មានអ្វីខ្លះ Apple Watch ធ្វើបាន តែ Android Watch មិនអាច?
បន្ទាប់ពីបានបង្ហាញខ្លួនជាផ្លូវការ Apple Watch ទទួលបានការចាប់អារម្មណ៍យ៉ាងខ្លាំងពីអ្នកគាំទ្រ។ Apple Watch មិនត្រឹមតែមានរូបរាងស្អាតប៉ុណ្ណោះទេ ប៉ុន្តែវាក៏ត្រូវបានរចនាដោយភ្ជាប់មកជាមួយនឹងមុខងារ និងបច្ចេកវិទ្យាទំនើប ស្រដៀងទៅនឹងមុខងាររបស់ Android Watch ដូចជាមុខងារផ្ញើរសារ, Notification និង តាមដានពីសុខភាពជាដើម។ តែបើធ្វើការប្រៀបធៀបជាមួយនឹង Android Watch នោះក៏មានមុខងារមួយចំនួនដែល Apple Watch អាចធ្វើបាន តែ Android Watch មិនអាច។
ក្នុង Apple Watch មានមុខងារដែលអាចឲ្យអ្នកប្រើប្រាស់បញ្ជូនចង្វាក់បេះដូងដែលបាន Record ទៅកាន់អ្នកប្រើប្រាស់ Apple Watch ផ្សេងទៀតបាន
អ្នកប្រើប្រាស់អាចទាញ (Scroll) និងពង្រីកបង្រួម (Zoom) ដោយប្រើប៊ូតុង (Digital Crown) ជំនួសឲ្យការចុចនៅលើអេក្រង់ (Touch Screen) ផ្ទាល់
នៅលើ Apple Watch អ្នកប្រើប្រាស់អាចគូររូបនៅលើអេក្រង់ និងអាចផ្ញើវាបានភ្លាមៗទៅកាន់អ្នកប្រើប្រាស់ Apple Watch ផ្សេងទៀត
អ្នកប្រើប្រាស់ក៏អាចផ្ញើលំញ័រ (Vibration) ទៅកាន់អ្នកប្រើប្រាស់ផ្សេងទៀតផងដែរ
លើសពីនេះ អ្នកប្រើប្រាស់អាចបន្ថែមនូវព័ត៌មានបន្ថែមដូចជាដំណឹងពីអាកាសធាតុ នៅក្នុងផ្ទៃអេក្រង់នាឡិកាជំនួសដោយការផ្ដូរព័ត៌មានផ្សេងចេញ
អ្នកប្រើប្រាស់អាចធ្វើការចំណាយប្រាក់តាមរយៈ Apple Watch ដោយគ្រាន់តែដាក់វានៅលើម៉ាស៊ីន NFC
អ្នកប្រើប្រាស់ក៏ឆ្លើយតបអត្ថបទសារដោយប្រើសារជាសំឡេងខ្លីៗ
ប្រសិនបើអ្នកទិញ Apple Watch Edition អ្នកប្រើប្រាស់អាចប្រើប្រអប់ ( Fancy Box ) របស់វាជាប្រដាប់បញ្ចូលថាមពលថ្ម
នៅលើ Home Screen របស់ Apple Watch គឺអាចបង្ហាញបានគ្រប់ Apps ទាំងអស់
ក្នុងនោះដែរអ្នកប្រើប្រាស់អាចដំណើរការមុខងារផ្សេងៗ ដូចជាការចុចសង្កត់ខ្លាំង ឬ ថ្មមៗនៅលើផ្ទៃអេក្រង់ (ឧ. ចុចខ្លាំងដើម្បីដំណើរការមីនុយនៅក្នុងកម្មវិធីតន្រ្តី (Music app), ក៏ដូចជាមុខងារផ្សេងៗទៀត ) ដែលមុខងារទាំងនេះហៅថា Force Touch៕
ប្រែសម្រួល៖ សំនៀង
ប្រភព៖ Businessinsider
