អ្នកភូមិរិះគន់អាជ្ញាធរខេត្តប៉ៃលិនមិនជួសជុលពេលផ្លូវខូចតិចតួច ទុកឲ្យខូចច្រើន ទើបនាំគ្នាធ្វើទើបបានចំណេញ
បញ្ចូលអត្ថបទ ៖ សុធា
ថ្ងៃពុធ ទី១១ ខែមីនា ឆ្នាំ២០១៥ ម៉ោង ០៤:០២
ខេត្តប៉ៃលិន ៖ អ្នកភូមិ ព្រមទាំងមហាជន រួមទាំងភ្ញៀវទេសចរជាតិ និងអន្តរជាតិ ដែលបើកបរម៉ូតូ ឬរថយន្តឆ្លងកាត់ផ្លូវក្រាលកៅស៊ូមួយកន្លែង ស្ថិតនៅខាងជើងវត្តពោធិ៍មារាម ហៅវត្តប៉ាហ៊ី ស្ថិតនៅភូមិប៉ាហ៊ីជើង និងភូមិតាង៉ែនលើ សង្កាត់ប៉ៃលិន ក្រុងប៉ៃលិន បានរិះគន់ យ៉ាងខ្លាំងទៅលើអាជ្ញាធរក្រុង\ខេត្តប៉ៃលិនថា ផ្លូវថ្នល់ក្រាលកៅស៊ូខូចខាតតិចតួចល្មមៗមិន ព្រមអើពើធ្វើការជួសជុលនោះទេ ទុករហូតដល់ខូចខាតកាន់តែធំទៅៗ ទើបម្នាក់ៗជួសជុល យ៉ាងញាប់ដៃញាប់ជើង សង្ស័យបានចំណេញ ។ប៉ុន្តែរដ្ឋត្រូវចំណាយថវការអស់ច្រើននៅពេលដែលទុកផ្លូវខូចតិចតួចឲ្យរីធំទៅៗនោះ ។
ជាក់ស្តែងកាលពីល្ងាចថ្ងៃទី១០ ខែមិនា ឆ្នាំ២០១៥ ខណៈភ្ញៀវទេសចរធ្វើដំណើរមកពី ខេត្តផ្សេងទៀតលាន់មាត់ឱ្យអ្នកសារព័ត៌មានឮថា ផ្លូវក្រាលកៅស៊ូនេះមើលទៅខូចខាតតិចតួ ចដែរ បើសិនជាអាជ្ញាធរនាំគ្នាជួសជុលប្រហែលជាអាចធ្វើដំណើរទៅមកយ៉ាងងាយស្រួល ហើយការចំណាយថវិកាជួសជុល ក៏អស់តិចផងដែរ ។ ប៉ុន្តែបែរជាមិនព្រមជួសជុលនោះទេ ទំនងជាខាងអាជ្ញារធរទុកឲ្យខូចកាន់តែច្រើនទើបជួសជុលទៅ អាចទទួលផលចំណេញច្រើនដែរទេដឹង ។
សូមបញ្ជាក់ថា ផ្លូវក្រាលកៅស៊ូ១ខ្សែនេះ បានទទួលរងការខូចខាតជាច្រើនលើកច្រើន សារមកហើយ ក៏ឃើញខាងមន្ទីរសាធារណការនិងដឹកជញ្ជូនខេត្តប៉ៃលិន ទើបតែធ្វើការជួស ជុលរួចរាល់បានប្រហែលប៉ុន្មានខែនេះ ស្រាប់តែរហូតមកដល់ឥឡូវគេបើកបររថយន្តមិនទាន់ សឹកកង់កៅស៊ូផង ផ្លូវថ្នល់នេះបែរជារងការខូចខាតបន្តទៀតទៅវិញ ដោយកន្លែងខ្លះខូចជាអ ន្លើៗ ខ្លះទៀតក្រឡិកក្រឡុកដូចសំបុកមាន់ ហើយបង្កគ្រោះថ្នាក់ចរាចរជាញឹកញាប់ផងដែរ ៕ប្រភព ពីកោះសន្តិភាព
