអ្នកជោគជ័យ លុយនឹងរត់មករកអ្នក»។
នៅទីនេះលោក Tony Hsieh នាយកប្រតិបត្តិក្រុមហ៊ុន Zappos របស់អាមេរិកបានលើកឡើងដូច្នេះថា៖ « ត្រូវស្រវាចាប់យកគោលដៅដែលអ្នកចង់បាន មិនមែនលុយនោះឡើយ។ នៅពេលដែលគោលដៅអ្នកជោគជ័យ លុយនឹងរត់មករកអ្នក»។
នៅក្នុងសង្គ្រាមអាជីវកម្មគេសង្កេតឃើញថា សហគ្រិនដែលរឹងមាំព្យាយាមបំពេញគោលដៅរបស់ខ្លួនឲ្យបានល្អបំផុតដើម្បីបន្សល់ទុកដល់ពិភពលោកនេះ ហើយមហិច្ឆតារបស់បុគ្គលទាំងនោះគឺត្រូវតែធំជាងលុយ។ នេះវាខុសពីមនុស្សមួយចំនួនដែលចង់ធ្វើសហគ្រិនគិតតែពីរកប្រាក់ចំណេញ ឬ លុយកាក់ធ្វើជាត្រីមុខ។
៤) សហគ្រិនខិតខំធ្វើការដើម្បីអាជីវកម្ម ខណៈដែលបុគ្គលចង់ធ្វើសហគ្រិនខិតខំធ្វើការដើម្បីតែមុខមាត់របស់ខ្លួន
លោក Thomas Edison បានមានប្រសាសន៍ថា៖ « ទេពកោសល្យគឺ ១% កើតចេញពីគំនិត និង ៩៩% កើតចេញពីញើសឈាមរបស់ខ្លួន»។
លោក Thomas Edison បានមានប្រសាសន៍ថា៖ « ទេពកោសល្យគឺ ១% កើតចេញពីគំនិត និង ៩៩% កើតចេញពីញើសឈាមរបស់ខ្លួន»។
នេះជាការងារដ៏សំខាន់របស់សហគ្រិនក្នុងការខិតខំធ្វើការអស់ពីកម្លាំងកាយចិត្តដើម្បីធ្វើឲ្យអាជីវកម្មរបស់ខ្លួនទទួលបានជោគជ័យ។ សហគ្រិនគឺជាមនុស្សដែលមមាញឹកបំផុត និង យកចិត្តទុកដាក់ខ្ពស់លើប្រភេទអាជីវកម្ម ឬ មុខជំនួញដែលនាំមកនូវសក្ដានុពលក្នុងទីផ្សារ។ យ៉ាងណាមិញសម្រាប់បុគ្គលដែលចង់ធ្វើសហគ្រិនពុំមានការអត់ធ្មត់នោះឡើយ ហើយតែងរកផ្លូវកាត់ដែលងាយស្រួលដើម្បីឲ្យមនុស្សគ្រប់គ្នាគិតថា ខ្លួនពិតជាបានជោគជ័យរួចទៅហើយ។
៥) សហគ្រិនធ្វើការដើម្បីស្រវាចាប់យកអ្វីដែលខ្លួនចង់បានដោយខ្លួនឯង ខណៈដែលបុគ្គលចង់ធ្វើសហគ្រិនដេករង់ចាំគ្មានទីបញ្ចប់
« ពេលណាក៏ដោយ សុទ្ធតែល្អសម្រាប់បើកក្រុមហ៊ុន»។ លោក Ron Conway ស្ថាបនិករបស់ក្រុមហ៊ុន Startup Investor។
« ពេលណាក៏ដោយ សុទ្ធតែល្អសម្រាប់បើកក្រុមហ៊ុន»។ លោក Ron Conway ស្ថាបនិករបស់ក្រុមហ៊ុន Startup Investor។
