ចូលទៅកៀកព្រះអាទិត្យពិតជាគួរឲ្យខ្លាច! (video inside)
នៅពេលដែលលំហអាកាសស្រលះល្អ ព្រះអាទិត្យអាចបញ្ចេញពន្លឺរបស់វាក្នុងចម្ងាយរហូតដល់ ១៤៩,៦៧ លានគីឡូម៉ែត្រទើបមកដល់ភពផែនដី។ នេះមិនអាចធ្វើឲ្យអ្នកវិទ្យាសាស្ត្រប្រើប្រាស់យានណាមួយហោះទៅស្រាវជ្រាវកៀកនឹងវាបានឡើយដោយហេតុថាវាមានក្តៅខ្លាំងពេក ពោលគឺគេបានត្រឹមតែថតរូបភាពរបស់វាពីចម្ងាយតែប៉ុណ្ណោះ។
ប៉ុន្តែឥឡូវនេះ អង្គការ NASA បានជោគជ័យក្នុងការប្រើប្រាស់ឧបករណ៍សង្កេតពន្លឺព្រះអាទិត្យ Solar Dynamics Observatory ឬ SDC កាន់តែទំនើបជាងមុន ក្នុងការផ្តល់លទ្ធភាពមួយធ្វើឲ្យអ្នកវិទ្យាសាស្ត្រអាចមើលឃើញទិដ្ឋភាពរបស់វាកាន់តែជិត។
ថ្វីត្បិតតែវាមានរាងមូលដូចផែនដី តែផ្ទៃរបស់វាមិនមែនជាអ្វីដែលគួរឲ្យទាក់ទាញនោះឡើយ ព្រោះថាវាជាភពក្រហមមានចំហេះជានិច្ច។ រូបធាតុនានាដែលចូលទៅកៀកនឹងវា ច្បាស់ណាស់ថា នឹងត្រូវបាត់ខ្លួនជាមិនខានពីព្រោះកម្តៅរបស់វាមានរហូតដល់ ១៥ លានអង្សាឯណោះ។
អ្វីដែលធ្វើឲ្យអ្នកវិទ្យាសាស្ត្រមានការបារម្ភនោះគឺថា ខ្លាចក្រែងអណ្តាតភ្លើងព្រះអាទិត្យ (Solar flares) ផ្ទុះចេញមកក្រៅម្តងៗ (មើលវីដេអូខាងលើ)។ បើអណ្តាតភ្លើងនេះជះមកក្រៅលយចេញមកមកចំទិសផែនដីហើយនោះ វាអាចបង្កឲ្យតំបន់មួយចំនួននៅលើភពផែនដីរាំងស្ងួត ទឹកកករលាយភ្លាមៗ កម្តៅឡើងខ្លាំងបង្កទៅជាគ្រោះរាំងស្ងួត រួមទាំងប៉ះពាល់ដល់ការបង្កបង្កើនផលជាដើម។
អ្នកវិទ្យាសាស្ត្រអង្គការ NASA បានអះអាងថា អណ្តាតភ្លើងរបស់ព្រះអាទិត្យមានថាមពលខ្លាំងជាងបន្ទុះភ្នំភ្លើងនៅលើភពផែនដីរហូតដល់ទៅ ១០ លានដងឯណោះ។ ហេតុដូច្នេះ បើវាផ្ទុះមកកៀកផែនដីកាន់តែខ្លាំង វាអាចបំផ្លាញភពផែនដីយើងបាន៕
ទស្សនាវីដេអូខាងក្រោមនេះ!
ប្រែសម្រួល៖ខេវិន
ប្រភព៖ NASA
