វៀតណាមវិនិយោគទៅលើគម្រោងចំនួន ១២៨ ស្មើនឹង៤៩,៦លានដុល្លារអាមេរិកនៅកម្ពុជា
ប្រទេសវៀតណាមវិនិយោគមកកម្ពុជាមានគម្រោងសរុបចំនួន១២៨ដែលគិតជាទឹកប្រាក់ស្មើនឹង៤៩,៦លានដុល្លារអាមេរិកស្របពេលដែលកម្ពុជាវិនិយោគទៅប្រទេសវៀតណាមមានចំនួន១៣គម្រោងស្មើនឹង ៥៤ លានដុល្លារអាមេរិក ។
ទិន្នន័យស្ដីពីការវិនិយោគខាងលើនេះត្រូវបានប្រកាសនៅក្នុងកិច្ចប្រជុំនាទ្វេភាគីរវាងរវាងរដ្ឋមន្ត្រីក្រសួងផែនការ និងវិនិយោគ លោក Bui Quang Vinh ជាមួយរដ្ឋមន្ត្រីក្រសួងផែនការ លោក ឆាយ ថន នៅទីក្រុង ហាណូយ កាលពីថ្ងៃអង្គារម្សិលមិញនេះ ។ នៅក្នុងកិច្ចប្រជុំនោះភាគីទាំងពីរបានឯកភាពទៅការអភិវឌ្ឍន៍ផ្នែកធនមនុស្សទៅលើវិស័យទិន្នន័យ និងលើកម្ពស់ការអភិវឌ្ឍន៍តំបន់ត្រីកោណរវាងប្រទេសកម្ពុជា ឡាវ វៀតណាម ។
សិចអាចធ្វើឲ្យខួរក្បាលដំណើរការបានល្អ
តាមការចុះផ្សាយរបស់គេហទំព័រចិន(Xinhua)ឲ្យដឹងថាកម្ពុជាបានវិនិយោគទៅលើគម្រោង៣នៅប្រទេសវៀតណាមទាក់ទងទៅនឹងការផលិតថាមពលវារីអគ្គិសនី និងដំណាំកៅស៊ូហើយនៅក្នុងឆ្នាំ២០១៥នេះទំហំពាណិជ្ជកម្មរបស់កម្ពុជា និងវៀតណាមត្រូវបានរំពឹងថានឹងកើនដល់៥ពាន់លានដុល្លារអាមេរិក ។
តាមការបញ្ជាក់ពីសមាគមវិនិយោគិនវៀតណាមនៅកម្ពុជាក្នុងដំណើរទស្សនកិច្ចរបស់ប្រធានាធិបតីវៀតណាមកាលពីពេលថ្មីៗនេះឱ្យដឹងថា គម្រោងវិនិយោគធំៗរបស់វៀតណាមរួមមានការវិនិយោគទៅដំណាំកៅស៊ូរបស់ ក្រុមហ៊ុន Hoang Anh Gia Lai Group និងក្រុមហ៊ុនកៅស៊ូវៀតណាម រោងចក្រផលិតជី មន្ទីរពេទ្យជោរៃនៅរាជធានីភ្នំពេញ ក្រុមហ៊ុនអាកាសចរវៀតណាមនិង វិស័យធនាគារហិរញ្ញវត្ថុជាដើម ៕
អត្ថបទ៖ ចាន់ សុខ នាង