ដើម្បីចាប់ផ្តើមធ្វើអ្វីមួយដែលខ្លួនចង់បាន សហគ្រិនយល់ឃើញថា ជំនួញ ឬ ប្រភពធនធានផ្សេងទៀតមិនមែនជាអ្វីដែលខ្លួនត្រូវដេករង់ចាំនោះទេ។ ហេតុដូច្នេះហើយខ្លួនត្រូវតែងើបក្រោកឡើងទៅស្វែងរកវាដោយខ្លួនឯង មិនចាំបាច់មានអ្នកណាម្នាក់មកប្រាប់នោះឡើយ។ ប៉ុន្តែនេះជារឿងផ្សេងសម្រាប់បុគ្គលដែលចង់ធ្វើសហគ្រិនដែលជារឿយៗដេកទន្ទឹមរង់ចាំឲ្យគេជួយ ឬ ទុកឲ្យឱកាសល្អៗមកដល់ដៃដោយខ្លួនឯងមិនចាំបាច់ចំណាយកំលាំងទៅស្វែងរកវានោះទេ។
៦) សហគ្រិនសម្របខ្លួន និង ធ្វើការផ្លាស់ប្ដូរភ្លាមៗ ខណៈដែលបុគ្គលចង់ធ្វើសហគ្រិននៅអែនអនសុំមតិរបស់អ្នកដទៃ
ការផ្លាស់ប្ដូរ ឬ សម្របខ្លួនទៅនឹងស្ថានភាពថ្មីៗ ឲ្យបានទាន់សភាពការណ៍ គឺជាលក្ខណៈពិសេសមួយទៀតរបស់សហគ្រិន ព្រោះថាការផ្លាស់ប្ដូរនេះហើយអាចជាឱកាសល្អឈានឆ្ពោះទៅរកភាពជោគជ័យក្នុងអាជីវកម្ម។ ទោះបីជាបែបនេះក្តី បើអ្នកក្រឡេកមកមើលបុគ្គលចង់ធ្វើជាសហគ្រិនវិញនោះ ពិតជាមានការភ័យខ្លាចទៅនឹងការផ្លាស់ប្ដូរនេះ គ្មានភាពក្លាហានក្នុងការផ្លាស់ប្ដូរ ហើយចាប់ផ្តើមស្វែងរកគំនិតយោបល់របស់អ្នកផ្សេងជាមុនសិន។
ការផ្លាស់ប្ដូរ ឬ សម្របខ្លួនទៅនឹងស្ថានភាពថ្មីៗ ឲ្យបានទាន់សភាពការណ៍ គឺជាលក្ខណៈពិសេសមួយទៀតរបស់សហគ្រិន ព្រោះថាការផ្លាស់ប្ដូរនេះហើយអាចជាឱកាសល្អឈានឆ្ពោះទៅរកភាពជោគជ័យក្នុងអាជីវកម្ម។ ទោះបីជាបែបនេះក្តី បើអ្នកក្រឡេកមកមើលបុគ្គលចង់ធ្វើជាសហគ្រិនវិញនោះ ពិតជាមានការភ័យខ្លាចទៅនឹងការផ្លាស់ប្ដូរនេះ គ្មានភាពក្លាហានក្នុងការផ្លាស់ប្ដូរ ហើយចាប់ផ្តើមស្វែងរកគំនិតយោបល់របស់អ្នកផ្សេងជាមុនសិន។
៧) សហគ្រិនមានភាពច្នៃប្រឌិតខ្ពស់ ខណៈដែលបុគ្គលចង់ធ្វើសហគ្រិនដេករង់ចាំគំនិតល្អចូលមកដល់
នៅទីនេះ បើផ្អែកតាមទស្សនៈរបស់លោក Russell Simmons ដែលជាស្ថាបនិករបស់ក្រុមហ៊ុន Def Jam របស់អាមេរិកបានយល់ដូច្នេះថា៖« អ្នកគ្រាន់តែយកចិត្តទុកដាក់នូវអ្វីដែលជាតម្រូវការរបស់សាធារណជន និង គិតទៅលើអ្វីដែលមិនទាន់មានអ្នកណាធ្វើ»។
នៅទីនេះ បើផ្អែកតាមទស្សនៈរបស់លោក Russell Simmons ដែលជាស្ថាបនិករបស់ក្រុមហ៊ុន Def Jam របស់អាមេរិកបានយល់ដូច្នេះថា៖« អ្នកគ្រាន់តែយកចិត្តទុកដាក់នូវអ្វីដែលជាតម្រូវការរបស់សាធារណជន និង គិតទៅលើអ្វីដែលមិនទាន់មានអ្នកណាធ្វើ»។
