អាកាសយានដ្ឋានអន្តរជាតិពីរនៅកម្ពុជានឹងមានរៀបចំបន្ទប់សម្រាកបន្ថែមទៀតក្នុងឆ្នាំ២០១៥នេះ
អាកាសយានដ្ឋានអន្តរជាតិភ្នំពេញ និងសៀមរាបនឹងត្រូវរៀបចំរចនាកែលំអឲ្យមានបន្ទប់សម្រាក ការជួបប្រជុំនិងសេវាកម្មផ្សេងៗទៀត នៅក្នុងអាកាសយានដ្ឋានទាំងពីរក្នុងឆ្នាំ២០១៥នេះដែលគម្រោងនេះត្រូវវិនិយោគដោយក្រុមហ៊ុន Plaza Premium Lounge Management Limited ។
ក្រុមហ៊ុនPlaza Premium ដែលមានមូលដ្ឋាននៅទីក្រុងហុងកុងនេះនឹងបង្ហាញនូវការកែច្នៃសេវាកម្មថ្មីបន្ថែមទៀតដូចជាបន្ទប់ប្រជុំ បដិសណ្ឋារកិច្ច ស្ប៉ានិងបរិក្ខារអនាម័យជាច្រើនទៀត ។ ប្រតិបត្តិការនៃផ្ដល់ជូនសេវាកម្មបន្ទប់នេះរំពឹងថានឹងចាប់ផ្ដើមនៅពាក់កណ្ដាលឆ្នាំ២០១៥សម្រាប់អាកាសយានដ្ឋានអន្តរជាតិភ្នំពេញនិងនៅបំណាច់ឆ្នាំ២០១៥សម្រាប់អាកាសយានដ្ឋានអន្តរជាតិខេត្តសៀមរាប ។
ស្ថាបនិកនិងជានាយកប្រតិបត្តិរបស់ក្រុមហ៊ុន Plaza Premium លោក សុង អ៊ៅស៊ី (Song Hoi-See) លើកឡើងថាអាកាសយានដ្ឋានដែលជាទីក្រុងវប្បធម៌ទាំងនៅភ្នំពេញ និងសៀមរាបគឺជាការបន្ថែមចុងក្រោយបង្អស់នៃការបង្កើតបណ្ដាញទូទាំងសាកលលោករបស់ក្រុមហ៊ុន Plaza Premium នេះហើយបន្ទប់សម្រាកដោយគិតរួមគ្នារវាងអាកាសយានដ្ឋានទាំងពីរនេះមានទំហំ២២០០ម៉ែត្រក្រឡាដែលវានឹងផ្ដល់ផាសុកភាព ភាពងាយស្រួលនិងគុណតម្លៃបន្ថែមទៀតសម្រាប់អតិថិជន ។
ប្រធានផ្នែកទីផ្សារនៃក្រុមហ៊ុនអាកាសយានដ្ឋានកម្ពុជា លោកស្រី Patrine Tay ឲ្យដឹងដែរថា អាកាសយានដ្ឋានកម្ពុជាមានភាពការសប្បាយរីករាយក្នុងការបង្កើតភាពជាដៃគូជាមួយក្រុមហ៊ុន Plaza Premium ដែលបានចែករំលែកបទពិសោធន៍ជាមួយការប្ដេជ្ញាចិត្តរបស់ពួកយើងក្នុងការផ្ដល់សេវាកម្មប្រកបដោយគុណភាព នេះហើយយើងរង់ចាំស្វាគមន៍អ្នកដំណើររបស់យើងមកទទួលសេវាកម្មជាមួយបន្ទប់សម្រាកថ្មីនេះសម្រាប់អាកាសយានដ្ឋានអន្តរជាតិទាំងពីរនេះ ។
ប្រធានផ្នែកទីផ្សារនៃក្រុមហ៊ុនអាកាសយានដ្ឋានកម្ពុជា លោកស្រី Patrine Tay ឲ្យដឹងដែរថា អាកាសយានដ្ឋានកម្ពុជាមានភាពការសប្បាយរីករាយក្នុងការបង្កើតភាពជាដៃគូជាមួយក្រុមហ៊ុន Plaza Premium ដែលបានចែករំលែកបទពិសោធន៍ជាមួយការប្ដេជ្ញាចិត្តរបស់ពួកយើងក្នុងការផ្ដល់សេវាកម្មប្រកបដោយគុណភាព នេះហើយយើងរង់ចាំស្វាគមន៍អ្នកដំណើររបស់យើងមកទទួលសេវាកម្មជាមួយបន្ទប់សម្រាកថ្មីនេះសម្រាប់អាកាសយានដ្ឋានអន្តរជាតិទាំងពីរនេះ ។
ក្រុមហ៊ុនអាកាសយានដ្ឋានកម្ពុជាបានដាក់ឲ្យដំណើរការកម្មវិធីកែលំអឡើងវិញ(Redevelopment Programme) ដោយចំណាយថវិកាប្រមាណ១០០លានដុល្លារអាមេរិកកាលពីខែមករាកន្លងទៅនេះសម្រាប់ការពង្រីកស្ថានីយអ្នកដំណើរអាកាសចរណ៍ដែលមានសមត្ថភាពទ្វេដងសម្រាប់ទប់ទល់កំណើនភ្ញៀវទេសចរណ៍ ៕
ដោយ ៖ ចាន់ សុខ នាង
ប្រភព៖ moodiereport
