ទេសចរស្រីថតវីដេអូសិចនៅប្រាសាទពីរ៉ាមីតអេហ្សីប
រដ្ឋាភិបាលអេហ្សីបកំពុងដុតដៃដុតជើងស៊ើបអង្កេត ក្រោយមានភ្ញៀវទេសចរបរទេសថតឈុតវីដេអូអាសអាភាសនៅជិតប្រាសាទពីរ៉ាមីត Giza។
លោក Mamdouh al-Damaty រដ្ឋមន្រ្ដីក្រសួងបូរាណវិទ្យាបាននិយាយ៖ “មានឈុតវីដេអូអាសអាភាសមិនស្របច្បាប់នៅក្នុងបរិវេណប្រាសាទពីរ៉ាមីត ដែលបង្កើតឡើងដោយភ្ញៀវទេសចរស្រីម្នាក់”។
តាមពិតទៅ វីដេអូស្រើបស្រាលដែលមានរយៈពេល១០នាទីនោះ ត្រូវបានបង្ហោះតាមអនឡាញតាំងពីឆ្នាំមុនមកម្ល៉េះ ប៉ុន្តែវាទើបទទួលបានការចាប់អារម្មណ៍ខ្លាំងក្នុងសប្ដាហ៍នេះ នៅពេលដែលកាសែតក្នុងស្រុកមួយបានចុះផ្សាយពីរឿងនេះ ដោយមានរូបភាពកាត់ចេញពីវីដេអូដោយបិទបាំងព្រាលៗលើដើមទ្រូងស្រ្ដី។
កាសែតដដែលនោះ បានឲ្យដឹងថាវីដេអូនោះបានបង្ហាញការស្រាត និងឈុតសិច ដែលសម្ដែងដោយទេសចរនិយាយភាសារុស្សី នៅជិតប្រាសាទដែលមានអាយុ៤៥០០ឆ្នាំ។ យ៉ាងណាក្ដី សារព័ត៌មាន Reuters មិនអាចទាក់ទងមើលភាពលម្អិតនៃវីដេអូនោះបានទេ។
អេហ្សីបជាប្រទេសមួយដែលពឹងផ្អែកយ៉ាងខ្លាំងលើវិស័យទេសចរ ពោលគឺវាជាប្រភពចំណូលយ៉ាងចម្បងសម្រាប់ប្រទេសកាន់សាសនាឥស្លាមមួយនេះ។ យ៉ាងណាក្ដី បញ្ហានយោបាយនា៤ឆ្នាំចុងក្រោយ បានធ្វើឲ្យទេសចរបរទេសធ្លាក់ចុះយ៉ាងខ្លាំង។ រដ្ឋាភិបាលប្រទេសនេះ បានបញ្ជាក់ថារយៈពេល២ឆ្នាំទៀត ទើបវិស័យទេសចរណ៍ឡើងខ្ពស់ដូចកាលពីឆ្នាំ២០១១៕
ប្រែសម្រួល៖ សុខ សុវត្ថិ
ប្រភព៖ Reuters
ប្រែសម្រួល៖ សុខ សុវត្ថិ
ប្រភព៖ Reuters