វាជារឿងឆោតល្ងង់ដែលសហគ្រិនត្រូវដេករង់ចាំគំនិតដ៏ល្អមួយបំផុសចេញឡើង។ តាមពិតទៅសហគ្រិនបានយល់ឃើញថា ការធ្វើឲ្យអាជីវកម្មជោគជ័យ វាមិនមែនត្រូវការគំនិតដ៏ល្អឥតខ្ចោះនោះឡើយ តែវាត្រូវការភាពច្នៃប្រឌិត និង បង្កើតអ្វីថ្មីៗដែលមិនមានអ្នកណាធ្លាប់ធ្វើវានៅពេលកន្លងមក ឬ យ៉ាងហោចណាស់ធ្វើឲ្យខុសប្លែកពីគេ។ ងាកមកមើលបុគ្គលដែលចង់ធ្វើសហគ្រិនវិញ គឺជាមនុស្សដែលងប់ងុលទៅនឹងការដេករង់ចាំគំនិតដ៏អស្ចារ្យធ្លាក់មកពីលើមេឃ។
៨) សហគ្រិនគឺជាអ្នកដែលហ៊ានប្រឈមមុខនឹងហានិភ័យ ខណៈដែលបុគ្គលចង់ធ្វើសហគ្រិនគេចវេសពីហានិភ័យ
ដូចអ្វីដែលលោក Ray Kroc ស្ថាបនិកក្រុមហ៊ុន McDonald’s បាននិយាយថា៖ « ប្រសិនបើអ្នកមិនមែនជាមនុស្សដែលហ៊ានប្រឈមមុខនឹងហានិភ័យ អ្នកគួរតែយកឋាននរកចេញពីសង្គ្រាមអាជីវកម្ម»។
ដូចអ្វីដែលលោក Ray Kroc ស្ថាបនិកក្រុមហ៊ុន McDonald’s បាននិយាយថា៖ « ប្រសិនបើអ្នកមិនមែនជាមនុស្សដែលហ៊ានប្រឈមមុខនឹងហានិភ័យ អ្នកគួរតែយកឋាននរកចេញពីសង្គ្រាមអាជីវកម្ម»។
សង្គ្រាមអាជីវកម្មនៅក្នុងពិភពលោកទាំងមូលបានបង្រៀនសហគ្រិនច្រើនណាស់ ហើយពាក់កណ្តាលនៃសហគ្រិនអាចទប់ទល់ទៅនឹងសៃវៀននេះបាន។ នេះក៏ដោយសារតែពួកគេជាមនុស្សដែលជឿជាក់ និង មានទំនុកចិត្តលើសមត្ថភាពរបស់ខ្លួនទោះបីជាមានហានិភ័យកម្រិតណាក៏ដោយ។ សម្រាប់បុគ្គលដែលចង់ធ្វើសហគ្រិន ការគេចចេញពីហានិភ័យគឺជាក្តីប្រាថ្នាគឺជាជម្រើសដ៏ល្អបំផុតរបស់ខ្លួន។
៩) សហគ្រិនបំពេញមហិច្ឆតារបស់ខ្លួន ខណៈដែលអ្នកចង់ធ្វើជាសហគ្រិនបំពេញមហិច្ឆតារបស់អ្នកដទៃ
« ជ្រើសរើសការងារដែលអ្នកពេញចិត្ត ព្រោះអ្នកមិនមែនធ្វើការដើម្បីតែមួយថ្ងៃនោះឡើយ»។ ខុង ជឺ ទស្សនវិទូចិន ។
« ជ្រើសរើសការងារដែលអ្នកពេញចិត្ត ព្រោះអ្នកមិនមែនធ្វើការដើម្បីតែមួយថ្ងៃនោះឡើយ»។ ខុង ជឺ ទស្សនវិទូចិន ។
ការសម្រេចមហិច្ឆតារបស់ខ្លួន គឺជាគោលដៅរបស់សហគ្រិន ពីព្រោះថាវាជាផ្លូវតែមួយគត់ដែលនាំឆ្ពោះទៅរកភាពជោគជ័យក្នុងការងាររបស់ខ្លួនតាមអ្វីដែលខ្លួនពេញចិត្ត។ អ្នកដែលបំពេញការងារដែលខ្លួនពេញចិត្ត នឹងមានកម្លាំងចិត្តខិតខំបំពេញការងារដោយមិនខ្លាចនឿយហត់។ នេះវាខុសពីបុគ្គលដែលចង់ធ្វើជាសហគ្រិនបានត្រឹមតែដើរតាមគំនិត និង ការចង្អុលបង្ហាញរបស់អ្នកដទៃតែប៉ុណ្ណោះ៕
ប្រែសម្រួល៖ ខេវិន
ប្រភព៖ Lifehack
